近幾年發覺人與人之間真係好複雜, 特別係朋友與朋友之間, 時間耐咗, 往往會變質. 自問真心對所有朋友, 但原來他方一點都唔珍惜, 仲要帶住假面具對你, 到最後知道真相之後, 真係令人覺得痛心同恐怖. 可能大家冇緣做朋友啦, 講真, 知心朋友唔需要多, 一兩個已經足夠. 係依段時間朋友嘅安慰, 真係好窩心, 我會好好珍惜~~~
近期都冇咩下廚, 依個都係之前煮嘅. 帶子對我嚟講, 真係要小食, 因為比較難消化, 但間中食一次都唔怕啦!
蒜蓉豆豉蒸帶子 [2人份量]
材料:
帶子 5-6隻
蔥粒 適量
醬汁:
蒜頭 3-4粒(切碎)
豆豉 2湯匙 (樁碎)
糖 1 1/2 茶匙
油 1茶匙
麻油 1茶匙
酒 少許
做法:
1. 帶子洗淨, 除去腸臟.,用廚房紙巾索乾帶子水份, 備用.
2. 將已撈勻蒜茸豆豉醬汁鋪上每隻帶子上, 蒸約4-6分鐘即可(視乎帶子的大小)
3. 蒸到最後一分鐘, 快手打開鑊蓋, 加入蔥花, 蒸一分鐘, 就關火, 即成.
帶子好鮮味呀
回覆刪除新鮮帶子真係好甜呀
刪除謝謝分享呀!等得閒我試下做既!
回覆刪除Angel, 唔洗客氣,本著同大家分享嘅精神!
刪除新鮮帶子一定好鮮甜!
回覆刪除Litz, 真係好鮮甜呀~~
刪除我愛帶子呀
回覆刪除海鮮係我最愛 :x
刪除瘦咗6磅? 好羨慕, 最近我肥左兩磅, 心情很差。
回覆刪除Sam, 前日再磅又瘦多4磅, 唔可以再瘦啦
刪除既然唔係真心就唔係朋友啦,唔好上心,快d好番,煮多d美食!!
回覆刪除我鬱鬱不歡係我發現佢嘅假面具之前嗰日, 佢依然仲好若無其事, 咁先令我覺得恐怖
刪除一生真心朋友有幾多? 越大就越少,其實都幾可悲,不過現實社會就係咁了. 睇開D~
回覆刪除吸血鬼, 真係因為現實, 會令真心朋友愈來愈少. 不過, 心情已經好番D, 今日終於都下廚番~~
刪除CiCi你好,
回覆刪除SeeWide特搜網是一個全新互動生活分享平台,集齊各地遊山玩水好去處及講玩講食,讓大家分享不同生活體驗
你的網誌十分切合我們網站的主題,內容及相片也很有質素,請問可否讓我們轉載網誌內的相片及內容?(會注明出處及不作改動)
我們的目的,是盡力網羅優質的相片及內容,建構一個屬於香港人的生活平台,並分享給一眾志同道合的網友
希望你能成為我們平台的一份子,助我們更有效地集結不同好食資訊!
另外,我們設有「稿費」制度,文章獲得本地瀏覽量,即可兌換稿費!
迎新推廣,每100本地瀏覽量,可獲高達HK$1稿費;我們亦可以你的名義,將稿費捐到香港宣明會,或你指定的慈善機構
詳情可參閱:http://www.seewide.com/space.php?do=help&essay_id=22#001
電郵: info@seewide.com
朋友唔駛多~我覺得真心朋友1-2個都夠~有事上黎邊個幫你就係真心朋友~!
回覆刪除黃師奶, 真係架, 有事真係最能知道邊個係真心朋友
刪除cici,芙芙都好明白你的心情,
回覆刪除朋友間多熟都要留返一d距離,始終太熟太熟都係人,
人自然有陰暗面,太熟又無咩距離就會好易鬧交翻面,
好易睇到對方的缺點,不過都係o個句,
真心朋友係會帶住一份包容,唔會咁容易就變呢!
多謝芺芺, 其實有D只啱做普通朋友, 有D真係做到知心朋友~~~~
刪除CiCi, 慢慢來...凡事也有好的一面,既然合不來,便放手!記得要珍惜疼你的家人和朋友!不開心的通通忘記吧!支持你!
回覆刪除