2014年3月3日 星期一

悠閒的小地方 - M18

琴日本來約咗朋友係旺角食lunch, 但係奈何每月生理問題. 旺角都覺得遠, 最後去咗比較近的樂富, 選擇這間cafe係因為之前係'飲食男女'見到阿SO的食評, 想來一試.




這間"M18"其實是屬於美心旗下的, 走比較中價路線的餐廳. 一踏入門口已經見到有售賣麵包; 甜品; 蛋糕; 酥餅, 款式颇多. 我亦被佢的甜品吸引住. 雖則環境不算很大, 堂食的坐位不多,
但整潔與優雅也可混為一談. 這裡是先搵位, 後購票. Lunch set可以分成七種, 並配以咖啡及茶. 如要升級加上餐湯或特別飲品, 每款需另加$6.







我第一時間選擇咗All  Day Brakfast, 加餐湯及熱朱古力, 而我朋友就選擇咗煙三文魚磨菇意粉, 加餐湯及凍咖啡.



這裡的食物係即叫即煮, 所以購票後都要等一段短時間. 首先, 送上餐湯及飲品. 這裡的餐湯得一種選擇 - 蕃茄濃湯. 聽聞係用有機蕃茄來煮, 它的濃郁的蕃茄香味, 而帶點蕃茄的酸味. 我本人覺得平平無奇, 而我朋友因為頂不住蕃茄的酸味, 所以完全唔欣賞.







煙三文魚磨菇意粉. 這個意粉令我另眼相看. 沒有預算一間麵包店做出這麼有水準出色. 雖則擺款賣相沒有什麼刻意, 但入口水準已相當到家. 濃郁的忌廉汁掛滿於每一條意粉上, 質感柔韌, 好有口感. 而煙三文魚也是毫不輕手, 咸香之煙三文魚混入忌廉上, 加添一份惹味, 再配上新鮮白菌(一般餐廳大多以礶頭磨菇待製), 已經令人會急不及待將這碟意粉族送入口中. 最為令我加分便是廚師完全唔吝嗇落足用料, 用上新鮮食材而成本上已加重了, 都算是肯落本, 絕對收貨!



All Day Breakfast. 因為有前車之鑑, 比較下會令All Day Breakfast失色少許. All Day Breakfast有蕃茄; 磨菇; 煙肉, 英倫腸; 煎蛋及多士. 多士係熱拱拱, 加上牛油已經令牛油溶入多士便知道. 多士十分鬆軟, 連麵包皮都是. 平時唔食麵包皮的我, 都KO埋.  英倫腸都頗有水準, 可以同其他比較出色嘅all day breakfast睇齊. 磨菇就不用再多講啦! 反而, 煙肉, 煎蛋及蕃茄只可以說保持水準, 沒有太大驚喜.


飲品方面- 咖啡, 因我唔飲的關係, 從朋友得知, 說OK. 而我杯熱朱古力, 濃濃的朱古力味, 十分濃郁, 估計一月好好飲. 點知一入口, 太甜啦~~~~下次, 一定要走甜囉!!


本想再試試它的甜品, 但奈何肚子已經容納唔到, 唯有留待下次吧! 臨走時, 見到有廚師, 即埸製作蛋糕或甜品畀大家觀賞, 用心嘅程度令我再加點分.



整體而言, 以這個價錢 (不收加一), 舒適度及品質, (剔開咖啡), 個人認為尚算不錯, 值得推介.



M18
地址: 樂富聯合道198號樂富廣場地下L103-104號舖
電話: 2337 3618
營業時間: 星期一至五: 07:00-22:00
星期六至日及公眾假期: 07:30-22:00
每人平均消費: $65

這裡LIKE吓我的Facebook Page支持呀~


12 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 呢間嘢我睇住佢開,曾經朝早想去試早餐,但好貴,你個ALL DAY BREAKFAST點解無茄汁豆嘅???

    回覆刪除
    回覆
    1. MOONmoon, 我諗lunch set個價錢比較 acceptable,. 你知嗎,好彩冇茄汁豆,因為我唔食嘅。

      刪除
  2. 唔講也不知是美心旗下呢!

    回覆刪除
    回覆
    1. Katie, 它放係門口嘅menu已經有標明係美心旗下。

      刪除
  3. 真係唔錯喎!!! 好介紹!
    佢有冇cake set? 如果食件餅, 飲柸野, 一位唔知幾銀呢??

    回覆刪除
    回覆
    1. 有希,間cafe真唔錯。應該可以order cake + drink, 價錢應該係$40-$50, 因為它一般的價錢都唔貴。

      刪除
  4. 我都唔知美心旗下有間 M18!

    回覆刪除
    回覆
    1. Litz, 我都係睇阿so的食評先知道這間M18.

      刪除
  5. 其實我覺得美心旗下有些餐廳水準不錯架,不過大多以中菜為主,好少變化,呢間有機會都要去試下先!^^

    回覆刪除
    回覆
    1. 小高,話過你知,本身諗住係去茶木架。點知,陰差陽錯,去咗 M18。嘻嘻~~~~

      刪除
  6. 家下好多鋪都係美心o既~細的小鋪都已經冇哂咁

    回覆刪除
    回覆
    1. 黃師奶,一早畀啲集團攞晒嚟做,特色小店真係買少見少。

      刪除