2013年6月27日 星期四

果皮蒜蓉蒸龍躉

深水埗西北河街街市附近有檔專賣龍躉, 檔主會幫你處理, 斬件. 好喜愛佢嘅肉質, 爽口又滑溜. 用陳皮蒸, 陳皮嘅香味與龍躉味道無以尚之,香得令人神往! 

果皮蒜蓉蒸龍躉 (2人份量)

材料:
龍躉12 兩
蒜茸 3 湯匙
陳皮絲 3 瓣
蔥粒少許
醬汁料:
橄欖油 1 湯匙
蒸魚醬油 3 湯匙
胡椒粉少許
製法:
1. 龍躉洗淨, 抹乾水分, 放在碟上. 
2. 在龍躉件上撒上蒜茸、陳皮絲.
3. 猛火蒸6 分鐘至熟.

4. 將蒸魚水份倒去, 撤上蔥粒, 淋上滾油, 再放醬汁, 即成.

P.S. 龍躉營養豐富, 能治療高血壓、高血脂、冠心病等心血管疾病.
蒜頭有預防心臟病、癌症、提高免疫力及殺菌的作用.
陳皮理氣健脾、化痰健胃.


這裡LIKE吓我的Facebook Page支持呀~

2013年6月26日 星期三

發現新大陸 - 豉油蒸田蚌

嗰日係西北河街街市海鮮檔見到以以為係花甲類, 原來係叫田蚌, 佢個樣好似日本北寄貝. 因為之前未食過, 所以買咗半斤試吓, 用咗最原始方法就係清蒸, 哇! 鮮甜無比, 下次再買一斤再encore! 
豉油蒸田蚌 (2人份量)

材料:

田蚌 1斤

蒜蓉 2湯匙 

蔥 1條 (切粒)
薑 
2湯匙 (切絲)
紅辣椒 
2湯匙 (切粒)
莧茜 
2湯匙 (切碎)
獻汁:
蒸魚頭抽 2 湯匙

麻油 1 湯匙

製法:

1. 將田蚌浸水, 沖洸淨, 瀝乾.
2. 燒滾一煲水, 將田蚌同薑絲放入碟中, 大火蒸4分鐘.

3. 蒸好後將
蔥粒, 蒜蓉, 椒絲, 莞茜碎灑在碟上及淋上獻汁.
4. 最後淋上滾油, 即可. 趁熱享用



這裡LIKE吓我的Facebook Page支持呀~

2013年6月25日 星期二

滋潤湯水-准山杞子響螺瘦肉湯

星期日出咗深水埗, 順便係北河街街市買餸, 正煩緊唔知煲咩湯,竟然見到有新鮮螺頭買, $40/斤, 好抵, 即刻買一斤嚟煲湯!! 

准山杞子響螺瘦肉湯 (2人份量)
材料:

瘦肉 1斤新鮮響螺頭 1斤   准山 2兩杞子1兩
圓肉1兩
薑 數片

製法:

  1. 新鮮響螺頭洗淨, 用薑蔥飛水, 去除內臟.
  2. 瘦肉切厚片, 飛水備用.
  3. 准山、杞子、圓肉洗淨
  4. 倒大約8碗水於煲內, 凍水下薑片, 煮沸後將一拼材料放入煲內. 
  5. 以大火煲約15分鐘後, 改用慢火2小時. 之後下鹽試味, 即成. 



這裡LIKE吓我的Facebook Page支持呀~

2013年6月22日 星期六

花雕醉鮑魚

繼醉豬手又一新傑作, "醉鮑魚". 大家一齊醉囉!!!

花雕醉鮑魚

材料:
新鮮或罐頭鮑魚(份量按自己喜好)

汁料:

古越龍山香糟露 1支
製法:
1. 鮮鮑魚用用生粉和水徹底清洗
2. 冷水落鮑魚煮, 煮到水滾熄火
3. 撈起過冷河, 再脫殼, 再徹底洗一次
4. 將鮑魚放在器皿中, 下汁料, 蓋過鮑魚
5. 放入雪櫃浸過夜便可

P.S.
如果想入味啲,係鮑魚背介"十字".



這裡LIKE吓我的Facebook Page支持呀~

2013年6月14日 星期五

花雕醉豬手

一到夏天最鍾意整冷盤, 醉豬手係一個透心涼嘅選擇! 
花雕醉豬手

材料:

豬手 1隻 (斬件)
白醋  3湯匙
薑片  3片
清雞湯 1細盒
水 1細盒
汁料:古越龍山香糟露 1支

製法:

1. 
滾水加入白醋及薑, 放入豬手煮5-10分鐘., 取出用清水沖洗.
2. 豬手再用清雞湯及水炆1個半小時, 然後撈起豬手放入大量冰塊中浸10-20分鐘.
3. 再把豬手放入膠盒裡加古越龍山香糟露, (最緊要D汁要浸過豬手).
4. 再將豬手放入雪櫃醃過夜, 即成.

P.S.
汁可留起再用嚟整雞翼、雞翼尖` 鴨舌`豬腳仔或乳鴿.
記得一定要試味, 如果唔夠味就加香糟露就ok.


這裡LIKE吓我的Facebook Page支持呀~

2013年6月13日 星期四

酥皮周打蜆湯 (光波爐)

周打蜆湯係我出外食西餐會飲嘅湯, 終於的起心肝試煮, 發覺一D都唔難. 有咗光波爐, 仲可以整酥皮湯呀!!! Yeah!!! 

酥皮周打蜆湯 (光波爐) (2人份量)

材料:

新鮮蜆肉 半斤
蒜頭 1瓣(切碎) 
水 1杯
煙肉 2湯匙(切碎)
洋蔥 半個
麵粉 3湯匙
薯仔 1個 
魚高湯 1盒
淡cream 1小盒 

製法:

1. 蜆放鹽水浸至少2小時讓蜆吐沙子(因我買嘅新鮮蜆肉已經去咗穀, 所以只需耍沖洗便可), 馬鈴薯切小粒, 洋蔥、蒜頭、煙肉全部切碎備用.
2. 將新鮮蜆洗淨放到蒸盤上,加1杯水和蒜,大火蒸至蜆熟透開口,蒸盤上的水和蜆汁千萬不要倒掉,留下備用. 
3. 蜆逐隻去殼.剛才留下的蜆汁,用篩過濾一下, 留下備用.
4. 中火煎煙肉,直至油份完全滲出,肉變得好脆.
5. 同一隻鍋用剩下的油份炒洋蔥, 約炒5-6分鐘,(不要把洋蔥炒到啡色,所以用小火)後加入麵粉用炒約3分鐘.
6. 
將蜆汁、魚高湯加入,將麵粉完全拌勻, 放薯仔煮15分鐘左右.
7. 
加入炒過的煙肉及蜆肉.
最後加入鮮奶油, 稍稍加熱(不要煮滾), 即成.
8. 如加酥皮, 將湯放入小湯盅, 上面用酥皮封住, 掃上蛋汁. 光波爐先預熱, 後用低架, 220度10分鐘


P.S. 如果喜歡濃一點點的湯,就加多一點點麵粉
     酥皮如已經轉金黃色,同漲起, 就成. 時間不一, 要留意.






這裡LIKE吓我的Facebook Page支持呀~

2013年6月12日 星期三

椒鹽豆腐 (光波爐)

自從有咗光波爐之後, 發覺真係好方便, 好多在家比較難做嘅菜式都可以用爐波就得. 今次用就波我每次出銜食小菜都會嗌嘅椒鹽豆腐!!! 

椒鹽豆腐 (2人份量)
材料:

硬豆腐一件
生粉少許
椒鹽少許

製法:

1. 先將硬豆腐切粒放入雪櫃抽水二小時.
2. 之後將生粉加椒鹽撈埋後備用.
3. 二小時後將豆腐泊粉再噴適量油, 底面各250度13分鐘.



這裡LIKE吓我的Facebook Page支持呀~

2013年6月10日 星期一

芝士大蝦藍青口伊麵

天氣開始愈來愈熱, 就唔想煮飯. 見屋企剩餘D急凍大蝦, 就淨係買藍青口煮個芝士大蝦藍青口伊麵!  我依個擺明係懶人版, 因為其他人通常會加牛奶, 而我利用大蝦嘅蝦頭同蝦殼做個汁, 已經夠鮮甜!!

芝士大蝦藍青口伊麵 (2人份量)
材料:

急凍越南大蝦6隻
藍青口20隻
伊麵餅2個
芝士片5片
雞湯1盒(細)
牛油1少塊
蒜蓉, 乾葱各少許


醃料:

胡椒粉少許, 鹽少許  

製法:

1. 將大蝦解凍, 去腸開邊, 用醃料醃半小時以上, 蝦頭蝦殼留起備用.2. 煲滾一煲水, 放入伊麵餅揚散, 過冷河, 隔水備用.
3. 再煲滾一煲水, 藍青口灼熟備用.
4. 燒紅鑊, 下油, 將大蝦炒至熟, 撈起.

5. 下牛油, 將蒜蓉, 乾葱蝦頭蝦殼爆香, 加雞湯煮滾, 待蝦頭蝦殼出味, 夾起. 後再加入芝士片煮滾, 下伊麵炒勻, 加入大蝦和藍青口即成.



這裡LIKE吓我的Facebook Page支持呀~

2013年6月7日 星期五

手刴梅菜馬蹄蒸肉餅

梅菜蒸肉餅係大人小朋友斬LIKE嘅餸, 簡單又好送飯. 自從鍾意下廚, 發覺自己手刴好味過買碎豬肉, 所以決定一試.


手刴梅菜馬蹄蒸肉餅 (2人份量)

材料:

半肥瘦梅頭大約25蚊
梅菜1大1小棵
馬蹄4個(切粒)

調味:

(1) 糖,油各1荼匙

(2)先色, 生抽1茶匙
老抽少許
糖半茶匙
後味, 生粉, 麻油, 油各1茶匙.
水逐少加, 至肉輕身, 單手拿不起為止.

製法:
1. 半肥瘦豬肉洗淨瀝乾, 手剁成免治肉.



2. 用調味(1)拌勻醃30分鐘.


3. 梅菜用清水浸一陣, 洗淨瀝乾切碎, 加入(2),醃一陣.

4. 
將肉碎, 梅菜粒, 馬蹄粒一起順時針方向攪拌, 置碟上.
5. 將肉餅平均放入蒸碟內, 隔水大火蒸10至12分鐘, 即成.


這裡LIKE吓我的Facebook Page支持呀~

2013年6月3日 星期一

竹庶芽根水

天氣開始熱, 個太陽愈來愈惡毒, 係時候煲啲消暑湯水......如果唔係出街真係is falling!!!

竹庶芽根水 (2人份量)

材料:

鮮竹蔗 1紮
鮮茅根1紮紅蘿蔔 1個馬蹄 10 粒 2-3公升冰糖  適量 
製法:

1. 
竹蔗, 茅根洗淨.

2. 紅蘿蔔洗淨切件.
3. 煲滾1煲清水, 水大滾後放所有材料, 大火煲約半小時, 轉小火煲2小時.
4. 大火滾起, 加冰糖調味即成.

小貼士:

1.    沒有鮮竹蔗和鮮茅根, 可用乾品“竹蔗茅根”湯包 2 包代替
2.    滋潤解燥, 四季合用, 大人小孩適用
3.    天氣開始炎熱, 所以今天起不妨多煲, 放在雪櫃裡慢慢喝




這裡LIKE吓我的Facebook Page支持呀~

2013年6月2日 星期日

旺角香料店

自從有咗光波爐, 香料個需求真係多咗好多, 知道旺角有間香料專門店. 今日去到鋪頭, 嘩! 真係花多眼亂, 除咗我一定伯會買嘅孜然粉同辣椒粉, 仲有其他香料: 韓國辣椒粉, 黃薑粉, 咖哩粉, 辣椒乾, 花椒碎, 八角.......真係數不盡!  





店名:誠興號
地點: 旺角新墳地街459號
營業時間: 0830-1830 (星期日休息) {今日問老細嘅} 




這裡LIKE吓我的Facebook Page支持呀~