2013年4月29日 星期一

試新點心店- 名點(積信街分店)

而家好多這類型嘅點心店, 今次試這間, 已經係有2間店鋪(九龍灣&牛頭角), 大圍係最近新開, 就膽粗粗試吓. 佢咃標榜潮州粉果係最出名, 發覺都係不外如是, 其他點嘅點心, 都係佢哋比較出名, 但係都只是一般. 最慘就係, 唔知佢哋人手唔夠, 等位安排十分混亂, 環境太細, 空氣唔夠流通, 有窒息嘅感覺, 店員嘅態度亦都有待改善. 真係只有一次囉!!! 諗住試新嘢點知賴嘢!!! 



這裡LIKE吓我的Facebook Page支持呀~

2013年4月22日 星期一

粉葛赤小豆扁豆豬尾骨湯, 金針雲耳紅棗蒸雞

近期天氣潮濕, 令到人好攰, 唯有煲個粉葛湯去濕. 經過街市, 可能因為H7N9嘅關係, 所以少咗好多人買雞. 雞檔唯有以平促銷, 竟然$100/ 3隻新鮮即劏芝麻雞, 抵到呢!!!  新鮮當然用嚟蒸同煲湯最好.



 粉葛赤小豆扁豆湯


材料:

粉葛2斤
赤小豆扁豆各3蚊蜜棗3枚
陳皮2塊
豬尾骨30蚊
薑4片

製法:

1.  粉葛洗淨, 切塊; 豬尾骨出水備用; 其餘材料浸洗;陳皮浸軟刮囊.2. 凍水放薑+果皮, 滚起, 將全部材料放入煲內, 大火煲30分鐘, 再轉小火煲2.5小時. 熄火, 下鹽調味. 
粉葛能舒緩肩頸肌肉疼痛,對高血壓,糖尿病亦甚有裨益,故這個季節不妨多用粉葛煲湯,配些功能健脾袪濕的赤小豆, 食療功效更佳.
小貼士: 粉葛含豐富粗纖維,吃些湯料,有助清理腸胃,對皮膚濕疹同樣有幫助.



金針雲耳紅棗蒸雞

材料:

雞1隻
金針琺雲耳各3蚊
去核紅棗10粒

醃料:
生抽3湯匙, 
糖2茶匙, 粟粉1茶匙, 紹油1湯匙, 麻油少許

製法:

1. 雞洗淨斬件同醃料醃2小時
2. 金針洗淨去頭尾, 雲耳浸軟去蒂. 去核紅棗洗淨切半
3. 用大火, 隔水蒸20分鐘, 食嘅時候
將全部材料撈勻.




這裡LIKE吓我的Facebook Page支持呀~

2013年4月21日 星期日

日式炒烏冬

一直都好鍾意食炒烏冬, 但好多人(包括我)都怕太油, 所以整個日炒烏冬(唔油版). 

日式少炒烏冬(4人量)

材料:
日式烏冬3-4個
椰菜1個切絲
腸仔4條切粒
秀珍菇4兩切半

製法:


1. 燒紅鑊, 用1湯匙極油起鑊, 炒香腸仔,秀珍菇, 後落椰菜至出水.
2. 加烏冬煮熟,加豉油兜炒,即成。(如果想要少少顏色,可加老抽)



這裡LIKE吓我的Facebook Page支持呀~

2013年4月15日 星期一

【深夜食堂】第15話 : 奶油燉菜

一直都喜愛[深夜食堂],係網上見到好多人包括我嘅朋友,都有將[深夜食堂]發揚光大。上次係Aeon買咖哩磚,順便買埋奶油磚,就製成![深夜食堂]第十五話-奶油燉菜。大頭蝦嘅我,竟然唔記得買牛奶,幸好味道還不錯!  (因只想食蔬菜關係, 所以唔放肉)


材料:
 

紅蘿蔔1條, 切成小塊 
西蘭花1個, 切成小顆
洋蔥1個, 切成小塊 
薯仔1個, 切成小塊 
奶油磚1盒 



製法:

1. 先將
西蘭花出水, 略煮撈起備用.
2. 燒起油鑊, 爆香洋蔥, 再落放薯仔和紅蘿蔔略炒, 後放西蘭花, 放鹽同糖調味.
3. 
加水蓋過所有食物, 用慢火煮5-10分鐘. 4. 待滾起便加入半盒白汁磚再煮5分鐘, 即成.
 




這裡LIKE吓我的Facebook Page支持呀~

2013年4月8日 星期一

鮮准山杞子圓肉響螺湯

今日再出發去花墟選購新解准山同小青瓜, 新鮮准山用嚟補湯,小青瓜就用嚟整沙律啦! 一直都知道新鮮准山功效比乾准山好, 只不過, 處理新鮮准山要好小心. 因為鮮淮山肉有滑滑的黏液, 鮮淮山肉有滑滑的黏液, 而且黏液會令人手痕, 所以最好全程戴上手套, 直到將淮山放入煲內為止.



鮮准山杞子圓肉響螺湯
材料:

新鮮准山1斤
杞子1兩
圓肉1兩
雪耳1兩
螺頭2兩
瘦肉半斤(約$20)
棗3粒
製法:

1. 螺頭解凍洗淨後, 用薑蔥水出水.
2. 瘦肉洗淨後出水.
3. 鮮淮山去皮用清水浸著, 其餘材料浸洗備用.
4.
煲滾兩公升水,所有材料放入煲(雪耳除外), 大火煲滾15分鐘, 轉中細火煲1小時, 才將雪耳放入煲, 再用中細火煲1小時.



p.s. 鮮准山容易氧化, 所以去皮後要用清水浸著, 以免白雪雪的淮山變黑. 




這裡LIKE吓我的Facebook Page支持呀~

2013年4月5日 星期五

西蘭花炒螺片

清明假期除了拜山, 仲可以休息吓. 我好耐都冇煮過西蘭花嘅餸, 依個最啱懶人煮!!!


西蘭花炒螺片
材料:

西蘭花2個 (大)
罐頭螺片1罐


蒜容 2粒
蒜頭2粒



製法:



1. 西蘭花洗淨切開, 滾水放西蘭花煮一分鐘


2. 開罐頭留一半汁, 用生粉, 蠔油, 砂糖開成汁


3. 落2湯匙油,  用蒜頭起鑊, 下西蘭花和蒜容炒3-5分鐘至熟透, 盛起上碟


4. 落獻汁煮至杰身之後下螺片煮一陣可拿起淋上碟


這裡LIKE吓我的Facebook Page支持呀~

2013年4月2日 星期二

日式咖哩牛小排

係花墟見到本地種植, 就買咗蓄茄同薯仔, 就煮咗日式咖哩牛小排


日式咖哩牛小排


材料:

牛小排500g
甘荀1條 (去皮, 切粒)
洋蔥1個 (去皮, 切粒)
中型薯仔4去皮, 切粒
日式咖哩塼半盒(4)
製法:

1.  牛小排用豉油, 糖, 油, 生粉醃30分鐘
2. 用牛油起鑊, 炒香甘荀, 洋蔥, 薯仔, 盛起備用.
3. 用牛油起鑊, 炒香牛小排, 跟住放回甘荀, 洋蔥, 薯仔回鑊, 
加水到剛蓋過材料, 先快火煲滾, 再轉中火炆至薯仔變腍(約15分鐘)
4. 
熄火, 離開火源, 加入咖哩磚, 慢慢攪溶至杰身, 蓋上蓋焗10分鐘即成.



這裡LIKE吓我的Facebook Page支持呀~