2013年12月17日 星期二

冬天大滋潤-椰子紅蘿蔔雪耳鮮百合湯

從星期日開始, 天氣開始凍, 睇天氣預測, 應該會凍足一星期. 我終於覺得似番個冬天啦! 雖然我都幾怕凍, 都唔明冬天出世嘅我, 冇理由會咁怕凍架! 冬天當然要飲多D滋潤湯水, 就由我嘅湯水滋潤你哋啦!

椰子紅蘿蔔雪耳鮮百合湯


材料:

新鲜椰子 1個
椰子水 1包
紅蘿蔔 1絛
雪耳 3錢
鮮百合 2個  
豬冧肉 大約$20
蜜棗 2粒
薑 3片




做法:

1. 椰子洗淨後切片, 紅蘿蔔刨皮洗淨後滾筒式切件, 備用.

2. 雪耳浸透, 用剪刀剪去硬蒂, 撕成小朵後備用.

3. 豬冧肉洗淨, 汆水後備用.

4. 蜜棗浸洗後備用.

5. 鮮百合切去頭尾啡黑色部份, 逐塊剝開洗淨.

6. 凍水放薑, 滾起後, 放入所有材料 (除雪耳鮮百合外), 先用猛火煲半小時, 轉慢火煲半小時, 之後加雪耳及椰子水再煲一小時, 轉猛火至大滾後, 放入鮮百合滾10分鐘, 下鹽調味, 即成.


[溫馨提示]:

1. 豬冧肉即大腿近豬柳位的瘦肉, 比一般瘦肉腍滑一點, 用作煲滋潤湯水比瘦肉更加適合. 緊記煲湯前要先出水, 去除血水和油膩, 煲出來的湯會很清.
2. 煲湯一定要先用猛火煲最少30分鐘, 然後轉慢火, 煲好後才下鹽調味.
3. 新鲜椰子在山草藥檔便可買到, 檔販會幫你砍開, 倒出椰子水包起後, 再砍大塊. 買回來之後洗淨再切小片, 煲湯才能出味.

●功效:

椰子性味甘、平,入胃、脾、大腸經;果肉具有補虛強壯,益氣祛風,消疳殺蟲的功效,久食能令人面部潤澤,益人氣力及耐受飢餓. 椰子水具有滋補、清暑解渴的功效解渴去暑. 雪耳滋陰潤肺, 有平民燕窩之稱. 紅蘿蔔清腸胃; 鮮百合潤肺止咳, 清心安神, 養陰益氣.


這裡LIKE吓我的Facebook Page支持呀~

16 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 回覆
    1. Katie, 你而家病咗唔好飲湯住,好番煲畀你飲!

      刪除
  2. 好足料,唔駛問阿"貴"都知一定好清甜,唔該一碗!^^
    呀...但應該唔夠...再來一碗呀!heehee...呢個湯真係正 ~

    回覆刪除
    回覆
    1. 小高,真係好清甜,我自己都飲咗好多碗呀! 不過,都留咗四碗畀你同你外子嘅。大家一齊潤一潤!!

      刪除
  3. 椰子煲湯好甜,可惜我唔係好受得

    回覆刪除
    回覆
    1. EE, 用新鮮椰子真係好甜,冬天飲真係正!! 你唔受得,仲有好多其他湯水清潤吓

      刪除
  4. 你唔講我仲以為响生果檔買添,原來藥材檔.

    回覆刪除
    回覆
    1. 唔係呀,吸血鬼,係山草藥檔,你會見到一個個好大個椰子擺晒係度。

      刪除
  5. 回覆
    1. Sam, 新鮮椰子買返嚟一定要再切薄片先出到味

      刪除
  6. 今日真係好凍~最好飲碗熱湯呢~!

    回覆刪除
    回覆
    1. 黃師奶,依幾日凍到,飲碗湯最能保暖

      刪除
  7. 回覆
    1. Ophelia, 咁甜嘅湯,一早畀人(包括我) 飲晒啦。下次再煲預你一碗!

      刪除
  8. 呢個湯好正!暖笠笠!D椰子重好好咬口呀!

    回覆刪除