菜心, 大家通常會炒同灼. 原來蒸係仲健康呢~~~係小高廚房 見到這個食譜, 剛巧雪櫃有柞菜, 就參照而作出修改. 這個簡單嘅家常餸, 煮法容易, 仲要肉汁滲入菜心, 口感味道更加豐富.
柞菜肉絲蒸菜心 (2人份量)
材料:
菜心 半斤
柞菜 半個
免治豬肉 約$10
薑絲 1湯匙
調味料:
生抽 1湯匙
糖 半茶匙
生粉 3/4 茶匙
油 1湯匙
麻油 少許
胡椒粉 少許
做法:
1. 柞菜用清水浸一會, 洗淨, 切片.
2. 免治豬肉洸淨, 加入薑絲同調味拌勻, 備用.
3. 菜心去花, 洗淨, 放入已加油的沸水中煮至5成熟 (約1 - 1 1/2分鐘)盛起, 置在碟上.
4. 將梅菜同免治豬肉鋪放於菜心上, 隔水以大火蒸3分鐘, 即成.
我喜歡呢個餸,簡單又健康。
回覆刪除Money, 係呀,家常餸愈簡單愈好。(啱我依啲懶人)
刪除齋睇都好得!
回覆刪除Litz, 唔洗齋睇,實行即刻煮啦!
刪除我曾經o係茶餐廳食過呢個餸,但係佢勁少炸菜勁少肉,d 菜勁清囉~~ 但見小高你呢個咁多炸菜同肉,應該好食好多﹗又夠健康~~!!
回覆刪除sorry..... 打錯左... 係ceci~~ >_<
刪除水太太,其實我都係參照小高個食譜修改嘅。我只係諗到菜心吸咗啲肉汁,會好味好多。
刪除嘩,好別緻的菜式喎,咁特別既第一次見.簡單得來又好味惹味.讚呀
回覆刪除小女人,多謝。我都係見到小高整,咁健康嘅菜式,我又試吓整。仲要咁簡單,啱我懶人呀!
刪除搵日我又試下先!
回覆刪除卡晏e, 試咗未呀?
刪除蒸菜心又幾特別喎!
回覆刪除地地,依個餸又有肉又有菜,啱晒有小朋友屋企食呀!
刪除炒菜心吃得多,換換煮法,口味煥然一新!正 ~
回覆刪除小高,多謝你嘅食譜,真係好好味!! 正~~~
刪除