忙咗幾日, 終於抽到少少時間寫blog同探大家. 好掛住你哋呀~~ ::oo2055
秋天已到, 早幾日仲要立埋冬, 但係一D凍意都feel唔到. 反而乾燥嘅天氣先知道秋天嚟咗. 每逄秋冬, 如果感冒的話, 我條氣管就好難斷尾. 因為我有氣管敏感, 仲有嚴重嘅跡象. 醫生曾講過已現變成有輕微哮喘, 所以一到秋冬時份, 我都會好好保護我條氣管. 煲鱷魚肉湯就最好不過. ::_1556
准山茨實海底椰鱷魚肉湯
材料:
准山 1兩
茨實 1兩
海底椰 6塊
南北杏 2錢
蜜棗 2粒
急凍鱷魚肉 1塊
瘦肉 $20
薑 3片
做法:
1. 鱷魚肉解凍, 與瘦肉一同汆水備用.
2. 海底椰洗淨[唔好去皮], 其他材料浸洗, 備用.
3. 水滾後將所有材料放入, 大火煲半小時, 轉慢火再煲2小時, 加鹽調味即成.
網上小知識:
鱷魚肉營養豐富, 有大量的蛋白質和人體必需的氨基酸、不飽和脂肪酸、維生素和多種微量元素, 但脂肪含量少. 鱷魚體內的一種優化核酸, 常食可補氣血、壯筋骨、驅濕邪, 對咳嗽、哮喘、風濕、貧血、糖尿病等有較好的輔助功效.
鱷魚肉的骨膠原含量高, 能護膚養顏作用, 使皮膚增加彈性, 減少和延緩皺紋早現.
鱷魚肉尤其適合因體弱及肺弱而引起的各種不適症狀:
身體虛弱者, 特別容易及經常患上傷風感冒毛病.
呼吸系統虛弱者, 尤其在轉天氣時、忽冷忽熱的天氣, 特別容易久咳不癒、出現支氣管毛病及哮喘等症狀.
按這裡來LIKE吓我的Facebook Page支持呀~
一睇呢個湯就知好飲 , 呢d天氣飲最正.........
回覆刪除如果想效果好d應該用非洲海底椰(乾身果種)
謙盈媽咪,就係因為依排天氣令到氣管唔舒服先煲。屋企都有乾嘅海底椰,下次用依啲嚟煲先!
刪除我都唔客氣要一碗先 哈
回覆刪除Katie, 留咗一碗畀你啦! :)
刪除幾好喎,水爺都有少少哮喘,可以試下煲俾佢飲下~~
回覆刪除水太太,依個湯啱水爺飲呀,快啲煲畀水爺飲啦!
刪除cici~你應該出街拎條絲巾~包住個喉嚨呀!~咁有幫助~冇咁易成日喉嚨痕呀~咳呀咁呢~!
回覆刪除黃師奶,依幾日已經有帶絲巾,好好保護自己條喉嚨呀!
刪除安安 cici~~唔該要6碗丫...我家三口子一人兩碗hehe~~一到秋天真系要好好保護身體芽,記得帶外套...絲巾或者披肩出街,咁就咩都唔洗怕架喇 ^__^
回覆刪除晚上好莎莉,我依排工作好忙,都唔得閒覆你哋嘅留言。我有一大煲,你鍾意飲幾多都得! 依幾日開始涼,大家都要保重身體呀!
刪除我都好想試下煲"惡"魚肉,唔知係咩味呢?
回覆刪除吸血鬼,其實冇咩名,只係有甜味!
刪除呢個湯啱晒氣管敏感飲,不過就要連續飲多幾日!
回覆刪除大豬小姐曾經試過氣管敏感,咳咗個幾月,剛啱返到香港有呢款湯飲,佢連續飲咗五日就無再咳喇!
Litz, 飲咗幾日,我今日都冇咳得咁犀利!
刪除呢個湯好味止咳湯。
回覆刪除EE, 係呀,連續飲幾日,好番好多啦!
刪除保重身體呀。 最緊要唔好冷親, 包實D條頸呀。
回覆刪除Sam, 依期做咗包頸一族!
刪除咁啱睇到你呢個湯!我都要煲比屋企人飲呀!佢地咳到飛起!
回覆刪除同埋我想問用幾多碗水煲架?
刪除我都試過用鱷魚肉煲靈芝湯,但系煲出來我囝唔肯飲,可能系靈芝太苦既問題吧?
回覆刪除