草菇瑤柱扒豆苗

冬天已經漸近尾聲, 即代表豆苗亦差不多到尾水啦~~~~為咗唔想等到下一個冬天先可以再品嚐, 就拿拿臨食多一次.


通常大家煮瑤柱扒豆苗, 都會用蠔油獻, 但始終會有少少漏的感覺, 換上玻璃獻, 就比較清淡.


草菇瑤柱扒豆苗 (2人份量)


材料:

瑤柱 5-6 粒
豆苗 半斤
草菇 4兩
薑 3片




獻汁:

雞粉 1湯匙
生粉 1茶匙
瑤柱水 2湯匙
麻油 少許
胡椒粉 少許


做法:

1. 先將草菇用濕布抹淨, 汆水, 作伴碟備用.
2. 瑤柱用水浸軟, 撕成絲, 瑤柱水留起備用.
3. 豆苗洗淨, 燒熱油鑊爆香薑片後, 將豆苗炒熟上碟.
4. 再另起油鑊, 將瑤柱爆香後, 加入獻汁, 開始收汁, 熄火, 淋上豆苗即成.

按這裡來LIKE吓我的Facebook Page支持呀~