2014年2月24日 星期一

鑊氣街坊小館 - 耀哥小廚

大圍四周村屋林立, 附近亦有些住家改為餐廳, 飯店或是士多之類, 同區的生昌做得如此出色, 就知道這裡競爭不少.  每次經過耀哥, 總看到一大班喝啤酒的男子漢或是一家大小坐在門外的兩張大枱, 看來頗受街坊歡迎, 亦都挑起我對這間小廚的興趣.

琴日見自己精神同心情都不佳, 搞到唔想下廚, 就把心一橫決定去這間小廚食飯. 希望有美食, 能令我嘅心情好些.

當到達耀哥小廚門口, 已經剩下一張檯, 有些食客已經坐在出面. 我和家人坐在這張空檯, 後來先發覺原來係有兩層嘅, 人流源源不絕, 亦都有些附近嘅村民的外賣, 相信假期十分旺埸. 翻開餐牌看看,價錢一點不貴,一句話 "街坊價"!

點菜才知道, 每樣食材都預算足夠份量, 賣清就算, 唔會留作第二日. 聽到老闆娘講, 如想食一些食材, 可以打電話先預訂, 他們會預先張羅.

我點了3個菜, 本想點什菜煲, 竟然話唔夠什菜, 冇得order, 真誇張.



第一道菜 - 黃金鮮魷: 咸蛋黃醬粉掛得平均,將魷魚緊緊包裹,而且油份瀝得清,碟底不會有太多油,又夠香口,不錯.


第二道菜 - 三蔥爆肉排: 肉排煎得十分香脆, 肉質好腍, 一點也不靭. 用洋蔥, 蔥段, 乾蔥吸晒D汁, 好惹味, 難怪我可以連洋蔥, 蔥段, 乾蔥全部食晒.



第三道菜 - 錦江海鮮豆腐煲:這個比較失色, 一來煲上檯唔係全熱, 煲內只得西藩花, 蝦仁, 鮮魷魚塊及豆腐, 數量不多. 只是一個十分普通的煲仔菜.


總括來說, 小店出品水準是屬於中上, 基本上是滿意的, 特別是埋單只不過$197, 無加一, 無茶錢, 平得出奇. 都會令人會再來encore! (因為食飯當中, 見到小店的梅菜扣肉都很有水準). 如果將失手菜色改進, 那就更滿意了.



耀哥小廚
地址: 大圍上徑口村顯田村117號地下
電話: 2604 6966

這裡LIKE吓我的Facebook Page支持呀~

14 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 回覆
    1. EE, 除咗個煲仔菜,其餘兩樣都好夠镬氣! 可以再encore~~

      刪除
  2. 大圍真係有好多好嘢食,睇到我流哂口水啦!

    回覆刪除
    回覆
    1. 小高,唔洗流口水啦,快啲過嚟大圍食 XXD

      刪除
  3. 我每年返香港都會幫襯!確係唔錯!

    回覆刪除
  4. 好吸引呀,好想試吓黃金魷魚 ︿︿

    回覆刪除
  5. 回覆
    1. Sam, 鋪頭細細,但真係幾夠镬氣。

      刪除
  6. 多謝你分享,食物看照片未能睇到油唔油呀?鹹唔鹹呢?我都想去試,近火車站嗎?謝謝CiCi好介紹呀.

    回覆刪除
    回覆
    1. 小女人,係唔油呀,唔會食到成口油,亦都唔咸。如果你嚟去到大圍轉803k專線小巴。

      刪除
  7. 我記得嗰邊有間潮州嘢~多人到爆~~~

    回覆刪除
    回覆
    1. 黃師奶,果然好記性。嗰間潮州嘢叫生昌,平日都好多人,假期仲更加唔洗諗。如果唔想等位,要早到6點食囉。因為咁,我已經好耐冇去囉!

      刪除