2014年2月28日 星期五

蕃茄紅蘿蔔三文魚腩骨湯

最近韓風襲港, 大家係咪都係其中一份子呢? [來自星星的你], 自問我一集冇睇過, 可能劇種同男主角吸引唔到我 (唔知會唔會得罪好多人呢), 亦都唔想為增加話題, 而隨波逐流.

早兩日, 竟然買到新鮮挪威三文魚腩骨, 苦惱點煮的時候, 知道三文魚油可以滋潤皮膚, 就煲個靚湯啦~~~煲到D三文魚腩肉碎晒, 正~~~~


2014年2月27日 星期四

粟米豆腐蛋花湯

這兩日天氣回暖,亦都好潮濕。回南天令人好容易攰,濕又重,胃口麻麻地。當做任何事都提不起勁的時候,當然食一些自己喜愛的食物,去激起自己的小能量!
當懶筋出現,而又想飲湯,滾湯就最好不過。粟米湯深受大人小朋友歡迎,十分鐘就有得飲啦!


粟米豆腐蛋花湯 (2人份量)


材料

粟米蓉 1罐
布包豆腐 1塊
雞蛋 1隻

獻:

栗粉 1湯匙
水 半罐

2014年2月24日 星期一

鑊氣街坊小館 - 耀哥小廚

大圍四周村屋林立, 附近亦有些住家改為餐廳, 飯店或是士多之類, 同區的生昌做得如此出色, 就知道這裡競爭不少.  每次經過耀哥, 總看到一大班喝啤酒的男子漢或是一家大小坐在門外的兩張大枱, 看來頗受街坊歡迎, 亦都挑起我對這間小廚的興趣.

琴日見自己精神同心情都不佳, 搞到唔想下廚, 就把心一橫決定去這間小廚食飯. 希望有美食, 能令我嘅心情好些.

當到達耀哥小廚門口, 已經剩下一張檯, 有些食客已經坐在出面. 我和家人坐在這張空檯, 後來先發覺原來係有兩層嘅, 人流源源不絕, 亦都有些附近嘅村民的外賣, 相信假期十分旺埸. 翻開餐牌看看,價錢一點不貴,一句話 "街坊價"!

點菜才知道, 每樣食材都預算足夠份量, 賣清就算, 唔會留作第二日. 聽到老闆娘講, 如想食一些食材, 可以打電話先預訂, 他們會預先張羅.

我點了3個菜, 本想點什菜煲, 竟然話唔夠什菜, 冇得order, 真誇張.

2014年2月22日 星期六

柞菜肉絲蒸菜心

一踏入冬季, 菜心就係最嫩同鮮甜, 但這幾天寒流襲港, 菜價都上升咗好多. 現在真係百物騰貴, 要準備一餐, 有時都慳唔到~~~~

菜心, 大家通常會炒同灼. 原來蒸係仲健康呢~~~係小高廚房 見到這個食譜, 剛巧雪櫃有柞菜, 就參照而作出修改. 這個簡單嘅家常餸, 煮法容易, 仲要肉汁滲入菜心, 口感味道更加豐富. 


柞菜肉絲蒸菜心 (2人份量)


材料:

菜心 半斤
柞菜  半個
免治豬肉  約$10
薑絲  1湯匙

2014年2月20日 星期四

海底椰雪耳百合豬展湯

當天氣持續寒冷, 除咗打邊邊, 仲可以飲啖滋潤嘅老火湯. 一睇個名就知道好潤呢~~~~~仲唔快D煲嚟飲!


海底椰雪耳百合豬展湯


材料:

海底椰 3錢
雪耳 1兩
百合 5錢
南北杏 1兩
無花果 4粒
豬展 6兩
薑片 3片


2014年2月19日 星期三

鴛鴦腸瑤柱蝦乾焗飯 (電飯煲版)

琴日嘅天氣真係可以用過山車嚟形容, 朝早至中午又暖又潮濕, 跟住, 中午過後, 氣溫開始降溫. 現在只有7度. 今日開始又要過番'扎糭'嘅日子. 試問依啲咁嘅天氣, 點會唔多人病呀? 所以大家一定要好好保重身體.

這麼凍嘅天氣點可以冇米器架? 電飯煲係時候又出場啦~~~~簡單又快捷係人都鍾意啦! 只需配上普通灼菜, 已經好滿足同健康.

2014年2月17日 星期一

枝竹甘庶羊腩煲

琴日天氣乍暖還寒, 感覺上都係寒冷, 可能陰天的關係. 不過, 過兩日又會再凍番. 係這段期間, 大家要注意身體. 因為我身邊有幾個朋友都病倒了!

見琴日仲有少少凍凍地, 就心思思想食羊腩煲. 因為太耐冇食過. 食完羊個身又會暖笠笠. 我仲一邊食, 一邊用羊腩汁嚟打邊邊, 真係好爽架~~~


枝竹甘庶羊腩煲  (3-4人份量)


材料:

羊腩 1斤半
冬菇  8隻
炸枝竹 3兩
馬蹄  半斤
薑片 4片
蒜頭 4粒
乾葱頭 3粒
陳皮 1小塊
甘庶 6兩
檸檬葉 3塊
香芹 1棵
蔥段 2棵
米酒 1湯匙
生菜 2棵


2014年2月13日 星期四

情人節朱古力蛋糕

十九年一遇情人節+元宵節,聽日就係啦, cici預先祝大家有惰人嘅甜甜蜜蜜, 幸福快樂, 永遠都咁sweet! 暫時未有情人嘅, 祝緣份快降臨, Mr. Right快D出現~~~~ 其實cici覺得有冇情人都好, 都可以係這個日子, 送上心意畀自己心目中重要嘅人~~

這個朱古力蛋糕食譜, 我係參照 小高廚房而作出修改.


朱古力蛋糕 (約10-12個份量) 


材料:

無糖可可粉 20克
砂糖 100克
雞蛋 2隻
原味乳酪(or 牛奶) 140克
泡打粉 4克
低筋麵粉 200克
無鹽牛油溶液  160克
入爐不溶朱古力粒 50克


2014年2月12日 星期三

情人節榛子脆脆朱古力

自從年初五之後, cici小廚房就開始發毛, 一嚟cici天氣咁凍懶筋出晒, 二嚟過年後cici小廚房未開過鑊. 眼見情人節快到, 今年決定親自整朱古力送畀至愛之餘, 順便上嚟清除小草.


情人節榛子脆脆朱古力

製作份量: 28-32粒


材料:

比利時58%黑朱古力 100g
榛子醬 20g
脆脆片 10g
朱古力脆珠 10g
OK朱古力筆




2014年2月4日 星期二

初五開工大吉- 南乳粗齋

今日已經係年初五, cici皆因年三十忙到年初四, 周圍拜年. 只是有心唔怕遲, 祝大家馬年快樂, 龍馬精神, 萬馬奔騰, 馬年行大運!


每逄年初一, 我都會返爸爸家拜年及食齌, 今年都唔例外. 自細好鍾意食祖母煮嘅南乳齋, 但自從她不在, 就由爸爸嚟煮. 雖然他始終煮唔到祖母嘅水準, 但我依然畀他100分! 我有幸年初三為一眾auntie下廚煮南乳齋, 嘻嘻~~~