老少平安是一道傳統的家常餸. 這道餸材料簡單, 做法簡單, 煮法亦非常簡單. 因為冇骨又軟棉棉的關係, 無論係老人家定係小朋友, 都食得好安心同好開心.
為咗豐富我的味覺, 我加咗蝦米入去, 將整碟餸香味同口感更加不少.
材料:
軟豆腐或布包豆腐 1件
鯪魚肉 4兩 (約150克)
蝦米 2湯匙
雞蛋 1隻
蔥粒 2湯匙
生抽 1湯匙
麻油 少許
調味料:
生粉 1/2茶匙
胡椒粉 少許
麻油 少許
做法:
1. 將鯪魚肉加入調味料, 順一個方向拌勻.
2. 蝦米浸軟後切碎.
3. 豆腐用湯匙壓爛, 加入鯪魚肉, 1湯匙蝦米, 再加入雞蛋撈勻, 放上碟鋪平. 將剩餘的蝦米灑上面.
4. 大火隔水蒸8分鐘, 剩餘1分鐘灑上蔥粒後取出, 小心倒出多餘水份.
5. 淋上生抽及麻油, 即成.
我愛這個撈飯呢
回覆刪除琴晚食都破例食咗飯,哈哈! (平時我係唔食飯嘅)
刪除希望會有奇蹟會發生,願平安歸來!
回覆刪除小高,真係咁多災難發生,但願他們平安歸來!
刪除希望飛機乘客可以回家。這件事十分撲朔迷離
回覆刪除Sam, 其實成件事都好鬼異,只想機上所有人平安無事。
刪除時間越耐,揾到生還者嘅機會就越渺茫!聽到都好 Sad !
回覆刪除Litz, 到而家都未有消息,真係令人擔心同傷感!
刪除冇錯,要珍惜眼前人!
回覆刪除我成日都想整呢個餸,不過我唔係好信呢度(美國)賣㗎魚肉,所以仲未整過。
地地,除咗珍惜眼前人,亦都珍惜所有。
刪除其實我好唔明白點解會唔見咗??搵都搵唔到少少碎件呢個先奇~
回覆刪除點都好~希望冇事啦~!
黃師奶,成件事都好鬼異,有好多個問號。只想機上所有人平安無事。
刪除