冬至之前一直為煮咩餸而頭痛, 最終因為那天天氣依然凍冰冰t煩, 打邊邊算啦. 我特意出去深水埗北河街市買海鮮, 這裡選擇多, 亦有比較特別嘅海鮮.
黃金蚌
鏡殼
九節蝦
不過, 今次再唔係莞茜皮蛋豆腐湯底, 而煲個湯用嚟做湯底, 諗咗好耐, 決定煲咸菜胡椒豬肚湯. 這個湯好啱冬天飲, 胡椒辣辣地嘅味道, 飲完個身暖笠笠.
咸菜胡椒豬肚湯
材料 :
咸菜 2兩
豬肚 1個
豬筒骨 $30
白胡椒粒 3湯匙
生熟意米 3錢
腐竹 適量
薑 4片
做法:
1. 洗淨豬肚。用白鑊煎吓豬肚的兩面,之後用羗片將豬肚出水,再用凍水沖洗,之後切小片。
2. 豬骨洗淨汆水。白胡椒用白鑊爆香,咸業菜略洗,切小片及切去葉部份, 生熟意米浸洗,腐竹用濕布抹淨備用。
3. 凍水放薑片,將豬骨、白胡椒、生熟意米煲1小時成湯底。
4. 放入咸菜、豬肚、腐竹再煲1小時。加鹽調味, 即成。
[溫馨提示]:
1. 洗豬肚,要先剪開個肚剪去入面的白色肥羔。用生粉及鹽淬吓,再用水洗。用白鑊煎吓豬肚的兩面,之後用羗片將豬肚出水,再用凍水沖洗。
2. 咸菜只需用水略洗,如用水浸太長時間會無哂味!咸菜D葉會令到D湯有苦味,所以不要放下去!
3. 如果唔想腐竹煲至溶 , 可於最後半小時才放入腐竹。
4. 白胡椒想再容易出味, 可以略樁, 才用白鑊爆香。
5. 每人口味都唔同,如果試味,覺得胡椒味唔夠可再加。不過要注意一點,這個湯會愈煲愈濃 ,所以唔好過辣 。
洗豬肚好大工程!! 我好想飲番碗呀
回覆刪除Katie, 洗完覺得原來洗豬肚都唔係咁難, 為咗靚湯,就要付出! 咁好味,速遞去草裙小島啦!
刪除呢個湯我老公最愛,不過洗豬肚好煩喎
回覆刪除Olivian, 其實都唔太煩呀! 試吓啦!
刪除呢個湯啱哂呢個時候飲 , 飲完即刻暖哂 ^^
回覆刪除Mandy, 係呀,飲完全身暖晒!
刪除哈~我冬至嗰日出街食~唔駛煮~好爽~哈哈哈~
回覆刪除黃師奶,因唔想同人迫,所以先係屋企食! 你嗰晚一定好爽囉,呵呵!
刪除真是不得了,洗豬肚好辛苦架!CiCi真係好叻女,好想飲返"幾"碗,下次預埋小高呀!^^
回覆刪除小高,洗豬肚都唔太煩,少少辛苦啦! 鬼叫自己好想飲呢! 今次係cici第一次煲,好彩feedback係好正面!下次再煲一定預埋你同外子!
刪除