2013年12月1日 星期日

打邊邊盡訴心聲-老碼頭

上星期四係天氣突然驟降, 咁啱之前約咗好友嗰晚出嚟係旺角食飯. 本來我想帶佢去一個地方, 諗住嗰晚會好多人去打邊邊應該唔會太多人等位 [因為冇得book 位], 點知一出lift. 嘩, 多人都出都出唔到. 我哋唯有退而求其次都去打邊邊啦~~~點知未去到, 離遠已經見到一堆人係門口[約30人]. 我朋友已經話“嗰班人唔係等位呀?”, 我哋仲唔相信, 到食肆門口嗰班人真係等緊位, 入面仲有一埋. 誇張到呢!::kk3082  最後, 我朋友打去間佢經常去嘅打邊邊即刻留位, 果然識人係唔同D!我哋就落咗去佐敦老碼頭.




老碼頭地方雖然唔係好大, 坐位總算寬敞, 又數張坐卡位, 總算坐得舒服. 佢哋鍋底選擇很多, 也有十多款, 最後我哋選擇豬肚雞煲. 湯底十分清甜, 仲有好多料. 我哋先將佢當湯飲, 之後再打邊邊.

我哋嗌咗牛頸脊, 紋路好令, 入口個感覺真係好嫩好香好重牛肉味!因為切得薄, 所以就咁用湯拖一拖就食得, 連豉油都唔洗點. ::vv4037


自家制既墨魚滑, 好彈牙,又夠晒爽口!桶蠔好鬼大隻, 我哋三人, 一人兩隻, 主角嗰個仲可以食多一隻., 真係好滿足!::kk3011



當然, 仲有好多其他嘢食, 以我近期胃口不佳嘅我, 已經好飽啦!::mm2442  [雖然我朋友都話我比平時食得好少] 我哋一路食, 一路訴心聲, 仲一路啤一啤, 吹多半夜十二點都未傾完, 但一嚟大家第二日都要返工, 二嚟愈來愈凍. 唯有下次再傾過. ::mm2255


其實, 今次我哋見面最主要嘅目的, 係我好友將會係星期二踏入人生新階段-成為人妻. 眨吓眼, 我哋已經識咗十年, 終於可以見到你出嫁, 真係好興奮. 成為人妻後, 記緊要乖, 要更懂事, 要更堅強, 要更成熟, 做個稱職的人妻. 因為每一個階段都有好多嘢學習, 但你記住你身邊有我. 你一定會好幸福~~期待你嘅大日子來臨!::cc7110


這裡LIKE吓我的Facebook Page支持呀~

16 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 回覆
    1. Sam, 啲生蠔真係好正呀! 每年年尾都好多人結婚!

      刪除
  2. 可以同朋友食飯暢談真係爽呀!

    回覆刪除
    回覆
    1. 地地,係呀,最開心莫過於同朋友食飯吹水!

      刪除
  3. 回覆
    1. 雀后,啲蠔真係好大好肥呀! 依家講番都流口水

      刪除
  4. 恭喜,恭喜你朋友啊,真是人生大事呀.

    回覆刪除
    回覆
    1. EE, 多謝你嘅祝福,嗰晚好開心同感動!

      刪除
  5. 打邊邊食下吹下咁好開心呢~!
    恭喜你朋友~~哈~~~祝願佢永遠幸福~快樂~!

    回覆刪除
    回覆
    1. 黃師奶,我代我朋友多謝你,嗰晚好盡興。因為之後仲有after party!

      刪除
  6. 喺香港真係隨時都可以打邊爐!好羨慕呀!

    回覆刪除
    回覆
    1. Litz, 下次你返嚟,一定要打番夠本

      刪除
  7. CiCi, 早上好!打邊邊簡直o係小高超級至愛,今個happy friday又打啦!好期待呢 ~
    醉翁之意不在酒,能夠同朋友摸摸杯底傾下計真係幾爽,舒發悶氣 good ~ 有美食相伴當然更加好。
    近一年自家打邊邊我都會買牛頸脊,好有牛肉味!搞到小高又流哂水水啦...::ww6037
    o係度也祝你朋友幸福快樂!^^

    回覆刪除
    回覆
    1. 小高,你嘅祝福我已經代我朋友收晒! 佢一定好似你咁幸福! Cici 都好鍾意打邊邊,咁啱同事介紹有間食雞煲係佐敦,揾日一齊去食呀~~~~

      刪除
  8. 我都好想打邊爐呀...早幾日先食完又想食了

    回覆刪除