依個餸係我早幾日煮嘅, 因為我係超市買到李錦記金醬油特惠套裝- 2支金醬油送1支蒸魚豉油, 只係$29.80, 抵到...唔洗考慮, 即刻買啦~~~ 金醬油用嚟醃肉同蒸餸, 突出鮮味用醬油嘅香味!!
:-bd

豆豉龍脷柳蒸豆腐
材料:
龍脷柳 1片
維他有機蒸煮滑豆腐 1盒
豆豉 1湯匙
蔥 1棵
李錦記金醬油 3湯匙
油 2湯匙
調味料:
酒 1湯匙
生粉 1湯匙
胡椒粉 1/2茶匙
糖 1/4茶匙
做法:
1. 將滑豆腐切成3厘米厚的厚片,舖在碟子上靜置10分鐘,倒掉多餘水份。
2. 將魚切成大塊。加入調味料醃製15分鐘。
3. 蔥洗淨, 切碎, 豆豉浸洗, 略壓 備用。
4. 將魚放在滑豆腐上,在每片魚片上加1/4茶匙豆豉, 然後放入鑊中隔水以大火蒸7分鐘。
5. 當豆腐及魚蒸熟後,撒上蔥粒,然後淋上熱油,最後淋上李錦記金醬油,即成。
P.S. 如喜歡辣, 可以加紅辣椒碎~~~
按這裡來LIKE吓我的Facebook Page支持呀~
我中意龍利柳又中意豆豉,呢個送岩晒我^^
回覆刪除希望你每天都開心快樂^^
依個餸簡單又有營養, GOOD!!
刪除我琴晚又失眠, 希望快D過番我開心嘅日子
龍利柳方便!!
回覆刪除係呀, 依個餸都好方便~~~
刪除好耐冇食過豆豉啦!等我記低呢個餸,食得豆豉之後煮先!
回覆刪除希望你快D開開心心! :)
地地, 咩事唔食得豆豉呀? 祝你早日食得豆豉, 快D食E個餸
刪除我希望快D解決, 做番開心嘅我!!!
大肚時就唔想食醃製食物,依家餵緊人奶就驚回奶,所以冇食,遲D餵完就可以煮呢個餸啦!
刪除呢 個餸快靚正~最like 家常小菜~!
回覆刪除黃C9, E個餸啱我E個懶人, 哈哈 :D
刪除安安 cici~~呢個餸清清地又好味芽~~
回覆刪除早晨莎莉, 簡中食得清清地, 好舒服架~~~~
刪除我也愛豆豉呢 哈哈
回覆刪除Katie, 濃中帶D清淡, 呵呵~~~~
刪除正呀!
回覆刪除正呢, 嘻嘻!! 已經留咗畀你, 快D過嚟食啦~~~~~
刪除魚同豆腐...清清地夠健康 ^^
回覆刪除有時問題未必解決到...最重要都是自己的看法...說易行難...祝你快D釋懷開開心心^~^
小花媽, 真係好健康架~~~~自己睇法已經好清晰, 不過, 唔想行到咁絕嘅地步. 我真係想快D做番開心嘅我~~~~
刪除我喜歡自己整蒸魚豉油,好味 D!
回覆刪除希望你快 D 過番 D 開心嘅日子啦!
Litz, 點整蒸魚豉油架, 教我呀~~~~我想快D過番開心嘅日子
刪除生抽 + 老抽 + 水 1:1:1,雞粉1茶匙 砂糖 (甜度就自行調較!),用中細火煮滾,邊煮邊攪拌,臨熄火前加適量麻油即成!
刪除放涼後可存放喺雪櫃慢慢歎!
龍脷蒸豆腐, 滑上加滑。
回覆刪除Sam, 滑到出唔到聲~~~~
刪除CiCi, 呢個正 ~ 小高都好鐘意吃蒸豆腐,有益美味又健康!:D
回覆刪除你OK嗎?心情靚返未嗎?最衰呢度無得PM...唔敢再問太多。
小高,豆腐清清地,簡中食好健康。心情依然都係麻麻地,今日仲要病埋。想傾計可以用FB message pm我啦
刪除