琴晚一直掙扎食中餐定西餐, 最後因為一個字'懶', 咁就決定煮中餐, 仲要係最懶蒸餸, 算!!! 煮依個餸係因為細個媽咪成日整畀我食, 每次我見到就都好開心. ::_919
今次想咬口豐富D, 所以加咗馬蹄.
蔥菜馬蹄蒸牛肉餅
材料:
免治牛肉 $15
蔥菜 1.5塊
馬蹄 2粒
蔥花少許
調味料:
生抽 1湯匙
老抽 1/2茶匙
糖 1茶匙
生粉 1/2茶匙
麻油 少許
油 少許
酒 少許
水 少許
做法:
1. 將調味料加入免治牛肉,撈勻。
2. 蔥菜先浸水半小時,浸出鹹味, 然後切粒,馬蹄去皮洗淨切粒, 加入免治牛肉內。
3. 一路攪拌免治牛肉和菜,之後慢慢逐少加水,直至牛肉顏色有光澤和輕身為止。
4. 燒一鑊水,待水滾才放入肉餅,蒸7分鐘, 灑上蔥花即成。
按這裡來LIKE吓我的Facebook Page支持呀~
我通常用豬肉多~等我下次試吓用牛肉先~!
回覆刪除黃c9,用豬肉就抵啲,牛肉真係好貴呀! $15得嗰少少!
刪除其實願意自家煮邊算懶?
回覆刪除CiCi, 我都鐘情蒸餸,簡單方便又美味!:D
小高,都算懶架。我只不過,唔想食食外賣,唯一個方法就係自煮。蒸餸係唯一解決辦法!
刪除送飯最啱!
回覆刪除真係,細個食依個餸一定會添飯。
刪除呢個用嚟撈飯食 一流呀 ^^
回覆刪除真係一個好撈飯嘅餸菜!
刪除咁都叫懶!懶係連街都唔出, 打電話叫外賣叫人送上門..hahaha
回覆刪除Mary, 依排工作好忙,放假已經冇去街好耐啦! 攰到唔想煮飯....但自己又唔鍾意食外賣。唯有自己索煮囉!
刪除早兩日芙芙在家見到有馬蹄,心諗唔通今晚阿爸整肉餅?
回覆刪除不過芙芙都係唔知道係咪咁樣,因為芙芙返工返到好夜無返家食晚飯呀!
芺芺,馬蹄都可以整好多餸菜。我鍾意聽到馬蹄嘅'咯咯聲'
刪除好好餸飯唷~!!!!
回覆刪除涼粉子,係呀,細個食,真係會添飯架!
刪除自己通常都係用豬肉蒸肉餅, 下次都試吓用免治牛肉先~~
回覆刪除間中試吓蒸牛肉餅都好架。不過,而家牛肉真係好貴呀!
刪除英國的免治牛肉點煮都好鞋架。
回覆刪除Sam, 點解嘅?因為係急凍?
刪除這個很有咬感 我喜歡呢
回覆刪除我就係鍾意佢嘅咬口
刪除牛肉餅好耐無整了, 的確好送飯
回覆刪除早早,唔係淨係你耐冇整,我都係呀!!
刪除如果用惠康嗰d冰鮮牛肉碎會唔會唔好食呢? 嗰d 廿零蚊有好多吓喎.
回覆刪除吸血鬼, 我見見到呀, 話係澳洲冰鮮牛肉. 我買過嚟食,覺得比較鞋
刪除