2013年9月13日 星期五

涼拌芥末青瓜雲耳

近日天氣都開始有點秋意, 不過, 天氣依然有點反覆, 大家都要注意身體呀! 其實涼拌菜, 特別係夏天係最啱, 但我覺得涼拌菜係絕對適合四季. 雲耳係好有營養嘅菜, 同青瓜一齊做涼拌簡直係絕配.


涼拌芥末青瓜雲耳


材料:

青瓜 1條
雲耳 1兩
蒜蓉 1湯匙




醬汁:

生抽 2湯匙
鎮江醋 1湯匙
青芥末 2茶匙
黃糖 少許
紹酒 少許
麻油 少許 (按個人喜好調節)

做法:

1. 青瓜洗淨, 切去頭尾, 切半去籽, 再切成小件, 以刀拍散, 放鹽拌勻, 醃三十分鐘至軟身及出, 瀝去水份, 用凍開水稀釋鹹度, 稍微沖洗後並瀝乾水份.
2. 雲耳用清水浸發好, 飛水, 過冷河, 瀝乾水份.
3. 青瓜,雲耳放入盤內, 放入蒜茸拌勻, 再用醬汁拌勻, 放入雪櫃雪至少一晚, 待入味.
4. 上碟時, 再加少許麻油, 即成.




網上知識: 

雲耳的功效: 

1. 補氣養血;潤肺止咳;抗凝血;降壓;抗癌;運血,可防治缺鐵性貧血及其他藥用功效.   
2. 有益氣、充饑、輕身強智、止血止痛、補血活血等功效.

這裡LIKE吓我的Facebook Page支持呀~

4 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 多謝好介紹,呢款我同媽媽最愛吃的又營又健康加上咁美味點可以錯過

    回覆刪除
  2. 我兩個小朋友好中意涼拌青瓜,會吃好多添!
    不過佢地唔中意吃雲耳,我就中意,嘻嘻~
    你加埋青芥末,好特別喎!

    回覆刪除
    回覆
    1. 我都好鍾意食青瓜架. 因為逍通常D人想食辣都係加辣椒仔, 但我諗到加芥末應該都好夾

      刪除