由排隊到領取到食物時間約20分鐘, 我嗌咗「豆花妹米線」 (小辣)及兩個小食. 憑一碗米線, 可以另加$5試食一款小食, 所以我就加咗「干撈辣豬耳」和「輝哥雞翼」. 「豆花妹米線」的醬的確濃味和入味, 濃濃的蒜香, 麻辣油, 加上麻辣的肉碎與米線和豆腐一起食用, 味道咸中有點油, 但唔係太麻辣! 花生、肉碎和豆腐的確是豐富了口感, 但因為豆腐無想像中的那麼滑, 米線也無想像中的爽口和彈牙, 只感到滑. 因此味道也沒有令我想有再食的衝動.
至於小食方面, 「干撈辣豬耳」, 一點辣味都冇, 沒有什麼特別. 「輝哥雞翼」, 是將雞翼一份為二而成, 但味道只有咸香及莞茜的香味, 感覺都係冇咩任何驚喜.
或者我對「豆花妹米線」有期望過, 所以食後有點失望而回的感覺, 言而, 依然希望它有進步的空間.
有一點大家要注意, 鋪係無坐位, 堂食係在馬路旁食, 或外賣帶走.
地址: 深水埗欽州街57-63號冠奇大廈地下4號舖
營業時間: 星期一至日: 12:00-14:30; 16:30-21:00
每人消費: $40以下
我上網睇見到好多人咁喎!~不過見d 人 個comment 話未必會食第2次~~
回覆刪除黃c9, 電視效應又新開, 預咗會多人. 不過, 食完, 真係唔會再encore.
刪除我有睇呀！我覺得呢套節目幾好，幫助一班志創業的朋友，就算唔成功取走動創業基金都可當作宣傳，唔駛離離去去都係果d節目。btw 味道如何？
回覆刪除小高, 其實我都覺得這個節目幾好, 帶到一D正面的訊息. 不過, 試食完覺得好普通的撈米線+豆腐, 味道真係冇咩特別, 但都希望佢哋會有進步的空間
刪除香港租金超貴，唯有無堂食！
回覆刪除Litz, 小本經營, 仲要係剛起埗, 一定要犧牲堂食.....
刪除今次我在香港都食過幾次米缐。有機會去深水埗都會試試。
回覆刪除Sam, 襯你仲係HK, 一定要一試吓啦.
刪除電視效應威力大呀!
回覆刪除雀后, 真係唔好睇少D電視效應 ::ww6006
刪除回港必試呢
回覆刪除Katie, 返嚟一試都無坊. ::oo2012
刪除我見賣相麻麻，都係電視效應，不過，有時都不妨支持下小店
回覆刪除EE, 食過真係覺得不外如是 不過, 見新開張, 所以好支持吓
刪除我怕都係一陣熱潮啫！
回覆刪除Mei, 我都怕只係一股熱潮, 希望他們會有辦法去KEEP住熱潮.
刪除我都有睇呢一集,不過睇電視的時候毫無衝動想去試
回覆刪除Elaine, 我就係想試吓，係咪真係講到咁好味。不過，試完覺得冇咩特別，果然真係電視效應
刪除oh ~ 咁我可以唔水特登去試 ^^
回覆刪除Mandy, 經過去食就ok, 但專誠去就不必啦。
刪除