每逄年尾, cici工作便會好忙, 相信大家都係, 但係剛剛過去嘅星期日過得好充實, 好開心~~亦都發現我嘅新興趣, 會去鑽研, 希望唔會又三分鐘熱度啦![遲D同大家分享]
韓式BBQ醬, 我之前响cc super買嘅, 但後來見到759有得賣, 價錢仲平D, 就一次掃咗兩樽〈牛味&豬味〉, 仲有辣味選擇. 今次我用依隻醬炆豬手, 一樣咁好味架!
韓式豬手 〈二人份量〉
材料:
豬手 2隻
新鮮冬菇 4兩
紅蘿蔔 1條
蒜蓉 1茶匙
蔥花 1茶匙
調味:
韓式BBQ醬 8湯匙(豬味)
做法:
1. 豬手洗淨, 用薑蔥出水後, 落4湯匙韓國BBQ醬醃30分鐘或過夜.
2. 新鮮冬菇用濕布抹乾淨, 去蒂切半備用.
3. 紅蘿蔔刨皮滾筒式切件, 洗淨備用.
4. 用白鑊略炒新鮮冬菇乾身後盛起.
5. 燒紅鑊落油略煎豬手後落蒜蓉、鮮冬菇、紅蘿蔔和4湯匙韓式BBQ醬, 落1~2碗水用慢火炆45分鐘, 加入蔥花裝飾便成.
【溫馨提示】
1. 豬手可以選擇用急凍, 只需解凍後, 用薑蔥水出水便可.
2. 如想豬手爽口, 可於出水後即用冰水冷卻. 如想豬手腍D, 則無需要用冰水冷卻.
3. 新鮮冬菇無須用水清洗, 只要用濕布抹乾淨表面便可, 亦可選用乾冬菇.
我愛豬手呢 可以補充下骨膠元^^
回覆刪除Katie, 就係因為骨膠元,我先煮豬手!
刪除我又要食豬手呀!
回覆刪除雀后,請你食又點話,嘻嘻! 多謝欣賞!!
刪除有咩新興趣?好想八喎
回覆刪除黃師奶,係依度賣個關子先,但可以私底下同你講! :)
刪除講埋我知啦~~~XDDD
刪除我估係學整餅~哈~
刪除黃師奶, 最醒係你啦~~~~~ ::cc4103
刪除我鍾意食豬手BUT要返工好少煮
回覆刪除MOONmoon, 我都係早一日醃定, 第二日放工返嚟煮
刪除我都鍾意食豬手,可惜無人同我分享!
回覆刪除Litz, 凡我都係獨食, 所以咪咁肥~~~::_2290
刪除食咗咁多 "骨膠原" 咪靚晒囉!
回覆刪除Daisy, 最愛骨牌膠原, 哈哈~~~ ::_1625
刪除這個醬英國的西超都有得賣。忙完就放假啦!
回覆刪除Sam, 依隻醬真係一支在手,世界通行!
刪除嘩 ~ cici 早呀!豬手啖啖肉好吸引,仲要換上韓式煮法夠新穎,應該好好味!
回覆刪除小高,食飯未呀?今日開始好凍,記緊著多件衫。豬手除咗啖啖肉,仲有好多骨膠原。試用韓式醬嚟煮,估唔到出嚟感覺咁好味!
刪除