2014年3月26日 星期三

小棠菜苗炒素雞

馬航事件失蹤十幾日, 終於帶嚟不幸的消息, 大馬首相宣佈航機已經係南印度洋墜毀, 無人生還. 不過, 這件事依然太多疑團, 懸疑. 為何殘骸, 屍體仲未搵到, 已經好肯定會知道航機墜毀, 無人生還. 背後係咪有咩陰謀, 真相而對外隱瞞呢......希望大馬首相公開真相, 解開疑團.  特意奉上素菜, 為航機上所有人祈禱.

之前出深水埗, 當然會去樹記入貨啦. 素雞就係出自樹記出品, 難得買到小棠菜苗, 菜苗的甜加上素雞的豆香, 咁健康的餸, 令一向唔食素雞的家人, 都食唔停口~~~



2014年3月24日 星期一

平價野心豆花米線-豆花妹米線

三色台的"我要做老闆"唔知大家有冇睇呢? 第一集, 有兩位仁兄上節目去追尋夢想, 結果真係成功開鋪. 本想上星期一試, 但係那天竟然休息, 唯有推至琴日去品嚐. 一到埗已經見到好多人圍著鋪頭, 心諗一定要等好耐啦. 點知, 原來有D人去排隊買, 有D人係等叫號碼攞嘢食.




2014年3月22日 星期六

滑蛋炒洋蔥牛肉

琴日睇新聞, Benz女單新聞都幾爆, 除咗睇到Benz女有幾惡, 恃住自己的背景, 以為自己控制所有嘢. 不過, 佢預計錯現在科技發達, 有人拍片, 自然會放上網. 佢咁嘅行為點會引起人注意呀~~~最終, 佢因為條片而被警方拘捕, 証明惡唔係大晒, 仲有法治架.

炒滑蛋, 雖聽係好簡單的餸, 但係愈簡單愈難炒得靚. 除咗時間上掌握, 仲有秘訣嘅.


2014年3月21日 星期五

蜜糖芥末醬炆牛肋條伴泰國粉絲

相信大家小時候每日放學後都係睇'430穿梭機'成長. 早幾日見到報導話三色台想將譚玉瑛姐姐從主持轉做顧問, 變相減薪. 聽到這個消息, 覺得三色台做法好殘忍. 譚玉瑛姐姐由節目開台做到而家, 她只為主帶畀小朋友歡樂, 亦想有份穩定工作. 雖則明白長江後浪推前浪, 但冇理由見人差不多約滿, 就續約變相減薪. 其實三色台除咗烹飪; 飲食節目, 其他節目都已經好少睇囉, 加上淘視事件更令我覺得三色台霸道.

牛肋條大家多數會諗到韓式, 其實用上其他醬料配搭, 味道依然咁吸引. 用它的醬汁撈泰國粉絲, 更令人食唔停口. 我好喜歡泰國粉絲, 它煮起都仲煙'un', 唔會'lum pat pat'.




2014年3月19日 星期三

杞子圓肉浸菠菜

當胃口不佳或食得多肥膩嘢, 食番清淡D, 有時當喚醒味蕾, 清理腸胃亦不為過. 這個菜除咗係一個素菜, 最主要係唔需任何食油. 運用薑片同圓肉去除波菜的澀味, 非常健康.





2014年3月17日 星期一

LC無水灼赤米蝦 - LC 22cm Buffet

大家有冇贂新聞呀? 之前有兩女係台灣租堅大肆破壞. 簡直係「香港之恥」. 最終都係台南落網被捕. 最令我憤怒係, 佢哋一點悔意都冇, 仲要意圖將責任推卻. 為何現在的年輕人會這樣? 係社會的錯令到她們變成咁, 替將來的香港覺得可悲.

赤米蝦, 過年後至四月係最當做. 舊年已經一嚐, 它的味道鮮甜無比, 而帶點咸香. 今年當然會encore啦! 不過, 價錢比舊年貴咗不少. 舊年大約$48-56/斤, 今年就要$80/斤. 用上LC嚟無水灼能夠保持赤米蝦的原汁鮮味,yummy~~~


2014年3月16日 星期日

杞子枸杞豬潤瘦肉湯


春天天氣潮濕, 近期係咪容易覺得疲倦, 瞓幾多都好似唔夠呢? 如果係的話, 嚟一碗枸杞湯. 枸杞春秋最當造, 配搭豬潤同杞子, 養肝腎; 明目; 補血. 正是啱晒潮濕天氣飲用.



嗰日係街市見到本地種的枸杞, 好嫩綠, 每塊葉都好大塊, 即刻豪不猶豫買咗半斤! 新界種植, 味道果然唔同, 煲出嚟湯水濃郁, 枸杞微苦甘香的味道十分重.




2014年3月11日 星期二

淮山杞子雪耳海參湯

當人漸大, 愈來愈覺得需要保養身體. 除咗比以前較注意飲食, 保養湯水亦少不了. 最緊要經常保持開朗樂觀的心情, 自然會有好多正能量.


保養湯水, 我間中會煲雪耳, 海參, 花膠的湯水. 因為這些食材膠質重, 非常有益,常用能令皮膚光潔細嫩.



2014年3月10日 星期一

老少平安

大家相信都有留意馬航失蹤事件, 已經過咗幾日, 事情都唔係咁樂觀, 但總希望有奇蹟出現. 祈願機上所有人都平安回來. 特別為所有人送上'老少平安', 希望大家都平安, 珍惜眼前人.


老少平安是一道傳統的家常餸. 這道餸材料簡單, 做法簡單, 煮法亦非常簡單. 因為冇骨又軟棉棉的關係, 無論係老人家定係小朋友, 都食得好安心同好開心.

為咗豐富我的味覺, 我加咗蝦米入去, 將整碟餸香味同口感更加不少.


2014年3月7日 星期五

LC無水腐乳蒸雞翼

做個煮婦實在唔容易, 每日要費周章去諗煮咩餸, 仲要係我哋一班上班一族, 放工仲要去街市買餸, 所以, 雪櫃一定要有D儲備, 雞翼一定少不了.


用上LC來無水蒸, 簡單快捷, 雞翼十分入味又不會過熟, 而且非常嫩滑, 味道不會被普通蒸餸的 "倒汗水"而令個汁沖淡.




2014年3月6日 星期四

節瓜咸蛋肉片湯

每當我有點胃口不佳, 而又唔想煮飯, 就喜歡煮一些快捷簡單的湯水. 除咗之前的粟米豆腐蛋花湯, 這個湯亦都係其中. 有瓜, 有肉, 又有清甜的湯水, 加隻咸蛋, 仲提升湯的味道.



2014年3月5日 星期三

金錢馬蹄餅

剛過去星期日的'吾淑吾食' 唔知大家有冇睇呢? 因為嗰集之後, 這幾天大家都爭相去煮裡面的菜色. 飲食節目, 我本身喜愛觀看, 吾淑吾食' 更加會追看, 因為GIGI姐煮嘢最家常, 實際. 每次我睇到有自己喜愛的菜色, 就只會記住材料, 調味同煮法就靠自己的經驗去煮. 其實, 煮食就是這樣子, 變化往往靠自己的經驗. 當然, 偶有失敗的時候, 從中吸收經驗, 終會成功.


這個餸菜係我之前睇'都市閒情' Annie師傅, 而作參考. 她煮嘢亦都係最家常, 實際, 唔知大家都有冇睇呢?


金錢馬蹄餅


材料:


馬蹄 6粒 (100克)
蝦仁 200克
免治豬肉 100克
芫茜 1茶匙 (切碎)
蔥 1湯匙 (切碎)


2014年3月4日 星期二

草菇瑤柱扒豆苗

冬天已經漸近尾聲, 即代表豆苗亦差不多到尾水啦~~~~為咗唔想等到下一個冬天先可以再品嚐, 就拿拿臨食多一次.


通常大家煮瑤柱扒豆苗, 都會用蠔油獻, 但始終會有少少漏的感覺, 換上玻璃獻, 就比較清淡.


草菇瑤柱扒豆苗 (2人份量)


材料:

瑤柱 5-6 粒
豆苗 半斤
草菇 4兩
薑 3片

2014年3月3日 星期一

悠閒的小地方 - M18

琴日本來約咗朋友係旺角食lunch, 但係奈何每月生理問題. 旺角都覺得遠, 最後去咗比較近的樂富, 選擇這間cafe係因為之前係'飲食男女'見到阿SO的食評, 想來一試.