食咗幾日藥, 好番好多, 講真依食得多西藥, 對身體唔多好, 抵抗力會下降., 都係煲番D老火湯飲補番吓. 感冒初愈, 加上天氣已經有秋天的氣息, 秋季宜多煲些潤燥及滋養肺氣的湯水,以防秋天乾燥影響身體.
蟲草花係好有益嘅食材, 配合百合, 雪耳煲湯,有滋補養顏功效, 再加螺頭, 瘦肉, 能補肺氣,增强體質. (依D係網上知識)
蟲草花雪耳百合螺頭湯
材料:
蟲草花 1兩
雪耳 2錢
百合 1兩
杞子3錢
南北杏 2錢
蜜棗 2粒
螺頭 適量
瘦肉 $20
做法:
1. 將螺頭解凍去腸, 洗淨; 連同瘦肉汆水, 備用.
2. 將各種材料浸洗,雪耳去蒂, 備用.
3. 用10-12杯清水於煲內,.
4. 水滾後, 放入所有材料, 以大火煲約30分鐘, 再轉細火煲1.5小時, 落適量鹽調味, 即成.
按這裡來LIKE吓我的Facebook Page支持呀~
cici,午安呀,
回覆刪除芙芙好喜歡飲螺頭湯,因為總係好鮮甜,
次次家中煲時,芙芙都會係咁食螺頭呢!
芺芺,午安,好耐冇見啦,而排忙?我每次煲湯都會將啲湯料食埋,所以咁肥囉,哈哈 ;)
刪除係呀, 呢排好鬼乾燥!呢個有埋雪耳夠晒潤!
回覆刪除Mary, 今日仲要乾燥警號仲要紅,乾到爆!
刪除虫草花係咪會甩色?
回覆刪除蟲草花本身係橙黃色的,同杞子一樣,浸出嚟嘅水會有顏色,但冇問題嘅,浸半小時就可以。
刪除虫草花我之前也試過買呢 加入湯中也很甜 ^^ 你這個好介紹呀
回覆刪除蟲草花加入任何餸菜都發揮佢效用,依幾日天氣乾燥,啱飲呀!
刪除安安 cici~~正芽 螺頭:) 次次我煲螺頭湯呢,D螺頭十比阿仔搶住食架...哈哈~~
回覆刪除莎莉午安呀,咁你要用多啲螺頭煲,咁唔洗同仔仔爭食
刪除一睇咁足料就知好好味啦~~^_^
回覆刪除真係要對自己好啲!!
刪除我愛螺頭!點少少辣豉油食埋d 湯渣~!!!飯都唔駛食~呵~!
回覆刪除黃c9, 咁啱嘅,我都係咁喎,揾到知音人啦!
刪除Cici, 午上好呀
回覆刪除好好保養身子啊
滋補養顏既湯水!! 謝謝分享啊
Good morning yuen, 大家都要好好保養身體呀!
刪除我鍾意食蟲草花 :)
回覆刪除我都鍾意食呀 :)
刪除足料湯,讚呀!
回覆刪除嘻嘻,我每次煲湯都好足料架!
刪除螺頭煲湯好香的,天氣乾燥尼款合時候呀!
回覆刪除正正因為天氣乾燥,先煲依個湯!
刪除我任何湯水都啱架。
回覆刪除Sam, 我係一個湯怪嚟架,同你一樣!
刪除