2014年2月19日 星期三

鴛鴦腸瑤柱蝦乾焗飯 (電飯煲版)

琴日嘅天氣真係可以用過山車嚟形容, 朝早至中午又暖又潮濕, 跟住, 中午過後, 氣溫開始降溫. 現在只有7度. 今日開始又要過番'扎糭'嘅日子. 試問依啲咁嘅天氣, 點會唔多人病呀? 所以大家一定要好好保重身體.

這麼凍嘅天氣點可以冇米器架? 電飯煲係時候又出場啦~~~~簡單又快捷係人都鍾意啦! 只需配上普通灼菜, 已經好滿足同健康.





鴛鴦腸瑤柱蝦乾焗飯 (電飯煲版)


材料:

臘腸 1條
潤腸 1條
蝦乾 10隻
乾元貝 (大) 2隻或 乾元貝 (小) 8粒
米 2杯
薑絲 適量



做法:

1. 蝦乾用熱水浸軟, 浸蝦乾水留起備用.
2. 乾元貝用熱水浸軟撕成細絲或用攪拌機打成細絲, 浸乾元貝水留起備用.
3. 臘腸及潤腸洗淨, 切片備用. 薑刨皮切絲.
4. 米洗淨落飯煲內, 將浸蝦乾水及浸乾元貝水倒入飯煲內. (水份係平時正常的份量) 放入薑絲, 按正常煮飯功能.
5. 待飯煲水米水稍微滾起或飯煲蒸氣隔, 見稍微有蒸氣, 再加入剩餘所有材料放入煲内米飯面上, 然後關上煲蓋直至飯熟, 飯熟後唔好開蓋再焗10分鐘. 即成.


這裡LIKE吓我的Facebook Page支持呀~





12 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 蒸飯熱熱的最啱寒冷天氣食^-^

    回覆刪除
    回覆
    1. Mei, 我一到寒冬日子就會蒸飯,快捷又方便。

      刪除
  2. 好吸引呢 ~ 尤其天氣一凍!今年第一次幫襯庸記買鵝肝腸,可惜病足仲未有機會試!
    不過分左d比同事試話好香好好味,令我心思思想立即試。

    回覆刪除
    回覆
    1. 小高,講開鏞記,以前在中環工作時候,都經常食佢嘅燒鵝飯。有幸都係這間酒家食過飯。相信佢嘅鵝肝腸,一定相當好味香口。你好番先可以試呀!

      刪除
  3. 臘腸好正呀,好o岩冬天食呀~~

    回覆刪除
  4. 係啦 , 我中午出街仲算熱 , 轉頭就開始翻風 , 今日又得番9度 真係玩 C 人 ><

    回覆刪除
    回覆
    1. Mandy, 那天的天氣真係玩死人,試問點會唔多人病呀?

      刪除