咩叫無水蒸法呢? cici就借用blogger鬼嫁的文章分享.
無水蒸的原理是利用鑄鐵鍋子的超強鎖水特質,加熱鍋子後,水份被蒸發卻仍鎖在鍋子內,熱力和蒸氣令食物變熟,煮出來的效果比隔水蒸更入味軟稔,味道不會被倒流的蒸氣水份沖淡,所需時間亦較短,更可連鍋子一條龍直接上檯,省時、美觀、好味,一次過滿足三個願望! ← 本人十分認同
用LC or Staub絕對可以省時, 又可以原鍋上檯, 能夠保持餸菜嘅熱度, 仲要原汁原味. 難怪咁多人愛上!
LC無水豉汁蒸排骨 (參考自鬼嫁料理手帳), 但略為修改
材料:
一字排 $25
椰菜 半個
蔥粒 少許
排骨醃料:
豉油、 豆豉、蒜蓉 -----各1茶匙
酒 1/2 茶匙
生粉、砂糖-----各1/4茶匙
胡椒粉、麻油 少許
指天椒 少許 (可以不加)
水 2湯匙
做法:
1. 排骨拌勻調味,醃30分鐘
2. 椰菜撕開一塊塊, 洗淨備用.
3. 椰菜鋪在LC鍋上, 排骨平勻鋪在椰菜上,加蓋中火偏大煮4分鐘,轉小火煮5分鐘
4. 熄火,不要開蓋,焗5分鐘.
5. 開蓋灑上蔥粒, 原鍋上檯, 即成.
溫馨小貼士:
1. 如用傳統方法隔水蒸,蒸10分鐘.
2. 材料平均鋪放在鍋子上,令材料受熱均勻.
3. 熄火後,不要打開蓋,利用餘溫再焗多5分鐘.
按這裡來LIKE吓我的Facebook Page支持呀~
CICI~哈~呢期大家都玩無水蒸喎!~用咗LC~返唔到轉頭呢~!
回覆刪除黃師奶,無水蒸真係好方便,我用電滋爐仲可以set時間, 真係好正架! 我其實已經有少少中毒啦。本身諗住係工展會敗20cm staub 煲,後尾斷貨先敗唔到!
刪除排骨正呀!
回覆刪除Katie, 其實覺得依個餸主角係椰菜,哈哈!
刪除原汁原味,正.
回覆刪除EE, 原汁原味,真係好正! :)
刪除我都鍾意無水蒸 :)
回覆刪除Mrs. Benz, 我而家已經愛上咗!
刪除呢個我都啱, 原汁原味喎!
回覆刪除Happy New Year ~~~
Litz, 真係原汁原味! 超好味! 2014年祝你開心快樂,身體健康!
刪除我個buffet都未開光丫,我都係打算開光整無水蒸排骨
回覆刪除Olivian, 快啲開光啦 包保你一定都會愛上!
刪除無水蒸真係好方便喎﹗
回覆刪除水太太,真係方便到無言!! :D
刪除原煲上, 夠方便。
回覆刪除Sam, 原煲上可以keep住個熱度,正!
刪除忙足成個月,本來都想煮下飯,最簡單諗住蒸排骨,但實在有點懶(應該話懶開有條癮XXXD),都係出街食!咔~
回覆刪除小高,其實cici近排先少煮飯,都係今朝先煮帶飯。大家都有條懶筋,哈哈! 你呀,快啲拔走,再煮啲美食啦!
刪除用LC煲蒸,炆,煮都好正哦︿︿
回覆刪除Mandy, 用LC真係方便。我已經愈嚟愈愛上! :D
刪除