黨參羊肉圓肉湯

每逄冬天除咗會畀氣管敏感困擾之外, 仲有手腳冰冷. 天氣寒冷的日子, 暖包係必需的. 臨瞓前一定要用暖包, 暖水袋先暖咗被窩才能安睡. 好多年前曾經飲過羊肉湯, 記得飲完成個身都會暖番晒. ::mm2391

之前係一田買咗紐西蘭羊腩排, 本身諗住用嚟炆羊腩煲, 見自己這幾日都好虛, 就用它取而代之煲湯啦!




黨參羊肉圓肉湯 (4人份量)


材料:

羊肉 半斤
黨參 4錢
圓肉 5錢
紅棗 6-8粒
生薑 3片


做法:

1.羊肉洗淨汆水;其餘材料浸洗, 備用.
2.凍水放薑, 用12碗水煲滾, 將全部材料放入煲內, 先用猛火煲半小時, 轉慢火煲1個半小時, 成8碗, 落適量鹽調味, 即成.

[功效]

1. 此湯對婦女產後虛寒十分有幫助,有袪風暖胃,補氣血作用, 但陰虛火旺者忌服.
2. 用羊肉配黨參,紅棗,圓肉煲湯服,有暖胃袪寒,補益氣血功效.對畏寒肢冷,腰膝痠軟,貧血,夜尿頻,面色蒼白人士很有益處.

按這裡來LIKE吓我的Facebook Page支持呀~