琴日見自己精神同心情都不佳, 搞到唔想下廚, 就把心一橫決定去這間小廚食飯. 希望有美食, 能令我嘅心情好些.
當到達耀哥小廚門口, 已經剩下一張檯, 有些食客已經坐在出面. 我和家人坐在這張空檯, 後來先發覺原來係有兩層嘅, 人流源源不絕, 亦都有些附近嘅村民的外賣, 相信假期十分旺埸. 翻開餐牌看看,價錢一點不貴,一句話 "街坊價"!
點菜才知道, 每樣食材都預算足夠份量, 賣清就算, 唔會留作第二日. 聽到老闆娘講, 如想食一些食材, 可以打電話先預訂, 他們會預先張羅.
我點了3個菜, 本想點什菜煲, 竟然話唔夠什菜, 冇得order, 真誇張.
第一道菜 - 黃金鮮魷: 咸蛋黃醬粉掛得平均,將魷魚緊緊包裹,而且油份瀝得清,碟底不會有太多油,又夠香口,不錯.
第二道菜 - 三蔥爆肉排: 肉排煎得十分香脆, 肉質好腍, 一點也不靭. 用洋蔥, 蔥段, 乾蔥吸晒D汁, 好惹味, 難怪我可以連洋蔥, 蔥段, 乾蔥全部食晒.
第三道菜 - 錦江海鮮豆腐煲:這個比較失色, 一來煲上檯唔係全熱, 煲內只得西藩花, 蝦仁, 鮮魷魚塊及豆腐, 數量不多. 只是一個十分普通的煲仔菜.
總括來說, 小店出品水準是屬於中上, 基本上是滿意的, 特別是埋單只不過$197, 無加一, 無茶錢, 平得出奇. 都會令人會再來encore! (因為食飯當中, 見到小店的梅菜扣肉都很有水準). 如果將失手菜色改進, 那就更滿意了.
耀哥小廚
地址: 大圍上徑口村顯田村117號地下
電話: 2604 6966
好鑊氣呀
回覆刪除EE, 除咗個煲仔菜,其餘兩樣都好夠镬氣! 可以再encore~~
刪除大圍真係有好多好嘢食,睇到我流哂口水啦!
回覆刪除小高,唔洗流口水啦,快啲過嚟大圍食 XXD
刪除我每年返香港都會幫襯!確係唔錯!
回覆刪除Litz, 原來係同道中年,哈哈!
刪除好吸引呀,好想試吓黃金魷魚 ︿︿
回覆刪除Mandy, 食完好想試吓係屋企自家製
刪除街坊小店最要鑊氣。
回覆刪除Sam, 鋪頭細細,但真係幾夠镬氣。
刪除多謝你分享,食物看照片未能睇到油唔油呀?鹹唔鹹呢?我都想去試,近火車站嗎?謝謝CiCi好介紹呀.
回覆刪除小女人,係唔油呀,唔會食到成口油,亦都唔咸。如果你嚟去到大圍轉803k專線小巴。
刪除我記得嗰邊有間潮州嘢~多人到爆~~~
回覆刪除黃師奶,果然好記性。嗰間潮州嘢叫生昌,平日都好多人,假期仲更加唔洗諗。如果唔想等位,要早到6點食囉。因為咁,我已經好耐冇去囉!
刪除