香煎比目魚扒伴牛油舞茸汁

係咪唔見咗我兩日呢? 因為我兩隻眼角膜炎, 要休息呀! 其實星期三隻眼開始唔舒服, 但我因為戴con嘅關係(最主要係我貪靚)冇理會, 到星期六瞓醒覺, 對眼紅晒, 仲流濃, 連上下眼皮都紅晒,
咁一定要睇醫生啦. ::_377

醫生話角膜炎, 唔可以戴CON, 滴眼藥水, 搽眼藥膏, 仲要食抗生素. 番屋企食第一次藥, 食完D抗生素, 隔咗一陣, 咀開始痕, 跟住到全身啦, 仲起風'爛'.  ::_379 我竟然對藥物敏感. 即刻落醫生度換另外一隻抗生素, 仲打咗支抗敏針. 打完針之後, 昏迷咗成日, 到夜晚先起身, 由於精神唔太好, 街市又已經閂咗. 唯有睇吓有咩物資, 見有比目魚扒, 仲有半包有機舞茸, 就簡單煮一餐啦~~



香煎比目魚扒伴牛油舞茸汁 (1人份量)

材料:

急凍比目魚扒 1件
黑椒 少許
鹽 少許
生粉 適量

牛油舞茸汁:

牛油 1茶匙
橄欖油 少許
生粉水 少許
水 半碗
鹽 少許


做法:

1. 比目魚扒解凍後, 洗淨後吸乾水備用.
2. 用少許黑椒及鹽醃20分鐘, 記得把魚的前後也平均塗上黑椒及鹽, 才更入味.
3. 煎比目魚扒前, 前後沾上生粉.
4. 燒紅鑊, 下油, 油滾後, 放入比目魚扒.
5. 前後煎至金黃色就可以盛起備用.
6. 跟住煮汁料, 有機舞茸去尾部, 洗淨備用.
7. 燒紅鑊, 用牛油起鑊, 加入橄欖油, 爆香舞茸, 炒至軟身, 弄少許鹽, 加水半碗, 煮大約5分鐘, 之後用生粉水煮至杰身, 淋上比目魚扒, 即成.

按這裡來LIKE吓我的Facebook Page支持呀~