2014年已經過咗半個月，之前講過今年會學習新東西，就係烘焙。講真，我一直都想係煮食方面瞬熟，先向烘焙方面學習。
之前同朋友傾過，某些嘅答案係"不歸路"。因為烘焙所花的時間同金錢比普通煮食多，但作為近年喜愛煮食嘅我，行街市，烘焙店多過行鋪頭買衫，興奮程度好比少女瘋狂shopping咁，真係非筆墨所能形容。
因為害怕自己三分鐘熱度，所以之前係淘寶淘咗部份烘焙用品，最主要淘個打蛋器，到真正喜愛再擁有pro啲打蛋器都唔遲。那天花少許時間去ICHI-CAKE，在那裡見到各樣用品都想買，但咪住，控制自己先。買一些必須嘅用品先，慢慢來! 繼LC之後，可能又多樣嘢中毒囉!
支持你新學習哦 從前我愛名牌 買件衫無$700都$1000 自從3年前開始烘焙做菜 平好多 你第一次買要入貨要用多錢 但之後就不用再買打蛋器等材料 只買食材 好化算呢 我愛上做菜後 少買衫及名牌 發現多錢了 哈哈
回覆刪除Katie, 我已經完全中晒毒，今日又逛烘焙店，又敗嘢，見到各樣嘢都好開心呀!
刪除哈哈 ~ 我家下都係...明明過年想買d新衫新鞋，老是逛烘焙店，就算去百貨公司都係睇沙煲瓦罉多過睇其他....::kk3152 無他，一旦愛上便不能自拔！
回覆刪除cici 加油, 但要慢慢來...唔好學我一下子買到成屋都係！::kk3048
小高，街市，烘焙，廚房用品用料已經重要過衫褲鞋襪。我今日又去行烘焙店，真係又中毒! 我要慢慢向你學習, 嘻嘻!
刪除工欲善其事，必先利其器嘛！
回覆刪除Litz, 我深信這句說話，所以就大量入貨啲必需品先!
刪除玩玩下就愈來愈有興趣架喇。
回覆刪除Sam, 應該係會中毒。
刪除哈哈哈~燒銀紙呀真係~~~大家都燒緊~哈哈哈~~~~
回覆刪除黃師奶，依期真係燒銀紙，一齊燒。火燒旺烘焙，哈哈!
刪除