2013年12月31日 星期二

牛油煎大虎蝦

今日係2013年最後一日. 這一年,你過得好嗎?無論過得好不好,2013 也要過去了。新的一年,一切都是新的,不要活在過去,活好現在。時間從不為任何人停留,美好的回憶卻會永留心中,直到時間盡頭。

奉上平安夜的牛油煎大虎蝦送走2013, 迎接2014啦!


2013年12月30日 星期一

生菜一品煲

天氣凍咗幾日, 明知自己係高危人士, 已經好好保護自己, 以免又瀨嘢. 點知條氣管都係唔爭氣, 屋企不嬲都會有氣管藥看門口, 但係前晚瞓覺氣管係咁'BB'聲, 咳到胸口痛, 已經知道又要去拜訪醫生啦! 唉, 氣管炎呀! 又要食藥....... ::cc9073



2013年12月28日 星期六

冬至烚烚吓-咸菜胡椒豬肚湯

E個post本身諗佳冬至之後出嘅, 但畀聖誕post爬頭, 再擺係度唔出連我自己都覺得out!

冬至之前一直為煮咩餸而頭痛, 最終因為那天天氣依然凍冰冰t煩, 打邊邊算啦. 我特意出去深水埗北河街市買海鮮, 這裡選擇多, 亦有比較特別嘅海鮮.

黃金蚌


鏡殼

九節蝦


2013年12月27日 星期五

27號新開始 - Y! Blog Bye Bye

27號對普通人嚟講可能冇咩特別, 但係對於我哋一眾blogger就係新開始. 因為琴日26係Y! blog正式關閉, 我係最後一日將自己個blog cap落嚟做個紀念.

我個blog2007年成立, 中間曾經因為某D問題而冇寫blog, 直至發掘對煮食嘅興趣, 再重新寫blog, 亦都識到同樣對煮食有興趣嘅朋友. 雖然有Dblogger可能失散, 希望遲D會重遇, 仲有聯絡嘅blogger, 希望大家keep in touch, 繼續為自己blog而努力!



這裡LIKE吓我的Facebook Page支持呀~

2013年12月26日 星期四

聖誕豐富大餐

26號啦, Happy boxing day! ::xm4030  大家拆咗禮物未? 小時候通常收到聖誕禮物, 媽咪吩咐一定要等到boxing day先可以拆禮物, 唔知依家仲有依隻歌仔唱呢?
::xm7272
今年聖誕節, 第一年親自炮製聖誕大餐, 過程要好enjoy, 亦都學西餐廳, 食完一道菜先可以再上另一道菜. (其實可能係我煮得慢). 哈哈!!! ::xm4122

之前係深水埗西北河街街市買咗巨大老虎蝦. 睇吓大過我隻手架!!! 依佢咁嘅身形, 個價錢絕對用超值嚟形容. ::xm2216


2013年12月25日 星期三

聖誕快樂

Jingle Bell, jingle bell, jingle all the way.......::xm5004 聖誕快樂呀~~~ ::xm4118 咁多個節日最鍾意聖誕節. 因為好有節日氣氛. 小時會出去影燈飾, 交換禮物, 但人大了, 形式唔同咗, 所以今日會比較忙, 因為要炮製聖誕大餐.  ::xm2216 你哋會有咩節目呀?


這裡LIKE吓我的Facebook Page支持呀~

2013年12月21日 星期六

准山栗子雪耳螺頭湯

大家應該已經知道香港電視會進軍流動電視, 對我哋嚟講簡直天大喜訊. 「一男子」拒絕發免費電視牌照這兩個月, 我一直深信香港電視係唔會死亡, 主席一定會尋求各種方法去令香港電視繼續生存. 形式雖然唔同咗, 同埋要到出年7月, 但我依然支持., 證明只要堅持到底, 一定會成功. 為慶祝, 就用清甜湯水代酒啦!


今次依個湯係我朋友個工人提供嘅, 咁啱行街市見到有一盤新鮮螺仔, 就買咗再加急凍螺頭, 清甜無比. 


2013年12月19日 星期四

辣味暖笠笠-回鍋肉

E兩日真係冷得我騰騰震, 一收工就即刻奔番屋企, 始終都係屋企最溫暖, 瞓覺都要攬住暖水袋先瞓到. 我諗有好多人會選擇打邊邊, 有幾多人係其中一份子呢? 我就會選擇食辣嘢! 突然諗起川菜, -回鍋肉. 

回鍋肉是著名的四川菜,十分受歡迎。喜歡它的辣味,豬腩肉又爽口,不覺肥膩,十分好送飯的一道餸菜. 

2013年12月17日 星期二

冬天大滋潤-椰子紅蘿蔔雪耳鮮百合湯

從星期日開始, 天氣開始凍, 睇天氣預測, 應該會凍足一星期. 我終於覺得似番個冬天啦! 雖然我都幾怕凍, 都唔明冬天出世嘅我, 冇理由會咁怕凍架! 冬天當然要飲多D滋潤湯水, 就由我嘅湯水滋潤你哋啦!

椰子紅蘿蔔雪耳鮮百合湯


材料:

新鲜椰子 1個
椰子水 1包
紅蘿蔔 1絛
雪耳 3錢
鮮百合 2個  
豬冧肉 大約$20
蜜棗 2粒
薑 3片

2013年12月16日 星期一

最實用的生日禮物 - Le Creuset

過咗生日, 我又大一歲了. 今年我D朋友係bar book房為我慶祝, 但係大家都主張唔好醉. 一嚟大家聽日仲要返工, 二嚟大家心態已經唔同晒. 生日唔一定要飲醉先夠盡興. 多謝嗰晚出席嘅所有朋友們!!! ::uu7134

2013年12月13日 星期五

Happy Birthday to me

今日係小妹牛一, 祝願自己生活開開心心, 最緊要身體健康. 因為小妹今年實在多病, 要強壯D. 亦想多D時間鑽研廚藝. 當人大咗, 愈想簡單的過, 簡單平淡係我而家追求嘅事. ::vv4059


2013年12月12日 星期四

通知Yahoo新網址與站對站(site-to-site)自動轉址服務

由Yahoo話要close到而家, 已經3個月. 我相信大家都已經習慣用blogspot啦. 唔知大家近期有冇係yahoo做過searching, searched results已經冇咗yahoo 網頁結果.

大家之前將自家嘅yahoo blog做備份下戴, 唔知有冇漏咗向yahoo回報新網址呢? 我都係漏報嘅其中一份子, 唔緊要, 只要大家係12月25日之前通知就冇問題啦!快D去登記啦 ,等係網上搜尋你r嘅人可以搵到你, 仲唔action~~~~



 Pls click: 通知Yahoo新網址與站對站自動轉址

這裡LIKE吓我的Facebook Page支持呀~

2013年12月11日 星期三

韓式豬手

每逄年尾, cici工作便會好忙, 相信大家都係, 但係剛剛過去嘅星期日過得好充實, 好開心~~亦都發現我嘅新興趣, 會去鑽研, 希望唔會又三分鐘熱度啦![遲D同大家分享]

韓式BBQ醬, 我之前响cc super買嘅, 但後來見到759有得賣, 價錢仲平D, 就一次掃咗兩樽〈牛味&豬味〉, 仲有辣味選擇. 今次我用依隻醬炆豬手, 一樣咁好味架!

韓式豬手 〈二人份量〉

材料: 

豬手 2隻
新鮮冬菇 4兩
紅蘿蔔 1條
蒜蓉 1茶匙
蔥花 1茶匙

2013年12月6日 星期五

金不換炒金白

近期太忙, 好少下廚, 唯有同大家分享之前嘅餸菜. 星期日經過街市見到有各類蜆賣, 蜆類一直係cici最愛, 加上都好耐冇食囉~~為咗想回覆番胃口大開, 就買一斤啦. 今次唔想用豆豉咁重口味, 見到D金不換好靚, 既能保持蜆嘅鮮味, 更帶出金不換嘅香味!

金不換炒金白 [2人份量]

材料:

金白 1斤
金不換 1棵
蒜蓉 2茶匙
蔥白 1茶匙
蔥粒 1茶匙

2013年12月5日 星期四

Weshare小禮物

差不多四日冇update個blog, 依幾日實在太忙。工作忙,好友結婚, 所以實在太攰,需要足夠休息。::rr8056 
直至琴日開信箱收到weshare 嘅小禮物,因為之前參加咗yahoo搬家送大禮 & 分享送大禮。講真,我不嬲都冇咩抽獎運,但今次竟然抽籤中咗,真幸運!  ::oo2082  $300超市現金卷,又可以造就我去超市大肆shopping, 諗起都開心。::mm1582 最後多謝weshare! ::ee5001 


這裡LIKE吓我的Facebook Page支持呀~

2013年12月1日 星期日

打邊邊盡訴心聲-老碼頭

上星期四係天氣突然驟降, 咁啱之前約咗好友嗰晚出嚟係旺角食飯. 本來我想帶佢去一個地方, 諗住嗰晚會好多人去打邊邊應該唔會太多人等位 [因為冇得book 位], 點知一出lift. 嘩, 多人都出都出唔到. 我哋唯有退而求其次都去打邊邊啦~~~點知未去到, 離遠已經見到一堆人係門口[約30人]. 我朋友已經話“嗰班人唔係等位呀?”, 我哋仲唔相信, 到食肆門口嗰班人真係等緊位, 入面仲有一埋. 誇張到呢!::kk3082  最後, 我朋友打去間佢經常去嘅打邊邊即刻留位, 果然識人係唔同D!我哋就落咗去佐敦老碼頭.


2013年11月28日 星期四

蒜蓉豆豉蒸帶子

自上星期發病之後, 胃口一直不佳, 可能跟心情有關. 今日磅重, 竟然瘦咗6磅. 唉....

近幾年發覺人與人之間真係好複雜, 特別係朋友與朋友之間, 時間耐咗, 往往會變質. 自問真心對所有朋友, 但原來他方一點都唔珍惜, 仲要帶住假面具對你, 到最後知道真相之後, 真係令人覺得痛心同恐怖. 可能大家冇緣做朋友啦, 講真, 知心朋友唔需要多, 一兩個已經足夠. 係依段時間朋友嘅安慰, 真係好窩心, 我會好好珍惜~~~

近期都冇咩下廚, 依個都係之前煮嘅. 帶子對我嚟講, 真係要小食, 因為比較難消化, 但間中食一次都唔怕啦!

2013年11月26日 星期二

冬意漸濃的暖心意

Hi, 好耐冇見啦~~~咁多日冇見, 好掛住你哋呀. cici一直抱恙在身, 胃口不佳, 做咩事都提唔起勁, 連煮嘢食都係. ::vv4045  cici, 你要加油呀, 唔好心急, 慢慢調理~~所有正能量會番嚟. 就由早晨全餐開始啦. ::cc9106


2013年11月22日 星期五

白酒煮藍青口

病咗幾日, 總算有少少起色, 但係仲做緊包雲吞一族, 睇嚟要睇多次醫生~~~我唔想再食西藥啦. ::cc7229 E幾日都只係食麵包同粥, 真係冇咩胃口. 係咪就依次藉機減肥呢? ::cc7106

又搵番之前煮嘅食品同大家分享吓~~~去親citysuper or 一田都會買藍青口, [如果新鮮嘅話], 今次我去咗德州凍肉, 因為我鍾意食佢D扒類, 價錢相宜, 出品又好, 選擇又多. 知道好多人會去大埔嘅梁九記, 但我比較鍾意依度, service比較好, 位置又近我. 人佢哋都有送貨架, 買滿天星1000就得啦. 大家可以click入佢哋個網址睇吓.

2013年11月20日 星期三

洋蔥芝士煙肉焗大磨菇

天氣轉變, 我已經好小心, 避免病倒. 點知都係走唔甩, 只怪自己身體差. 今朝發冷, 全身好似畀火燒咁, 知道要去見醫生啦, 就算工作幾忙都要call sick leave囉. 去到診所探熱, 39.5度, 發高燒呀!::cc9069 醫生話我係流感, 畀咗兩日假我. 不過, 我應該聽日都要返工. 雖然今日係屋企, 但公司係咁打嚟, 電話不斷, 點休息到呢! ::oo2022 你哋睇吓D藥幾色彩繽紛.


依家等緊食第四次藥, 上嚟一陣啦~~~~我搵之前整嘅食品post啦. 我好耐冇用過光波爐, 唔想佢繼續發毛, 用佢嚟作美食啦~~::vv4059

2013年11月19日 星期二

蓮藕枝竹炆腩仔

冬天終於嚟啦~~~我係冬天出世嘅, 所以會比較鍾意冬天, 同埋冬天著衫靚D, 又可以有藉口行街買衫. ::cc7110

冬天, 蓮藕當做, 都會用嚟湯, 煮餸. 大家通常會用南乳炆, 我今次用咗磨豉醬, 一樣咁好味呀~~ ::cc7258


蓮藕枝竹炆腩仔


材料:

蓮藕 1節
腩排 $25
枝竹 3兩
水 2杯
冰糖 1小粒
磨豉醬 2茶匙
薑 1大塊

2013年11月18日 星期一

冬菇蝦乾豬肉焗飯

平時唔食飯嘅我, 當天氣開始涼, 我都會間中食飯. 有個飯, 我勁鍾意食, 又易整, 食完又會暖笠笠, 就係細個媽咪成日煮畀我食嘅[冬菇豬肉焗飯], 今次我加咗蝦乾, 成個飯味道即刻立體晒. ::kk3166


冬菇蝦乾豬肉焗飯


材料:

豬柳梅 $20
冬菇 4隻
蝦乾 8隻
米 1嘜

2013年11月15日 星期五

繼續滋潤-紅蘿蔔粟米海底椰豬尾骨湯

之前整粟米肉粒飯, 係街市買咗紅蘿蔔同粟米, 而屋企又有海底椰乾. 只須買D豬尾骨, 又可以潤一潤~~~~嘻嘻  ::vv4040


紅蘿蔔粟米海底椰豬尾骨湯


材料:


紅蘿蔔 1條
粟米 2條
海底椰 1兩
豬尾骨 $35
南北杏 1錢
蜜棗 4粒
薑 3片

2013年11月14日 星期四

碟頭飯-粟米肉粒飯

工作難免要開OT, 我依期都忙到死.之前見到Katie整粟米肉碎飯, 令到我心思思碟頭飯啦~~~食完好滿足呀~~~


碟頭飯-粟米肉粒飯 [2人份量]


材料:

梅頭豬肉 $20
新鮮粟米 1條
紅蘿蔔 少許
鮮忌廉或牛奶 200毫升
雞蛋 2隻


2013年11月13日 星期三

香煎孜然雞翼

相信大家都食過譚仔嘅“土匪雞翼”, 亦可能係屋企煮過. 大家多數會用焗嘅煮法, 其實用煎嘅方法, 都可以煮出同樣味道出來. ::cc7110


香煎孜然雞翼


材料:

雞中翼 8隻


2013年11月12日 星期二

清蒸花雕奄仔蟹

中秋過後, 蟹當做, 大家今年食咗大即蟹未? 我已品嚐過, 發覺一年不如一年. 我始終最愛奄仔蟹. ::cc7124

通常做清蒸奄仔, 大家都只是整隻奄仔隔水蒸, 然後像拆大閘蟹一樣的去吃. 不過我喜歡將奄仔開蓋跟蟹身分開蒸, 加一點花雕酒在蟹蓋和蟹身一起蒸, 吃起來多了花雕的香氣, 加倍提升了奄仔的味道呢!::cc7002


2013年11月11日 星期一

准山茨實海底椰鱷魚肉湯

忙咗幾日, 終於抽到少少時間寫blog同探大家. 好掛住你哋呀~~ ::oo2055

秋天已到, 早幾日仲要立埋冬, 但係一D凍意都feel唔到. 反而乾燥嘅天氣先知道秋天嚟咗. 每逄秋冬, 如果感冒的話, 我條氣管就好難斷尾. 因為我有氣管敏感, 仲有嚴重嘅跡象. 醫生曾講過已現變成有輕微哮喘, 所以一到秋冬時份, 我都會好好保護我條氣管. 煲鱷魚肉湯就最好不過. ::_1556


准山茨實海底椰鱷魚肉湯

材料:

准山 1兩
茨實 1兩
海底椰 6塊
南北杏 2錢
蜜棗 2粒
急凍鱷魚肉 1塊
瘦肉 $20
薑 3片

2013年11月7日 星期四

又嚟泰煮意-魚露煎蝦

又講番星期日, 我嘆完茶, 食完個飽, 就係覲塘行街市買餸. 經過海鮮檔, 見到有河蝦, 好生猛又唔貴. $68/斤, 毫不猶豫, 即刻買咗1斤. 平時多數豉油王, 今次就用魚露啦~~ ::mm2375

魚露蝦

材料:

河蝦 1斤
蒜蓉 1湯匙


2013年11月6日 星期三

食懷舊-英發茶冰廳

星期日因有事要出觀塘一趟, 走時正是下午茶時間, 而我又未食嘢, 想食少少嘢之後去買餸. 我見到有間懷舊冰室, 啱晒我口味. ::ee5151

2013年11月5日 星期二

西洋菜陳腎豬筒骨湯

11月都已經到咗, 但奈何天氣只係清涼, 琴日仲落雨添, 仲FEEL到有D熱. 依家全球天氣真係反常.  ::ee5104  秋天湯水點少得西洋菜陳腎湯呢? 依個湯食埋D湯料, 飽晒~~~ ::oo2159


西洋菜陳腎豬筒骨湯 ﹝4人份量﹞

材料:

西洋菜 2斤
陳腎 4個
果皮 1塊
蜜棗 3粒
南北杏 2錢
豬筒骨 40元
薑 3片

2013年11月4日 星期一

生日飯盡在詠藜園四川菜館

依兩日唔見我, 有冇排琴日掛住我呢? 只係我部netbook 個keyboard有幾多掣打唔到, 自己點整都唔得, 我諗要破費囉!::vv4045   11月1號係我老爸嘅牛一, 我哋特意選老爸家[詠藜園四川菜館], 方便老人家又可以食到上海嘢. 因為細時, 老爸經常帶我哋嚟食.


2013年11月1日 星期五

推薦多款表情符號

其實大家有意冇發覺最近睇我個BLOG係右下角, 有個表情符號格仔, 入面有好多唔同類型表情符號 , 係咪心郁郁想加呢? ::uu7010

如果大家之前有睇我之前嘅BLOG, 都有介紹;分享過. 今次將全部GROUP埋一齊. 最後, 在此多謝{コーさん日本自駕遊}設計. ::uu7134

2013年10月31日 星期四

繼續泰煮意-香茅煎雞翼

今日係Halloween, 大家會去玩嗎?記得n年前同大班朋友去蘭桂芳玩,點知行上去嘅時間仲耐過逗留响蘭桂芳玩嘅時間。自始之後,我就怕怕囉!
 
我見到雪櫃仲有香茅,同雞翼就係萬聖節整香茅煎雞翼! 仲特登去應節用Halloween photo frame, 嘻嘻! 我係度祝大家 Happy Halloween!


2013年10月30日 星期三

泰煮意-香茅蝦

有時將近街市收檔嘅時候, 一定會有平靚正嘅嘢. 今次就有$30碟海中蝦, 有14隻咁多架, 又大隻. 今次就用嚟整香茅蝦啦~~ ::kk3166

香茅蝦

材料:

海中蝦 14隻
香茅 1支
蒜蓉 1湯匙

2013年10月29日 星期二

蕃茄薯仔紅蘿蔔魚湯

早幾日見到芺芺煲蕃茄魚湯, 撩起我煲魚湯嘅意欲. 每個人煲魚湯用嘅魚都唔同. 好似芺芺用大眼雞, 有D用紅衫魚, 而我就比較鍾意用一盤盤嘅魚仔. 今次我選用馬頭魚, $30一盤有8條咁多. 可想而知煲出嚟有幾鮮甜! ::kk3006

而我煲嗰D魚湯, 都係奶白色同唔腥, 連一向唔飲魚湯嘅人都讚不絕口! ::ee5060

2013年10月27日 星期日

香煎比目魚扒伴牛油舞茸汁

係咪唔見咗我兩日呢? 因為我兩隻眼角膜炎, 要休息呀! 其實星期三隻眼開始唔舒服, 但我因為戴con嘅關係(最主要係我貪靚)冇理會, 到星期六瞓醒覺, 對眼紅晒, 仲流濃, 連上下眼皮都紅晒,
咁一定要睇醫生啦. ::_377

醫生話角膜炎, 唔可以戴CON, 滴眼藥水, 搽眼藥膏, 仲要食抗生素. 番屋企食第一次藥, 食完D抗生素, 隔咗一陣, 咀開始痕, 跟住到全身啦, 仲起風'爛'.  ::_379 我竟然對藥物敏感. 即刻落醫生度換另外一隻抗生素, 仲打咗支抗敏針. 打完針之後, 昏迷咗成日, 到夜晚先起身, 由於精神唔太好, 街市又已經閂咗. 唯有睇吓有咩物資, 見有比目魚扒, 仲有半包有機舞茸, 就簡單煮一餐啦~~

2013年10月25日 星期五

芝士吞拿魚焗扁意粉

近依兩,三個月如果係屋企都盡量煮飯, 但有時條懶筋出嚟, 真係好唔想郁. 琴晚又係咁, 但真係超唔想嗌外賣. 唯有諗吓屋企有咩物資可以煮, 依個就係用屋企剩餘物資既出品, 只係買咗罐金寶做汁, 又一方便快捷懶人之選! ::_1556

2013年10月24日 星期四

冬菇馬蹄蒸肉餅

蒸肉餅一直都係大人小朋友嘅大愛菜式, 一嚟好送飯, 二嚟簡單又易整. 而我會自己手剥肉餅, 真係好味好多! ::_2404

有睇開我個blog都知道, 我好鍾意食馬蹄嘅爽脆同咬口. 所以依個餸, 我又加馬蹄. =))


2013年10月23日 星期三

翠玉瓜炒肉眼筋

大家聽過肉眼筋未? 其實, 肉眼筋是豬排上面的一層薄薄連着肉的脆筋, 係屬於下欄, 但一D都唔肥, 仲要好爽口. 不過, 一定要早一日同豬肉檔留起.


2013年10月22日 星期二

啤酒煮金白

話說星期日行街市, 因為心情麻麻地, 想食自己想食嘅食物, 咪行去海鮮檔睇睇, 見到有各類海鮮, 最後都係蜆. 我問個檔主, "依D係咪沙白嚟?", 點知, 竟然畀佢回一句"咩沙白呀? 金白, 靚嘢嚟架" 我當時即O咀啦! 講真, 佢價錢只係比沙白貴少少, 加上之前買咗金蜆食, 價錢比花甲貴好多. 人哋唔知問句啫~~ ::_378

煮蜆真係有好多種煮法, 但係今次試吓用啤酒煮, 發覺原來都好味, 帶出金白嘅鮮甜味! 個汁有酒香, 仲好鮮甜, 正! ::_1625

2013年10月21日 星期一

My Sunday Brunch

近排工作實在太忙, 加上有點唔如意. 所以E個星期實在感到好勊. 諗住可以瞓晏D, 但係事與願違! ::_365 係張床磨到好耐, 感到肚餓, 先肯起身搵食. 雪櫃希有雞尾腸, 酥餅, 又有雞蛋, 就自製Sunday Brunch~~ ::_360


2013年10月20日 星期日

紅蘿蔔雪耳海底椰湯

秋天嚟咗, 依幾日都開始比之前涼咗同愈來愈乾燥. 唉, 咁我就嗌"HELP"啦! 因為我D皮膚屬於敏感性, 一轉天氣就會死得. 依幾日都有少少皮膚敏感, 仲要皮膚好乾, 點搽cream, 做mask都好似冇咩效. 莫非我又要破財,換過D護膚品~~~ 唉, 唔認老都唔得囉!! ::_358 (而家都係做緊mask嚟寫blog)

唯有, 煲多D滋潤湯! 今日行街市見到有新鮮海底椰, 即刻買啦~不過, 而家真係物價指數真係高, 一包都要$20, 連埋紅蘿蔔同豬尾骨, 煲湯就差不多$80. ::_2290


2013年10月19日 星期六

【深夜食堂系列第32話】- 日式芝麻波菜

一直都好鍾意【深夜食堂】這套劇.。由漫畫將它拍成劇,,一直都有追。 我喜愛嘅原因真係好簡單,它帶給我的感動是如此細緻.。

我相信每個人喜愛的食物清單中,一定總有一兩樣,是別人可能看不上眼或會嫌棄,但自己永遠都百吃不膩的。如果真要說出為什麼喜歡,答案通常不會只是出於食物本身的味道。喜歡的原因通常混雜著記憶與情緒。

2013年10月18日 星期五

蔥菜馬蹄蒸牛肉餅

琴晚一直掙扎食中餐定西餐, 最後因為一個字'懶', 咁就決定煮中餐, 仲要係最懶蒸餸, 算!!! 煮依個餸係因為細個媽咪成日整畀我食, 每次我見到就都好開心. ::_919
今次想咬口豐富D, 所以加咗馬蹄.


2013年10月17日 星期四

韓式炒豚肉

之前係759買咗韓國BBQ醬(豬同牛味), 多數都會攞嚟炆, 今次攪攪新意思, 用個醬嚟炒. 原來都好好味架~~~ 今次我用係超市買嘅豬梅肉片, 唔需要炒好耐, 已經好快熟, 口感好爽! ::_1561



2013年10月16日 星期三

www.cici-kitchen.com

自從YAHOO BLOG宣佈要摺, 一直以來都唔肯去相信, 所以遲遲都唔肯BACKUP.不過, 到真正要面對問題時, 唯有搵地方搬, 到最終搵到BLOGGER, 但.....可以擔保GOOGLE又一定唔執嗎? ::_2290

2013年10月14日 星期一

南瓜盅蒸龍利柳

係咪好多日都唔見我上嚟呢? 如果有睇我之前個BLOG都知道我病咗, 所以依個假期, 我淨係食藥同ZzzzzZ. 有冇掛住我呢? ;;) 見差不多好番晒, 今日出咗街, 去咗之前MOONmoon介紹嘅缸瓦佬. 入到去, 真係花多眼亂, 有好多種類. 今日買咗少少, 搵到個靚pattern, 實在太開心! 下次要再去敗過, 呵呵~~~今日就用新碗先 ;)

Halloween就嚟到, 所以好多南瓜, 未想食熱氣嘢, 所以用南瓜蒸龍利柳, 南瓜嘅甜, 加龍利柳嘅滑, 食完即時成個人甜晒! : x


2013年10月11日 星期五

瑤柱蝦乾蒸蛋

病了啱啱好番嘅我,遇著天氣幻變,加上公司病菌肆虐,,我又再次會病倒了。今次仲嚴重咗,喉嚨痛到差點出唔到聲。醫生今次仲同我打針呀! 我自願乖乖留在家,自己弄一頓一個人的晚餐。

病了,要吃得清一點,用蒸的方法就是最好了,沒有油份,簡簡單單,但也想菜式高貴一點,讓自己開心一下,讓胃口重開。

找一找雪櫃的材料,無意中找到了瑤柱及蝦乾,發現珍品後超級開心,想一想,也好耐沒有吃過蒸水蛋了,整瑤柱蝦乾蒸水蛋,一定是最好的選擇。


2013年10月9日 星期三

豉油皇大蝦

又係清廚餘嘅時候, 話說上次超市特價, 掃咗幾盒. 咁啱又想試吓李錦記金醬油嘅鮮味, 最好係用蝦啦 :D 依個餸, 我比較鍾意留有少許汁, 等蝦去殼後, 仲可以點汁, 好味到震呀~~~  


豉油皇大蝦


材料:

大蝦 8隻
蔥 1小棵
蒜 2粒
李錦記金醬油 2湯匙


2013年10月8日 星期二

秋天湯水 - 蘋果雪梨雪耳豬展湯

依幾日真係乾到爆, 搽潤唇膏都爆拆, 係時候飲滋潤湯水啦~~~秋風起, 係要開始滋補, 要對自己好D!! :)


蘋果雪梨雪耳豬展湯


2013年10月6日 星期日

豆豉龍脷柳蒸豆腐

今日星期日, 個人好懶洋洋,咩都唔想做, 淨係想咩都唔諗. 依個心情狀況維持咗兩星期. 原因係私人感情問題, 所以今日完全冇mood煮嘢食, 差D連BLOG都唔想睇, 唔想打. :-<

依個餸係我早幾日煮嘅, 因為我係超市買到李錦記金醬油特惠套裝- 2支金醬油送1支蒸魚豉油, 只係$29.80, 抵到...唔洗考慮, 即刻買啦~~~ 金醬油用嚟醃肉同蒸餸, 突出鮮味用醬油嘅香味!!
:-bd

2013年10月5日 星期六

懷舊狗仔粉- 冬菇蝦米肉絲蘿蔔銀針粉

相信大家細個時都食過街邊檔嘅狗仔粉, 但係隨住時代愈來愈發達, 依D懷舊食物就會逐漸消失. 就用依碗粉仔, 令大家返到那些年我們一起食過狗仔粉的日子. ;)


冬菇蝦米肉絲蘿蔔銀針粉


材料 : 

蝦米 2湯匙
冬菇 4隻
白蘿蔔 1/2斤
冬菜 $1  
銀針粉 1斤
薑 兩塊

2013年10月4日 星期五

蟲草花雪耳百合螺頭湯

食咗幾日藥, 好番好多, 講真依食得多西藥, 對身體唔多好, 抵抗力會下降., 都係煲番D老火湯飲補番吓. 感冒初愈, 加上天氣已經有秋天的氣息, 秋季宜多煲些潤燥及滋養肺氣的湯水,以防秋天乾燥影響身體.

蟲草花係好有益嘅食材, 配合百合, 雪耳煲湯,有滋補養顏功效, 再加螺頭, 瘦肉, 能補肺氣,增强體質. (依D係網上知識)

2013年10月3日 星期四

又一新居- [weshare.hk]

其實之前係我舊居YAHOO BLOG接獲WESHARE.HK的邀請, 話會協助CICI搬家, 但係嗰時所有嘢都未落實,加上DIMCOOK有暫存服務, 我就將YAHOO BLOG暫存咗.

跟住有高人幫手, 協助我將YAHOO BLOG成功搬到BLOGSPOT. 9月25日YAHOO宣佈WESHARE.HK指定合作平台,講真, 真係嬲, 嬲點解唔早d宣佈,但係聽完MOONmoon講做多個備份, 又有何不何呢? 我就去咗WESHARE.HKregister, 仲將yahoo備份upload, 結果好快完成咗.

而家有BLOGGER (blogspot)FACEBOOKDIMCOOK都有cici的腳印, 已經夠忙啦, 講真再來一個新平台唔知會唔會應接同分身不暇?


2013年10月2日 星期三

芫荽葱茶瓜皮蛋魚片湯

近日天氣忽冷忽熱, 秋意開始漸濃, 公司有幾多同事病咗. 我依D抵抗力差嘅, 一定會中招. 星期六晚開始感到唔舒服, 即刻食藥, 都唔得. 唯有星期日睇醫生, 但星期一仲發燒添, 所以琴日係屋企乖乖休息. 聽講過幾日仲會再涼D, 大家要小心身體!! ;)

胃口唔係咁好, 知道依個湯對傷風,感冒初起,沾寒沾凍,周身不舒服,或咽喉疼痛,微微發熱者很有幫助, 所以點都要煲嚟飲. ::_1556

2013年10月1日 星期二

香煎鴛鴦蓮藕餅

今日國慶假期, 不期然諗起舊年嘅海難事故. 之前星期日檔案[今年國慶無煙花], 就訪問海難事故家屬, 令人動容. 政府嘅無能, 令人噴慨! 試問各政府廢人, 如果遇難係你至親, 但得唔到任何道歉, 你哋心情又如何? 點解今日只有慶祝活動, 而唔提依件事呢? 點解唔可以作出平衡? 慶祝前默哀, 對你咃班廢人真係咁難!!X( 願10.01海難事故死難者家屬, 倖存者, 好好生活下去! ;)

今日乖乖係屋企休息, 因為星期日已經有感冒跡象, 琴晚仲發燒, ::_916 睇咗醫生, 係咁瞓. ::_380 當然, 我一諗起煮餸就好似充滿力量咁. B-) 依個餸係主要畀我家人食, 我只係食咗一舊, 就畀人禁止啦~~~ :-<

2013年9月30日 星期一

西蘭花炒鮑片

打風之後, 有時真係要清吓廚餘, 依個餸就係打風日添架, 早幾日唔知煮咩時, 決定清D廚餘!! ::_962


西蘭花炒鮑片

材料 : 

西蘭花 1個 
仿鮑片 約15片 
薑 2片



2013年9月29日 星期日

加表情符號 Emoticons / Smiley(簡易版)

搬到過嚟blogger, 已經開始習慣, 不過, 係有D苦悶, 因為依度係冇emoticons, 見到Mrs. Benz有教學加emoticons, 佢個方法都OK. 我咁啱係日本自駕遊見到佢有兩個post, 係關於emoticons教學, 所以係度同大家分享  :)


2013年9月28日 星期六

擁有自家domain name

依家總算將個yahoo blog成功搬晒過嚟, 只係淨啲標籤重新執過. 有人提議我, 不如擁有屬於自己嘅 domain name. Touch wood 講句,如果blogger又執,咁唔通又要揾地方? @_@
如果要成立自家嘅domain name, ciciceci; cicikitchen; cicisharing; cici? (又係度揾嘢嚟煩) 大家對自家domain name 有咩睇法?

2013年9月25日 星期三

Yahoo你玩嘢呀

自從死亞烏宣佈blog平台要close, 令到我哋班blog友,前路茫茫。好彩我哋揾到blogger, 正當大家都差不多陸續搬晒過嚟,亦都將自己嘅亞烏blog都搬晒過嚟,大家亦都開始習慣依度嘅時候。
今日係fb一個平台竟然宣佈亞烏指定咗佢哋做新blog。死亞烏,你係咪玩嘢呀,點解你唔係9月頭開始幫我哋做backup時,同時宣佈呢!! 我超級嬲囉,唔知大家有咩睇法呢?

2013年9月24日 星期二

打風滋潤燉湯- 淮杞雪耳燉海參

以前打風, 多數會聯上起餐蛋麵同叮叮點心. 而家好少囉. 因為通常大家都會有兩手準備. 海參. 通常大家都會炆, 煮. 其實可以用嚟燉湯, 營養仲好豐富. 作為家常食療,用海參, 雪耳, 配合淮山, 杞子燉湯, 有滋陰補腎, 健脾益氣等功效, 是防治癌症的上佳食療.
 

2013年9月23日 星期一

打風日成功搬BLOG

打風日, 隻天兔真係幾惡, 我發覺d儲備差叮叮點心, 諗住早d去街市同超市入貨. 嘩! 8點都咁多人, 彩唔係買好多嘢啫! 今日咁空閒, 突然有位高人搵我, 話之前幫我搞搬blog, 可以教我搬blog. 我本住已經將yahoo blog畀咗dimcook暫存咗 (當然我係個電腦白痴, 有人幫求之不得啦)

經過幾番努力,  終於搬晒過嚟, 連D相都冇問題, 一次過搬晒嚟! 只係D標籤要執啫, 唔係大問題! 我可以將個辦法share畀大家!!

2013年9月22日 星期日

殺到嚟~天兔

本身今日想寫番追月夜嘅事, 但突然畀個天兔爬頭, 你咁惡, 唯有寫你先啦! 睇番個路徑圖, 真係吹到正呀, 仲要今日黃昏個天呈現紅色, 心好不妻安, 好似暴風雨前夕, 你都咪話唔驚呀 ? 大家做好防風措施, 入定儲備未? 我一向屋企都有d儲備, 所以略添少少便可. 天兔, 你要嚟, 但係可唔可以唔好咁惡呀?

(路徑圖CORP係天文台@03:40a.m.)

2013年9月19日 星期四

合皮中秋節

今日就係中秋節,大家有冇得收早呀?我就冇啦! 好彩之前已經同屋企人做咗節,加上琴日覆診,有啲檢查做唔到,淨係抽咗血,要下星期再返去,所以今年中秋節,希望自己身體健康!

我自細都唔食月餅,但係今年公司送咗盒冰皮月餅。講真,我對所有月餅都麻麻,咁多,點食得晒.... =_=

最後祝大家合皮中秋節,開開心心,團團圓圓! ^^

2013年9月17日 星期二

蕃茄牛肉炒蛋

聽日要去覆診啦, 由琴晚開始, 開始擔心, 又瞓得唔好! 唯有希望在明天啦~~~蕃茄, 我係好鍾意食, 但一定要煮熟. 生蕃茄, 我試過, 點都接受唔到個味道. (都話我係一個怪人啦) 哈哈~~~


蕃茄牛肉炒蛋


材料: 

蕃茄 4個
雞蛋 2隻
牛肉 25元


醃肉調味料: 

生抽 1茶匙
油 1湯匙
水 1湯匙
糖 1茶匙
生粉 1茶匙
麻油 少許

2013年9月16日 星期一

椰菜豬肉餃

早幾日係FB見到我FD整餃子, 所以勾起我整餃子嘅衝勁. 不過, 我從未包過餃子, 但都會獻出我嘅第一次, 所以唔敢包咁多, 包咗32隻. 今晚食咗5隻, 其餘放咗係冰格做糧餉! 我包得唔樣衰呀?


椰菜豬肉餃

材料:

半肥瘦豬肉碎 $20
椰菜 半個
蛋黃 1隻
蛋白 1隻
餃子皮 半斤

2013年9月13日 星期五

決定同Google+分家了!

大家有冇發現你哋畀我留言冇晒呢? 因為我思前想後, 決定同Google+分家了! 講真,自搬家之後, 畀blogger和Google+攪到人都癲. 兩者一齊用真係有點混淆, 所以, 唔好意思, 要犧牲你哋D留言啦!

依個方法我係雀后個BLOG見到, 大家唔想太複雜, 可以考慮吓!

涼拌芥末青瓜雲耳

近日天氣都開始有點秋意, 不過, 天氣依然有點反覆, 大家都要注意身體呀! 其實涼拌菜, 特別係夏天係最啱, 但我覺得涼拌菜係絕對適合四季. 雲耳係好有營養嘅菜, 同青瓜一齊做涼拌簡直係絕配.


涼拌芥末青瓜雲耳


材料:

青瓜 1條
雲耳 1兩
蒜蓉 1湯匙

2013年9月11日 星期三

檸汁香草海鮮扁意粉

張相係咪好似曾相識呢? 有睇我嘅blog都知道我2星期前先煮完意粉, 點解重覆又煮過. 錯啦, 今次係加咗少少變化, 因為諗到檸汁會提升海鮮嘅鮮味, 故今次加咗檸汁, 感覺好清新!


檸汁香草海鮮扁意粉

材料: 

扁意粉 半包
急凍海鮮包半包

2013年9月10日 星期二

合掌瓜粟米海底椰煲豬展

病咗自然就想飲老火湯, 好耐冇煲合掌瓜, 就煲嚟清潤吓!

合掌瓜粟米海底椰煲豬展

材料: 

合掌瓜 3個
粟米 2枝
乾海底椰 大約 1 兩
豬展 $25
蜜棗 2 粒
南北杏 大約$2

2013年9月9日 星期一

香煎香草三文魚扒拌牛油舞茸

已經要面對嗰堆藥, 可能因為咁抵抗力差咗, 星期五係公司攝一攝, 感冒依個惡魔即刻嚟探我,折磨死我啦~~~ 今日唯有乖乖係屋企休息! 今晚[衝上雲霄]大結局, 更加乖乖留係屋企睇"Sam哥"啦!! 

因胃口唔係太好, 所以見到雪櫃有三文魚扒同舞茸, 有"Sam哥"陪, 餐飯當然正啦~~~哇哈哈!!

2013年9月7日 星期六

身體又出問題

見到下面張相, 有一大埋藥, 你哋係咪好驚訝呢? 其實我舊年6月突然發高燒唔退, 我睇私家醫生, 佢話我係感冒. 我好強調咁同醫生講, 話我冇任何感冒病徵, 佢死都話我係感冒. 最終我食晒D藥咪又燒過, 跟住, 我去咗私家醫院睇急症, 驗完之後, 係身體真係出問題, 需要入院, 但係嗰時有雙非, 冇床位. 佢哋唯有畀封轉介信去公立醫院. 最後, 我係公立醫院即晚入院, 到第二日急症做咗個小手術.

2013年9月6日 星期五

搬yahoo blog 成功咗

**搬blog 成功咗**
cici小廚房喺到十分感謝點煮網的幫忙, 為cici搬blog! cici知道好多blog友仔最近都煩緊搬blog, 大家唔駛煩啦! 經黃師奶介紹, "點煮網"新增設一個blog平台.可以將yahoo blog所有嘢, 包括相, 文章, 同回應, 甚至瀏覽次數等一次過搬過去!
申請方法如下: 1. 登記Dimcook.com帳戶,或以Facebook登入亦可 2. 將blog的連結e-mail至support@dimcook.com,標題註明「網誌暫存 - (dimcook用戶名稱)」 3. Dimcook工作人員會儘快完成暫存並電郵寄出連結
我點煮網居所: http://archives.dimcook.com/cicikitchen

冬瓜上素

之前整冬瓜盅, 剩咗少少冬瓜, 為咗唔想浪費, 係雪櫃搵咗D物資, 完成咗依個冬瓜上素!

冬瓜上素

材料:
冬瓜 大約半斤
冬菇 4隻 (浸軟切絲)
蝦乾 10隻 (浸軟)
元貝小粒 10粒 (浸軟撕開絲)
瘦肉 大約 $10
蟲草花 少許
腐竹 少許
夜香花少許

2013年9月5日 星期四

拉闊思念陳百強演唱會

有睇我個BLOG都知我上星期六去咗AWE睇拉闊思念陳百強演唱會, 早個幾2個月前(確實時間真係唔記得咗), 我好姊妹問我睇唔睇, 如果係, 就用積分去換飛. 我毫不猶豫話OK啦. 因為個陣容係我LIKE嘅歌手(除咗1位). 上次睇拉闊, 我哋坐係記者區, 今次個位側咗, 我好姊妹話可能因為佢遲咗一日打去換飛嘅緣故. 其實個位都前架, 側面第四行喎, OK!

嗰晚聽咗好多陳百強嘅歌, 你問我最鍾意邊隻, 我可以答你係凝望, 晝出彩虹, 從今以後, 聽到我都醉囉~~~~

2013年9月4日 星期三

舊式滋味-興記麵食店 (太子)

上次係芺芺列度介紹依間麵食店, 一直心思思想去. 琴日終於有機會啦, 同D同事一齊去. 我當然食牛筋水餃撈啦! 我個order嚟啦, 一上檯見到點解有牛腩嘅, 唔見水餃, 以為伯伯搞錯咗, 一問原來嗌牛筋係伯有埋牛腩架, D水餃原來係底, 搞到勁唔好意思.

2013年9月3日 星期二

韓式辣雞翼 (光波爐)

雪櫃一直都有盒韓國辣椒醬, 但係除咗用嚟整泡菜, 作用唔大. 有次係芺芺度見到佢用韓國辣椒醬嚟整雞翼, 想試詆味道如何, 就整嚟試吓. 嘩, 好好味架! 多謝芺芺! 我參考佢個食譜, 用光波爐整.

韓式辣雞翼 (光波爐)

材料: 

雞翼 10隻

醃料: 

韓式辣醬 1 1/2湯匙
豉油 1茶匙
糖 1/2茶匙
胡椒粉 少許
麻油 少許

2013年9月2日 星期一

冬瓜盅

夏天瓜類一向係我嘅首選, 之前係梁少奶度見到佢整冬瓜盅, 但係一直都見唔到成個冬瓜賣. 琴日終於係超市見到, 貼住話有機. 一睇價錢, $23.40, 貴到呢. 講真, 都唔知係咪真係有機. 不過, 想整, 都要買架啦. 我依個食譜係參考梁少奶, 做少少修改.



2013年9月1日 星期日

Sakura sakura 日本菜-豚乒衛

每次同我嘅好姊妹食飯,我都會為她尋覓好食嘅地方。因為我哋之後有個開心約會,就係睇拉闊思念陳百強演唱會,仲要發生小插曲,個小插曲會最後揭曉。
講番餐飯,我選依間餐廳係有原因嘅,咪就係啲廣島生蠔。廣島生蠔配咗柚子醋汁,好開胃,好新鮮,真想再encore!

2013年8月31日 星期六

搬家, 新開始

琴日睇到YAHOO BLOG要CLOSE, 真係feel so sad. 煩緊搬去邊, 見好多人搬嚟依度, 決定跟大隊, 等大家唔好失散. 不過, 對於blog白痴嘅我, 真係一件好艱難事.......

這裡LIKE吓我的Facebook Page支持呀~


2013年8月30日 星期五

Yahoo Blog真係close

你哋有冇睇到依個notice 呀? 我咃要搵定地方搬啦! 大家有冇好介紹. 突然feeling so sad 

各位blog友, 重要公告:Yahoo! Blog將於2013年10月30日進入唯讀模式,2013年12月26日關閉服務
經過評估全球資源及整體發展方向後,我們決定在2013年12月26日正式終止 Yahoo! Blog。為保障用戶權益,自2013年9月2日起,Yahoo! Blog將開放用戶的資料備份申請、下載、「輕鬆搬家」、通知我們新網址服務。

2013年8月29日 星期四

香草鮮蝦扁意粉

早幾日見到芺芺煮咗個香草意粉, 實在太吸引我啦......咁當然自己煮嚟食啦!!! 食譜源自芺芺, 略加修改, 再加入自己idea.


香草鮮蝦意粉


材料:

扁意粉 半包
海中蝦墀斤
蒜蓉 2茶匙
香草 適量
橄欖油 適量

做法:


1. 扁意粉滾水煮8分鐘, 盛起過冷河, 之後加橄欖油拌勻備用.
2. 海中蝦去殼, 留起. 海蝦身開邊去腸, 用少量水烚煮熟(盛起煮蝦的水當汁料用).
3. 於平底鍋中放橄欖油爆香蒜蓉, 加入蝦穀, 直至轉色, 加入蝦水, 之後放已熟蝦肉略炒.
4. 之後將意粉回鑊兜勻, 放適量鹽調味, 最後落香草兜勻, 即成.




這裡LIKE吓我的Facebook Page支持呀~

2013年8月28日 星期三

蘆筍肥牛卷

金菇肥牛卷, 係大熱嘅餸菜, 本人都好鍾意食. 不過, 想變變新意思, 知道蘆筍係好有益嘅菜, 兩者應該會match, 所以就整咗囉~~~通常嘅煮法係煎完淋汁, 今次我先醃肥牛, 煎完都係好juicy 


蘆筍肥牛卷

材料:
肥牛 1pack 或大約$25

蘆筍 1pack或1扎


醃料:

豉油 2茶匙

黑椒 少許


做法:
1. 肥牛先用醃料醃半小時

2. 蘆筍切走尾段後, 切成手指尾咁長, 放入滾水中碌一下, 盛起稍微攤凍一陣. ( 注意唔好碌咁耐, 唔係就無左脆脆既咬口喇 )


3. 將蘆筍卷入肥牛裡, 用生粉水在駁口處固定


4. 在平底鍋中放入小許油, 用中火火放肥牛卷煎香兩面, 即成.




小貼士: 做呢個蘆筍卷最好買幼身呢隻蘆筍~唔好貪大碌呀



這裡LIKE吓我的Facebook Page支持呀~

2013年8月27日 星期二

豉汁蒸黃立倉魚

以前細個好怕食魚, 好怕魚骨. 只係而家冇咁驚, 多細同幼骨同嘅魚依然都唔食. 前排見到雀后, 整豉汁蒸黃立倉魚; 發覺好耐冇食倉魚啦~~~我又買嚟整先. 不過, 煮法同雀后有D唔同! 


豉汁蒸黃立倉魚


材料: 


黃立倉 1條
豆豉 1湯匙 (壓爛)
蒜茸 2茶匙
紅椒粒 1隻 (切粒)
葱 2條 (切粒)
薑 3片


調味料:


蠔油 1/2 茶匙
糖 1/2 茶匙
幼鹽 1/4茶匙
生抽 1湯匙
老抽 1/4 茶匙
粟粉 1湯匙
清水 1湯匙


做法:

 

1. 先將調味料拌勻, 再加入蒜茸, 豆豉及紅椒粒拌勻備用.

2. 魚洗乾淨抹乾水, 在魚背的一面輕輕切兩刀.

3. 將薑片放在碟上, 然後將魚放上.

4. 用鑊燒熱一鍋熱水, 水滾後將魚放在蒸架上, 把調味料淋在魚身, 用大火蒸約7分鐘 (唔開蓋焗1分鐘).

5. 蒸熟後, 先薑片拿走, 加上蔥粒, 淋上燒熱的熟油即成.




這裡LIKE吓我的Facebook Page支持呀~

2013年8月26日 星期一

麵醬南瓜豆卜蒸排骨

食咗咁多日海鮮, 係時候食番d家常餸. 南瓜, 以前我係唔食嘅食物. 我係一個幾怪嘅人, d食物樣怪怪地, 醜樣, 我就唔會食, 連試食都唔會. 不過, 近年, 依個怪習, 有d改. 某一d食物我肯食. 南瓜就係其中一樣. 琴晚就整咗麵醬南瓜豆卜蒸排骨.


麵醬南瓜豆卜蒸排骨


材料:


排骨 大約$25
南瓜 1斤
豆卜 4兩


調味:


麵醬 1.5湯匙
糖 半茶匙
生抽 1湯匙
酒 1茶匙
麻油 少許
粟粉 1.5茶匙

做法:


1. 排骨洗淨, 加入調味醃1小時左右.
2. 南瓜去皮,
 切粒. 豆卜一開二, 平均鋪在盤碟上.
3. 將已調味排骨鋪在南瓜上.
4. 大火蒸15分鐘. 即成.





這裡LIKE吓我的Facebook Page支持呀~

2013年8月24日 星期六

薑蔥瀨尿蝦

大家食瀨尿蝦通常都椒鹽, 想搞搞新意思, 諗咗好耐, 終於試吓薑蔥炒, 原來都好好味架!!! 


薑蔥瀨尿蝦

材料:

瀨尿蝦 1斤
蒜頭 2粒
乾葱頭 2粒
葱 2棵 (切段)
薑 4片



調味料:

粗鹽 2茶匙
雞粉 少許


做法:

1. 燒熱油鑊, 爆香蒜頭, 乾葱頭.
2. 落瀨尿蝦大火炒至蝦身轉色, 加上調味料.
3. 轉中火加蓋10分鐘,再 加薑片, 葱段略炒,即可.




這裡LIKE吓我的Facebook Page支持呀~

2013年8月21日 星期三

油鹽水煮金蜆

隻手開始有少少起色, 就出動去北河街街市. 每次去北河街街市, 都會發現新大6, 今次畀我發現蜆中極品 - 金蜆, 個穀啡金色, 佢嘅價錢仲貴過花甲, 但係我都買咗一斤. 為咗試佢有幾清甜, 就用油鹽水煮. 金蜆有特別之處, 佢唔洗吐沙, 買返嚟要用冰水浸養.


油鹽水煮金蜆



材料:


金蜆OR花甲1斤
蒜頭4瓣
陳皮1瓣
大頭菜1小片
粉絲20克
紅辣椒1隻
唐芹1棵
白胡椒OR黑椒少許
胡椒粉少許

油1湯匙
水3杯


做法:


1. 金蜆用冰水浸養, 煮前倒水洗淨 (如用花甲用鹽水浸泡1小時去沙)。
2. 陳皮浸軟切絲;大頭菜切小粒;紅辣椒切碎;唐芹切段。

3. 燒熱鑊加油,放白胡椒OR黑椒, 紅辣椒, 蒜頭爆香, 加水轉中火, 再加大頭菜、陳皮、紅辣椒、胡椒粉同煮2分鐘, 放入金蜆和粉絲, 煮2分鐘直至金蜆開晒,加唐芹後熄火即可。



這裡LIKE吓我的Facebook Page支持呀~

2013年8月14日 星期三

夏天湯水—清補涼瘦肉湯

其實有睇我之前嘅POST都知道我因為整親隻右手, 已經一星期冇煮飯啦!! 其實隻手都未完全好番晒, 不過, 太耐冇食自家煮嘅嘢, 就煲個湯水飲. 清補涼係夏天湯水, 簡單又方便. 有湯飲又有湯料依食. 


清補涼瘦肉湯

材料:

淮山 5錢
蓮子 5錢
芡實 5錢
百合 5錢
薏米 5錢
沙參 5錢
玉竹 5錢
圓肉 5錢
杏仁 5錢,
紅棗6枚(或蜜棗2枚)
瘦肉 20蚊


製法:

1. 燒滾水, 將瘦肉出水.
2. 其餘材料浸洗.
3. 將全部材料放入煲內,用8碗水煮約2小時, 加鹽即成.



這裡LIKE吓我的Facebook Page支持呀~

2013年8月5日 星期一

禍不單行

今日唔係POST D咩下廚相, 因為我隻右手受傷了! 星期六係公司搵嘢, 係高處跌落嚟, 右手落地先. 當時痛到唔郁得, 一定要去睇跌打. 不過, 我d皮膚係唔可以睇跌打, 因為之後會有皮膚敏感(用有油份嘅用品, 例如BABY OIL, 紫花油都會敏感) 但查咗一晚喜療妥, 都係痛. 唯有硬頭皮睇跌打, 唉!!! 好彩我係左撇子, 影響唔大! 琴晚拆咗, 今朝起身已經皮膚敏感!! 

2013年8月1日 星期四

紅莧菜瘦肉豬潤湯

自從發展新事務, 仲覺得24小時係唔夠, 真係小咗煮飯. 琴晚好想飲湯, 就嚟個紅莧菜瘦肉豬潤湯!


紅莧菜瘦肉豬潤湯

材料:(2人份量)
紅莧菜 半斤
瘦肉 大 約10蚊
豬潤 大約5蚊
蒜頭 2 粒 (略拍去皮)


瘦豬肉醃料: 

生抽 1 茶匙

糖 1/2 茶匙
油 1/2 茶匙
生粉 1茶匙

豬潤醃料:

薑汁 1 湯匙
酒 少許


製法:


1. 將紅莧菜菜頭切去, 洗凈, 隔水備用.
2. 瘦豬肉洗凈切片, 用醃料醃20分鐘.
3. 豬潤浸泡約30分鐘, 中途換水數次, 去淨血水, 切片, 加入醃料醃20分鐘, 備用.
3. 將清水注入鍋中用高火燒熱, 放入蒜頭及瘦肉, 待水再滾時調至中火, 蓋好煮約15- 20分鐘.
4. 再加入紅莧菜及豬潤, 繼續開蓋煮約5-10分鐘至莧菜軟身(不要過熟至菜身變黃)及豬潤無血水滲出, 加入適量鹽拌勻即成.

網上知識:

莧菜葉:


有粉綠色、紅色、暗紫色或帶紫斑色等品種. 莧菜並能維持正常的心肌活動, 防止肌肉痙攣(抽筋). 這是因為它所含豐富的鐵, 可經合成紅細胞中的血紅蛋白, 有攜帶氧氣的功能. 它含有豐富的鐵、鈣和維生素K, 可以促進凝血、造血等功能. 

此菜清淡,爽, 可通利二便, 是燥,便秘患者的理想食用佳品.

豬肝功效: 補肝明目, 養血



這裡LIKE吓我的Facebook Page支持呀~

2013年7月31日 星期三

發展新事務

今日有少少離題, 近期好忙, 除咗自己工作上忙, 最近仲搞緊新事務, 所花嘅時間比較多. 所謂萬事起頭難, 我希望能夠堅持落去. 究竟我搞緊咩新事務呢? 開估啦, 係網上生意. 你哋又會問點解會搞呢? 因為我有個朋友係日本住, 佢一直都有搞網上生意, 佢想搵個可以信任嘅朋友, 可以一齊搞. 我考慮咗好耐, 好多因素, 都決定試吓! 因為我不嬲做嘢都三分鐘熱度, (煮飯除外), 所以想証明畀自己睇我係"得"嘅!

如果你咃有時間, 去睇吓畀D意見, 支持我! 



https://www.facebook.com/japanshoptogo

2013年7月29日 星期一

老黃瓜意米茨實湯

病咗咁耐, 連煮飯嘅意欲都冇咗, 終於好番啦! 想飲湯令自己胃口好番D先! 

老黃瓜蒠米茨實湯

材料: 
老黃瓜 1個生熟蒠米 各1兩茨實1兩蜜棗 3粒豬尾骨 大約30蚊薑 3片

製法: 1. 老黃瓜去籽,切大塊2. 豬尾骨洗淨, 之後出水.3. 其餘材料浸洗; 凍水下薑, 水滾後加入全部材料, 大火煲半小時, 再轉小火煲1.5小時, 加鹽調味, 即成.

網上小貼士: 此湯全家可服,有預防臟腑燥熱之效,對皮膚敏感痕癢亦有幫助.

感冒後脾胃功能未即時恢復,人會顯得疲勞缺乏胃口,如果餘熱未清去進補,會加重脾胃負擔,令健康更難恢復,故宜煲些有健脾和胃,清熱除濕功能的湯水.

老黃瓜能清熱利水,消炎解毒.配赤小豆,扁豆,薏米同煲湯,對感冒後餘熱未清,咽乾喉涸,煩躁失眠等都有幫助



這裡LIKE吓我的Facebook Page支持呀~

2013年7月24日 星期三

青豆角炒牛肉

夏天最時令係瓜同豆類, 見到青豆角幾靚仔, 平時用嚟炒肉碎, 今日就用嚟炒牛肉啦!! 


青豆角炒牛肉 (二人份量)

材料:

青豆角 半斤
牛肉25蚊
蒜片4片
乾蔥碎 少許

醃料:
糖 1茶匙
豉油 2茶匙
生粉 半茶匙
水 1茶匙
麻油 少許

製法:

1. 牛肉洗淨切片用醃料醃約半小時, 青豆角洗淨切小段
2. 燒熱鑊下油, 爆香乾蔥碎, 下牛肉, 先鬆開煎香1面, 再翻轉煎另一面, 盛起備用.
3. 燒熱鑊下油, 爆香蒜片、乾蔥碎, 下青豆角炒勻, 其間要灑下3次水, 落小小鹽調味, 炒至熟再加入牛肉快手炒勻, 即成. 




這裡LIKE吓我的Facebook Page支持呀~