繼續go糕go - 桂花糕

今年我依然都有整桂花榚, 其實坊間都有好多桂花榚食譜, 但我覺得用魚膠粉最容易掌握, 最易整.


桂花榚  (4至6人份量)

材料:

滾水250克  

凍水200克

魚膠粉25克 

砂糖70-80克 (甜度隨大家喜好) 或 (冰糖50克)

乾桂花10克
  

做法:

1. 將砂糖和滾水撈勻, 加入乾桂花拌勻

2. 加入魚膠粉拌勻至溶化後, 再放凍水至溶解

3. 之後倒入模內, 放入雪櫃冷涷至成形, 即成

按這裡來LIKE吓我的Facebook Page支持呀~

Cici小廚房

宣傳你的專頁

中式一口合桃酥

現在已經深夜時份, 應該差不多天光, 但我仲為賀年食品而努力, 為的是各方好友, 可以品嚐我嘅賀年食品, 見到佢哋食得咁滿足, 及得到佢哋嘅讚賞, 對我真係好大嘅鼓勵, 話晒我仲係烘初哥呢~~ 我亦都想盡快出食譜, 唔好'澤'過年啦.


中式一口合桃酥


材料:

淡牛油 30g
固體菜油 20g
砂糖 40g
蛋 1隻 (拌勻)
低筋麵粉 100g
梳打粉 1/8茶匙
食用臭粉 1/8茶匙
合桃 20g (切碎)

Go糕go - 蘿蔔糕

臨近新年仲有幾日, 工作忙到死, 一直都抽唔到時間整糕. 本來計劃星期五先準備整其2賀年小食, 但奈何身體突患感冒. 打亂晒d計劃, 唯有全部堆在星期日做啦! 一早起床, 就整咗桂花糕 (食譜後上), 之後當然係cici至愛嘅蘿蔔糕. cici舊年第一次整糕, 家人同朋友都讚不絕口, 對我嚟講係好大嘅鼓舞, 所以今年大家都encore, 我都樂此不疲, 絕不say no!

好多朋友都已經沿用攪拌機去攪成蓉, 但我寧願辛苦一點, 堅持用刨磨成蓉, 同刨絲, 為的是想口感好D!!!

紅蘿蔔舞茸湯

這幾天天氣依然咁凍, 明明天文台話會回暖, 但點解依然咁凍架? 臨近過年, 我同大家都要注意身體, 唔好病倒呀~~~~上次入咗D海味, 係時候開封煲湯.

紅蘿蔔舞茸湯


材料:

舞茸 (乾貨) 2個
紅蘿蔔 1條
豬冧肉 $20
薑 2片

做法:

1. 舞茸洗淨 用清水浸約15分鐘, 浸菇水留起備用.
2. 紅蘿蔔去皮滾筒式切件, 備用.
3. 豬冧肉洗淨切小塊後汆水,
4. .凍水放薑, 用12碗水煲滾, 將全部材料放入煲內(連同浸菇水), 先用猛火煲半小時, 轉慢火煲2小時, 落適量鹽調味, 即成.


[溫馨小貼士]:

1. 舞茸能增强; 調節身體免疫力, 減低癌症治療(電療、化療)所帶來的的副作用, 改善病患者的整體生活素質; 亦可預防傷風感冒.
2. 紅蘿蔔宜選用街市山草藥檔的台灣紅蘿蔔, 比較清甜.

按這裡來LIKE吓我的Facebook Page支持呀~

Cici小廚房

宣傳你的專頁

cici烘焙第一爐 - 香蕉合桃鬆餅 (無牛油版)

之前已經提過買咗烘焙必需品, 當然打熱襯熱啦. 剛剛上星期尾牙, 公司拜神, 有2隻香蕉, 就攏到出栴點, 就用嚟整鬆餅加入合桃, 令到鬆餅香點同有些咬口. 當然, 想健康D, 就用菜油嚟取代牛油. 第一爐奉獻畀同事和家人, 得到他們的讚賞, 令我對烘焙的興趣倍增.

我的第一爐, 當然選用可人兒"小高"嘅我的烘焙自家製 - 香蕉合桃鬆餅 無牛油版 作參考及修改.

2014年新學習-烘焙

2014年已經過咗半個月，之前講過今年會學習新東西，就係烘焙。講真，我一直都想係煮食方面瞬熟，先向烘焙方面學習。

之前同朋友傾過，某些嘅答案係"不歸路"。因為烘焙所花的時間同金錢比普通煮食多，但作為近年喜愛煮食嘅我，行街市，烘焙店多過行鋪頭買衫，興奮程度好比少女瘋狂shopping咁，真係非筆墨所能形容。

無水榨菜雲耳蒸梅頭肉 - LC 22cm Buffet

自從擁有LC之後, 終於感受到無水蒸的好處, 亦都完全愛上 (其實應該講中毒). 每次經驗過有LC或STAUB賣的地方, 都要去朝拜一番. 我終於完全感受到LC或STAUB嘅魔力, 真係唔可以睇少.

對於我依個LC嘅初哥, 無水蒸的食譜, 我通常參考鬼嫁 . 今次這個餸菜係用無水蒸肉餅作參考, 而煮出來的. 用無水蒸令到D梅頭肉腍滑, 榨菜味完全滲入; 雲耳吸晒D肉汁, 係好送飯的餸菜.

黨參羊肉圓肉湯

每逄冬天除咗會畀氣管敏感困擾之外, 仲有手腳冰冷. 天氣寒冷的日子, 暖包係必需的. 臨瞓前一定要用暖包, 暖水袋先暖咗被窩才能安睡. 好多年前曾經飲過羊肉湯, 記得飲完成個身都會暖番晒. ::mm2391

之前係一田買咗紐西蘭羊腩排, 本身諗住用嚟炆羊腩煲, 見自己這幾日都好虛, 就用它取而代之煲湯啦!

龍脷葉枇杷葉雪梨湯

由身體抱恙, 已經冇入廚幾日. 這幾天天氣寒冷, 想食D熱辣辣嘅食物. 喜愛飲湯嘅我, 當然煲番煲湯就最好不過. 天氣變, 一向有氣管敏感的我, 梗係煲番D清潤的湯水. 我以前都比較抗拒D奇怪的湯水 (總之唔係大路嘅青紅蘿蔔, 蕃茄薯仔.....等等) 但人大咗, 對改善身體嘅湯, 我都漸漸接受. 不過, 始終有某些湯依然唔飲啦!

改頭換面的出血日

大家有冇覺得我唔同咗呢? 係呀, 我轉咗logo, 將我至愛嘅大口仔, 收埋咗, 捩咗自家LOGO. 大家會唔會唔認得我架....呵呵!!!  ::mm2185

【Eatgoodhk 食好野】有獎遊戲

承蒙【Eatgoodhk 食好野】公關的邀請, 令我認識【Eatgoodhk 食好野】這個網站, 它是一個飲食優惠網站 , 可以優惠價錢享用美食, 介紹飲食資訊, 推介平, 靚, 正嘅飲食之道., 值得推介！

【Eatgoodhk 食好野】嘅Facebook【Eatgoodhk 食好野】剛剛推出有獎遊戲, 參加者有機會得到【Häagen-Dazs™ 雪糕現金劵】, 好東西是要分享的, 希望你地都有機會中獎！

按此參加:
【Eatgoodhk 食好野】有獎遊戲 http://fb.me/eatgoodhk


參加辦法：
1. 讚好【Eatgoodhk 食好野】粉絲專頁
2. 讚好及分享這個帖子
3. 於這個帖子寫上『一齊Like【Eatgoodhk 食好野】~ 一齊拎著數~』

得獎資格：
1. 由Eatgoodhk.com隨機抽出 (名額5名)
2. 不得重複中獎

獎品：
每名得獎者可獲【Häagen-Dazs™ 雪糕現金劵 HK$50】一張。於遊戲結束時，如本Facebook專頁達2000粉絲，每名得獎者可獲【Häagen-Dazs™ 雪糕現金劵 HK$50】兩張。

1月22日晚上11點59分截止，結果將於1月24日公佈。我們將以Facebook message形式聯絡得獎者。Eatgoodhk.com 保留最終決定權。

【Eatgoodhk 食好野】網址: http://www.eatgoodhk.com

【Eatgoodhk 食好野】Facebook Page: http://www.facebook.com/eatgoodhk

煙肉腸仔卷

聖誕同新年過後, 農曆新年又就快嚟, 除咗傳統嘅糕點, 有冇諗過整一D西式小食去款待客人或小朋友呢? 這是一道任何時候, 大人細路都好喜歡嘅小食, 又容易整. 我之前就整咗嚟做聖誕party food ! ::xm2216


煙肉腸仔卷 (二人份量)

材料:

香腸 6條
煙肉 4片

LC無水豉汁蒸排骨

自從我擁有咗LC後, 心水清嘅blog友仔, 仲未見我開光嘅. 其實心急嘅我, 一早已經剪綵啦. 不過, 太多post仲未出, 仲加上節日, 所以一再推遲, 就畀它做2014年第二篇post啦!!

咩叫無水蒸法呢? cici就借用blogger鬼嫁的文章分享.

無水蒸的原理是利用鑄鐵鍋子的超強鎖水特質，加熱鍋子後，水份被蒸發卻仍鎖在鍋子內，熱力和蒸氣令食物變熟，煮出來的效果比隔水蒸更入味軟稔，味道不會被倒流的蒸氣水份沖淡，所需時間亦較短，更可連鍋子一條龍直接上檯，省時、美觀、好味，一次過滿足三個願望! ← 本人十分認同

用LC or Staub絕對可以省時, 又可以原鍋上檯, 能夠保持餸菜嘅熱度, 仲要原汁原味. 難怪咁多人愛上!

Happy 2014!!! 新開始

Happy New Year 2014! 祝大家新年進步, 生活愉快, 最緊要身體健康! 炮製多D美食同分享見聞. ::xm4027