這麼凍嘅天氣點可以冇米器架? 電飯煲係時候又出場啦~~~~簡單又快捷係人都鍾意啦! 只需配上普通灼菜, 已經好滿足同健康.
鴛鴦腸瑤柱蝦乾焗飯 (電飯煲版)
材料:
臘腸 1條
潤腸 1條
蝦乾 10隻
乾元貝 (大) 2隻或 乾元貝 (小) 8粒
米 2杯
薑絲 適量
做法:
1. 蝦乾用熱水浸軟, 浸蝦乾水留起備用.
2. 乾元貝用熱水浸軟撕成細絲或用攪拌機打成細絲, 浸乾元貝水留起備用.
3. 臘腸及潤腸洗淨, 切片備用. 薑刨皮切絲.
4. 米洗淨落飯煲內, 將浸蝦乾水及浸乾元貝水倒入飯煲內. (水份係平時正常的份量) 放入薑絲, 按正常煮飯功能.
5. 待飯煲水米水稍微滾起或飯煲蒸氣隔, 見稍微有蒸氣, 再加入剩餘所有材料放入煲内米飯面上, 然後關上煲蓋直至飯熟, 飯熟後唔好開蓋再焗10分鐘. 即成.
蒸飯熱熱的最啱寒冷天氣食^-^
回覆刪除Mei, 我一到寒冬日子就會蒸飯,快捷又方便。
刪除好吸引呢 ~ 尤其天氣一凍!今年第一次幫襯庸記買鵝肝腸,可惜病足仲未有機會試!
回覆刪除不過分左d比同事試話好香好好味,令我心思思想立即試。
小高,講開鏞記,以前在中環工作時候,都經常食佢嘅燒鵝飯。有幸都係這間酒家食過飯。相信佢嘅鵝肝腸,一定相當好味香口。你好番先可以試呀!
刪除臘腸好正呀,好o岩冬天食呀~~
回覆刪除水太太,食完真係成個人暖晒!
刪除係啦 , 我中午出街仲算熱 , 轉頭就開始翻風 , 今日又得番9度 真係玩 C 人 ><
回覆刪除Mandy, 那天的天氣真係玩死人,試問點會唔多人病呀?
刪除冬天食臘味飯補返數。
回覆刪除Sam, 冬天食臘味最啱時候。
刪除食咗就暖笠笠喇!
回覆刪除Litz, 食完真係好暖!
刪除