E兩日真係冷得我騰騰震, 一收工就即刻奔番屋企, 始終都係屋企最溫暖, 瞓覺都要攬住暖水袋先瞓到. 我諗有好多人會選擇打邊邊, 有幾多人係其中一份子呢? 我就會選擇食辣嘢! 突然諗起川菜, -回鍋肉.
回鍋肉是著名的四川菜,十分受歡迎。喜歡它的辣味,豬腩肉又爽口,不覺肥膩,十分好送飯的一道餸菜.
回鍋肉 (2人份量)
材料:
五花腩 200克 (大約$25)
青椒 半個
紅椒 半個
椰菜 半個
豆乾 2塊
甜麵醬 1湯匙
辣豆瓣醬(可因應個人口味增減) 半湯匙
糖 1茶匙
紹酒 1茶匙
蔥段 少許
醃料:
生抽 1湯匙
糖 1茶匙
生粉 1茶匙
紹酒 1茶匙
麻油 1茶匙
胡椒粉 少許
做法:
1. 五花腩洗淨,放入滾熱水中,跟蔥、薑一起煮七至八成熟,然後撈起放入冷凍水放涼, 再把五花腩薄片切薄片, 加入醃料醃大約30分鐘。
2. 青、紅椒洗淨切粗條,豆乾洗淨斜切薄片, 椰菜切小塊, 洗淨備用.
3. 燒熱油鑊,用中大火將五花腩煎至兩面微黃色,並出油份。盛起放在廚房紙上,吸乾油份。
4. 燒熱油鑊, 用中火爆香甜麵醬和辣豆瓣醬, 下青、紅椒炒勻,加豆乾,落少許水,煮至青、紅椒微微軟身. 將五花腩回鑊中。轉大火, 灒酒, 快手炒勻至汁收乾, 灑上蔥花, 即成。
按這裡來LIKE吓我的Facebook Page支持呀~
天氣凍凍地, 我都好想食!!
回覆刪除天氣咁辣嘢,食完暖笠笠!
刪除我唔太食辣,打邊爐就o岩我多d~~不過見到咁暖笠笠又咁多肥肉,真係冬天美食呢﹗
回覆刪除水太太,打邊邊都好啱我架。啲五花腩煎香咗,出晒油,唔肥架!
刪除天氣凍 食這個回鍋肉實暖呼呼
回覆刪除Katie, 我食完個身都暖晒! 嘻嘻!
刪除冇落荀喎,唔食筍?
回覆刪除EE, 我唔食得荀呀,食完皮膚過敏架! >.<
刪除回鍋肉是的最喜歡的一道上海菜, 那些椰菜最好味。
回覆刪除Sam, 我食親上海嘢都會叫回鍋肉
刪除呢碟我最鍾意食嘅係椰菜
回覆刪除MOONmoon, 回鍋肉,豆乾同椰菜先係我嘅主菜。
刪除哈~天氣凍~煮餸加少少辣椒~咁會暖身d呢~讚~!!!
回覆刪除黃師奶,天氣凍,除咗打邊邊,食辣嘢都能暖身,呵呵!
刪除辣嘢好惹味呢 ::ee5104
回覆刪除冬天食真係好惹味!!!
刪除凍凍地食尼個正,夠惹味好送飯!
回覆刪除今日又開始凍,快啲煮嚟食囉!
刪除你好, 請問第3點 3. 燒熱油鑊,用中大火煎至兩面微黃色,並出油份。盛起放在廚房紙上,吸乾油份。…………是將咩材料煎??唔該你=)
回覆刪除Suki 午安!係將五花腩煎香,已修改。多謝提點。:D
刪除多謝你肯教我先啱, 屋企人好鍾意食呢個餸 學定放假整…多謝你
回覆刪除唔洗客氣,大家分享啫! :)
刪除