2013年7月31日 星期三

發展新事務

今日有少少離題, 近期好忙, 除咗自己工作上忙, 最近仲搞緊新事務, 所花嘅時間比較多. 所謂萬事起頭難, 我希望能夠堅持落去. 究竟我搞緊咩新事務呢? 開估啦, 係網上生意. 你哋又會問點解會搞呢? 因為我有個朋友係日本住, 佢一直都有搞網上生意, 佢想搵個可以信任嘅朋友, 可以一齊搞. 我考慮咗好耐, 好多因素, 都決定試吓! 因為我不嬲做嘢都三分鐘熱度, (煮飯除外), 所以想証明畀自己睇我係"得"嘅!

如果你咃有時間, 去睇吓畀D意見, 支持我! 



https://www.facebook.com/japanshoptogo

2013年7月29日 星期一

老黃瓜意米茨實湯

病咗咁耐, 連煮飯嘅意欲都冇咗, 終於好番啦! 想飲湯令自己胃口好番D先! 

老黃瓜蒠米茨實湯

材料: 
老黃瓜 1個生熟蒠米 各1兩茨實1兩蜜棗 3粒豬尾骨 大約30蚊薑 3片

製法: 1. 老黃瓜去籽,切大塊2. 豬尾骨洗淨, 之後出水.3. 其餘材料浸洗; 凍水下薑, 水滾後加入全部材料, 大火煲半小時, 再轉小火煲1.5小時, 加鹽調味, 即成.

網上小貼士: 此湯全家可服,有預防臟腑燥熱之效,對皮膚敏感痕癢亦有幫助.

感冒後脾胃功能未即時恢復,人會顯得疲勞缺乏胃口,如果餘熱未清去進補,會加重脾胃負擔,令健康更難恢復,故宜煲些有健脾和胃,清熱除濕功能的湯水.

老黃瓜能清熱利水,消炎解毒.配赤小豆,扁豆,薏米同煲湯,對感冒後餘熱未清,咽乾喉涸,煩躁失眠等都有幫助



這裡LIKE吓我的Facebook Page支持呀~

2013年7月24日 星期三

青豆角炒牛肉

夏天最時令係瓜同豆類, 見到青豆角幾靚仔, 平時用嚟炒肉碎, 今日就用嚟炒牛肉啦!! 


青豆角炒牛肉 (二人份量)

材料:

青豆角 半斤
牛肉25蚊
蒜片4片
乾蔥碎 少許

醃料:
糖 1茶匙
豉油 2茶匙
生粉 半茶匙
水 1茶匙
麻油 少許

製法:

1. 牛肉洗淨切片用醃料醃約半小時, 青豆角洗淨切小段
2. 燒熱鑊下油, 爆香乾蔥碎, 下牛肉, 先鬆開煎香1面, 再翻轉煎另一面, 盛起備用.
3. 燒熱鑊下油, 爆香蒜片、乾蔥碎, 下青豆角炒勻, 其間要灑下3次水, 落小小鹽調味, 炒至熟再加入牛肉快手炒勻, 即成. 




這裡LIKE吓我的Facebook Page支持呀~

2013年7月22日 星期一

莞茜茶瓜豆腐魚片皮蛋湯

病咗幾日啦, 本來好番, 點知公司有D冇公德心嘅人, 吐痰唔用tissue包住, 係咁散播病菌, 又中招.  直至今日, 都仲咳到死, 所以都冇咩心機煮餸.



莞茜茶瓜豆腐魚片皮蛋湯

材料:

莞茜 大量(大約4蚊)

鯇魚片 1條(大約15蚊)
豆腐 1件
皮蛋 1隻
茶瓜 2兩(大約5蚊)
水 1公升


製法:

1. 將魚片用鹽+少許油先醃 1 小時
2. 煲滾水下莞茜, 茶瓜, 豆腐煲至莞茜黃綠色, 大約30分鐘.
3. 之後落魚片, 皮蛋, 再煲10分鐘, 下鹽調味即可.



這裡LIKE吓我的Facebook Page支持呀~

2013年7月16日 星期二

冬瓜夜香花花甲湯

夏天一到, 冬瓜湯自然係最HIT嘅湯水,. 今次配花甲, 仲有夜香花嘅香味, 果然十分淸, 鮮甜!! 


冬瓜秀珍菇花甲湯 (2人份量)


材料:

冬瓜 1斤
秀珍菇 4兩 大約5蚊
花甲 1斤
夜香花 4兩 大約5蚊
薑 4片

製法:

1. 冬瓜去皮切小粒, 秀珍菇洗淨,開半, 夜香花洗淨備用.
2. 蜆勁洗淨, 浸水備用.
3. 凍水放薑, 滾起放冬瓜, 秀珍菇滾半小時
4. 花甲瀝乾水份, 加入滾10分鐘, 加鹽調味.

5. 最後放夜香花, 滾3分鐘, 熄火即成.



這裡LIKE吓我的Facebook Page支持呀~

2013年7月15日 星期一

檸檬薏米水

本人好喜愛飲有薏米嘅湯水, 加上有美白, 去水腫嘅功效, 貪靚嘅我仲唔即刻拿拿臨煲呀!!! 
檸檬薏米水

材料 :

生薏米 半斤 

水 2公升
檸檬汁 1個
檸檬皮 1個
冰糖     適量 
製法 :

1. 薏米洗淨, 浸水一小時.
2. 滾水連放入薏米後, 慢火煲約一小時.
3. 洗淨檸檬, 刨皮榨汁.
4. 加冰糖, 待冰糖溶化可關火.
5. 把檸檬皮加入煲好的薏米水內, 焗 20 分鐘.
6. 隔去檸檬皮及薏米, 加入檸檬汁拌勻, 即成.


P.S. 依個份量, 我煲到3支500ML.  

這裡LIKE吓我的Facebook Page支持呀~

2013年7月13日 星期六

蝦醬西蘭花炒鮮魷

其實買餸都係一門學問, 每次煮咩都要傷腦筋, 除咗想食嘅餸菜, 通常我都會係街市有咩想買. 今次見到鮮魷, 就炒魷啦!



蝦醬西蘭花炒鮮魷

材料: 

鮮魷 2隻

西蘭花 2棵
薑 2片

調味:

蝦醬 1茶匙
糖 少許

製法:
1. 鮮魷去眼去墨袋, 中間切開, 大大塊切開, 界格仔紋. 
觸鬚切開幾件, 備用.
2. 
西蘭花去根部, 切小棵.
3. 燒滾水用油鹽水將西蘭花出水, 盛起備用.

4. 爆紅鑊落油爆香薑片,  將鮮魷炒至彎身, 西蘭花回鑊, 落調味料炒勻, 即成.



這裡LIKE吓我的Facebook Page支持呀~

2013年7月11日 星期四

芒果凍餅

近期天氣好悶熱, 令人好容易噪底, 當然包括我在內啦,  係時候整個甜品中和番! 依個甜品好簡單又易整, 層次感及口感好豐富, 而且過程中唔會令人發炆! 


芒果凍餅
材料:

芒果 3個
芒果啫喱粉 2盒
鮮奶 2/3 小盒 ( 約160克 )
魚膠粉 2茶匙
消化餅 100克
牛油 60克
熱水 1 1/2碗
芒果雪糕 3大湯匙

製法:
1. 模圈墊好紙.消化餅壓碎拌入牛油溶液拌勻, 倒入模圈內壓實, 置雪柜30分鐘備用.
2. 啫喱粉1盒半, 魚膠粉拌好, 加大滾水1碗攪混至完全溶解, 待涼備用
3. 芒果切粒, 一半攪成蓉, 一半留待備用.

4. 啫喱涼透後徐徐加鮮奶, 雪糕及芒果蓉, 慢慢攪拌至完全混和 (註: 一定要啫喱 涼透才加奶, 否則會有凝固物, 不滑溜)
4. 混合物倒入餅底.

5. 剩餘半盒啫喱粉加大滾水半碗攪混至完全溶解, 待涼後放芒果粒, 之後淋上混合物最頂層, 放入雪櫃2小時即成.



這裡LIKE吓我的Facebook Page支持呀~

2013年7月8日 星期一

消暑湯水 - 冬瓜薏米鴨湯

琴日小暑, 一定要煲冬瓜湯, 但擔心買唔到水鴨, 最尾係超市搵到, 即刻買嚟煲湯! 

冬瓜薏米鴨湯

材料:

水鴨 1隻



豬展 約20元(洗淨切件出水)

冬瓜 2斤



生熟薏米 2湯匙

陳皮1片

薑 4片


製法:

1. 冬瓜洗淨切大舊塊.

2. 
水鴨去皮洗淨切去頭和尾, 再切為4大舊,

3. 
生熟薏米洗,  陳皮浸軟, 刮囊.

4. 
豬展洗淨切件.

5. 燒熱一煲水, 將
水鴨, 豬展出水

6. 凍水下薑同陳皮, 
水滾後加入全部材料, 大火煲半小時, 再轉小火煲1.5小時, 加鹽調味, 即成.

功效:(網上知識)
冬瓜可清暑解毒,薏米有健脾去濕、美白消腫之功,鴨肉則有滋陰養 胃、利水消腫之效,將三者同煲成湯飲用有一定的食療作用。 薏米、冬瓜和鴨都是較寒涼之物,故久病之人、陰虛火旺者、體質虛 弱、消化力弱者皆不宜多食,女性月經期也不宜飲用。





這裡LIKE吓我的Facebook Page支持呀~

2013年7月4日 星期四

黑椒香草牛扒 (光波爐)


光波小牛扒, 初頭都擔心會整到全熟. 結果出人意表, 竟然做到7成熟, 仲要好juicy! 唔怕搞到個廚房好油煙. Yeah!! 


黑椒香草牛扒 (光波爐)
材料:

牛扒1塊

醃料:

生抽少許
黑椒少許
香草少許

製法:

1. 牛扒用醃料醃至少半小時以上
2. 光波爐先預熱5分鐘, 煎碟加少許油, 用高架,先230度5分鐘, 反轉牛扒再光約3分鐘. 即成.

這裡LIKE吓我的Facebook Page支持呀~

2013年7月2日 星期二

素腐皮卷 (光波爐 )

係樹記買咗啲腐皮, 又有光波爐, 終於獻到我嘅第一次, 卷呀卷呀.....光波腐皮卷. 果然真係0油份, 好脆口! 


素腐皮卷 (光波爐 )
材料:

腐皮 1張
冬菇 4隻
木耳 半碗
紅蘿蔔 1/4條
乾蔥 1粒
生粉水