2014年3月24日 星期一

平價野心豆花米線-豆花妹米線

三色台的"我要做老闆"唔知大家有冇睇呢? 第一集, 有兩位仁兄上節目去追尋夢想, 結果真係成功開鋪. 本想上星期一試, 但係那天竟然休息, 唯有推至琴日去品嚐. 一到埗已經見到好多人圍著鋪頭, 心諗一定要等好耐啦. 點知, 原來有D人去排隊買, 有D人係等叫號碼攞嘢食.







由排隊到領取到食物時間約20分鐘, 我嗌咗「豆花妹米線」 (小辣)及兩個小食. 憑一碗米線, 可以另加$5試食一款小食, 所以我就加咗「干撈辣豬耳」和「輝哥雞翼」. 「豆花妹米線」的醬的確濃味和入味, 濃濃的蒜香, 麻辣油, 加上麻辣的肉碎與米線和豆腐一起食用, 味道咸中有點油, 但唔係太麻辣! 花生、肉碎和豆腐的確是豐富了口感, 但因為豆腐無想像中的那麼滑, 米線也無想像中的爽口和彈牙, 只感到滑. 因此味道也沒有令我想有再食的衝動.



至於小食方面, 「干撈辣豬耳」, 一點辣味都冇, 沒有什麼特別. 「輝哥雞翼」, 是將雞翼一份為二而成, 但味道只有咸香及莞茜的香味, 感覺都係冇咩任何驚喜.


或者我對「豆花妹米線」有期望過, 所以食後有點失望而回的感覺, 言而, 依然希望它有進步的空間.

有一點大家要注意, 鋪係無坐位, 堂食係在馬路旁食, 或外賣帶走.






豆花妹撈米線

地址: 深水埗欽州街57-63號冠奇大廈地下4號舖
營業時間: 星期一至日: 12:00-14:30; 16:30-21:00
每人消費: $40以下

20 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 我上網睇見到好多人咁喎!~不過見d 人 個comment 話未必會食第2次~~

    回覆刪除
    回覆
    1. 黃c9, 電視效應又新開, 預咗會多人. 不過, 食完, 真係唔會再encore.

      刪除
  2. 我有睇呀!我覺得呢套節目幾好,幫助一班志創業的朋友,就算唔成功取走動創業基金都可當作宣傳,唔駛離離去去都係果d節目。btw 味道如何?

    回覆刪除
    回覆
    1. 小高, 其實我都覺得這個節目幾好, 帶到一D正面的訊息. 不過, 試食完覺得好普通的撈米線+豆腐, 味道真係冇咩特別, 但都希望佢哋會有進步的空間

      刪除
  3. 香港租金超貴,唯有無堂食!

    回覆刪除
    回覆
    1. Litz, 小本經營, 仲要係剛起埗, 一定要犧牲堂食.....

      刪除
  4. 今次我在香港都食過幾次米缐。有機會去深水埗都會試試。

    回覆刪除
  5. 回覆
    1. 雀后, 真係唔好睇少D電視效應 ::ww6006

      刪除
  6. 我見賣相麻麻,都係電視效應,不過,有時都不妨支持下小店

    回覆刪除
    回覆
    1. EE, 食過真係覺得不外如是 不過, 見新開張, 所以好支持吓

      刪除
  7. 回覆
    1. Mei, 我都怕只係一股熱潮, 希望他們會有辦法去KEEP住熱潮.

      刪除
  8. 我都有睇呢一集,不過睇電視的時候毫無衝動想去試

    回覆刪除
    回覆
    1. Elaine, 我就係想試吓,係咪真係講到咁好味。不過,試完覺得冇咩特別,果然真係電視效應

      刪除
  9. oh ~ 咁我可以唔水特登去試 ^^

    回覆刪除
    回覆
    1. Mandy, 經過去食就ok, 但專誠去就不必啦。

      刪除