Go糕go - 蘿蔔糕

臨近新年仲有幾日, 工作忙到死, 一直都抽唔到時間整糕. 本來計劃星期五先準備整其2賀年小食, 但奈何身體突患感冒. 打亂晒d計劃, 唯有全部堆在星期日做啦! 一早起床, 就整咗桂花糕 (食譜後上), 之後當然係cici至愛嘅蘿蔔糕. cici舊年第一次整糕, 家人同朋友都讚不絕口, 對我嚟講係好大嘅鼓舞, 所以今年大家都encore, 我都樂此不疲, 絕不say no!

好多朋友都已經沿用攪拌機去攪成蓉, 但我寧願辛苦一點, 堅持用刨磨成蓉, 同刨絲, 為的是想口感好D!!!

Go糕go - 蘿蔔糕


材料:

蘿蔔 7斤
三象牌粘米粉 570克
粟粉 60克
臘腸 4條 
臘肉 1條
蝦米 2兩
瑤柱 2兩
蝦米 2兩
蔥 適量


調味料:

鹽 3茶匙
糖 3 茶匙
胡椒粉 2茶匙
蠔油 4湯匙



做法:

1. 蝦米浸洗, 白鑊拱乾備用; 瑤柱浸軟後撕成絲; 蝦米水同瑤柱水留起備用. 
2. 臘腸開半切粒備用. 
3. 臘肉蒸熟, 切小粒備用.
4. 蘿蔔4斤磨蓉, 3斤刨絲, 蘿蔔滲出的水留起備用.
4. 燒熱鑊. 加入臘腸; 臘肉; 瑤柱絲一齊爆炒, 炒至出味再加入蝦米爆炒, 盛起備用.
5. 爆炒的鑊不用洗, 放入蘿蔔蓉及絲與及蘿蔔水同煮, 煮至蘿蔔變軟後加入調味料, 熄火約2分鐘, 之後分數次將粟粉及粘米粉篩入蘿蔔絲裡拌勻. 最後將臘腸; 臘肉; 瑤柱絲同蝦米加入拌勻, 但要預留少許材料鋪在糕面上.
6. 把所有材料材料倒進已掃油嘅糕盤裡, 大火蒸45分鐘至1小時. 最後趁糕尚熱時, 灑上蔥粒, 即成.

[小分享]

1. 蘿蔔糕蒸完放涼後置於雪櫃冷藏 , 至少雪一晚才容易切件來煎. 
2. 蘿蔔糕不用加水, 因為蘿蔔會出水, 本身的水份再加上蝦米水同瑤柱水已經足夠.
3. 一定要先爆臘腸和臘肉至油份溢出, 即見到臘腸和臘肉油光閃閃, 令它們更香. 要原鑊爆白蘿蔔連汁, 吸盡臘味餘下的香味

3. 4. 蘿蔔本身有苦澀味, 煮時加少少糖便可除去, 更加令蘿蔔更清甜

5  5. 蒸糕時要知道是否熟透, 可用小刀或筷子插入糕中間, 若見到刀底筷子沾着的糕不是純白色代表已經熟透.

   6. 自家製的蘿蔔糕, 由於沒有防腐劑, 通常可以放約10日,但建議最好在一星期內吃完, 以免影響味道.有些人喜歡加冬菇, 但會容易壞, 所以只能放2,3 天, 最多一星期.

按這裡來LIKE吓我的Facebook Page支持呀~

Cici小廚房

宣傳你的專頁