2014年4月30日 星期三

香矛蜜糖焗雞翼

今日係假期,大家有咩好去處呢?cici會利用這個假期去陪屋企人飲茶再下廚。因為這幾天cici因為抱恙, 所以比較懶惰,冇煲過湯。好掛住自家啲湯水呀! 

係街市見到D香矛好新觧, 而剛剛冰格又有雞翼,又係清雪櫃大行動啦! 焗完出嚟, 成個廚房都好香.

2014年4月29日 星期二

老牌腐竹王-樹記腐竹結業

對我哋這些愛煮食的人,琴日收到一個震撼;傷感;可惜的消息! 樹記將會營業至四月三十日,原因係因為兄弟內訌,意見不合,所以拆夥。這個真係令人傷感的消息,父親留下的祖業,往往因為股權;金錢利益關係而令兄弟反目,繼而拆夥,令多年的祖業毀於一旦。相信大家有食過樹記的出品,都會被它的豆香及滑深深吸引。樹記所有腐竹產品,cici都好喜愛,亦已經沒有再食其他店的腐竹產品。樹記結業後,cici 都不知何去何從去買腐竹產品囉!


2014年4月25日 星期五

豆乾火腿燴黃芽白

今日的天氣天陰陰,落起毛毛雨,真係同復活節假期那四天完全唔同,突然諗起"情深深,雨濛濛"。係咪好有詩意呢?嘻嘻!

這種天氣,令人提不起勁,自然想食點清淡菜式。最近,見到啲黃芽白好靚,好漲卜卜。用嚟煮清淡菜式最好不過。


2014年4月22日 星期二

復活節假期打邊邊

琴日假期最後一日, 大家係咪覺得假期過得特別快呢? 假期最後一日, 選擇同屋企人過. 因為我姪女這個星期六生日, 我哋提早同佢慶祝. 小朋友正日當然要同自己嘅小朋友仔開party慶祝.

我這個姑媽, 係這個星期應該會過得好充實, 事緣我會幫生日party會做幾款食物. 其實, 我依家開始有D緊張啦, 恐怕應付不下.

講番打邊邊, 永遠都覺得係屋企最舒服. 只不過, 洗, 切預備時間需時.



2014年4月21日 星期一

Yonanas健康甜品機

天氣逐漸開始熱, 又係食雪糕的時候啦~~~ ::mm1491  cici舊年都買咗雪糕機, 但係製造過程有點難掌握, 加上製造雪糕必定離不開忌廉、牛奶、雞蛋. 每次食完都好後悔. 試問有邊個女性唔怕肥架? ::vv4070

不過, 只要有Yonanas, 就唔需要擔心這個問題啦! Yonanas這部機做法方便又簡單, 收藏又方便. 只需要將新鮮生果放進雪櫃冰格結成冰, 然後直接放入部機度, 出番嚟就係好creamy的雪糕. 最主要係這種雪糕非常健康. ::oo2091



2014年4月20日 星期日

Facebook [煮食攪攪鎮]群組侵犯版權

這個Easter Holiday, 本應輕鬆愉快心情咁度過, 但琴日一上fb就發生令我震怒的事情.

身為一個blogger, 寫食譜係想記錄煮食方法, 留給自己及與大家分享. 我亦有係自己的專頁某幾個群組, 發佈相片同食譜連結網址與大家分享.

昨天早上發覺[煮食攪攪鎮]谷主未經我同意將網址內容一字不漏copy晒出嚟, 要知道所有blogger都係好用心去寫每一個食譜, 自己post嘅相片連食譜網址就唔涉及侵佔版權,但這樣做法已經觸法了,太過份了!





2014年4月18日 星期五

韓式麵醬炆雞翼

復活節假期開始了,大家有咩節目呢?我就想趁這幾天假期好好休息吓。因為平時工作已經好忙,點休息都覺得唔夠,就利用這個假期放鬆一下。

公司的同事自從知道我喜愛煮食,就經常有機會品嚐自家菜式。她們係雞翼痴,早幾日佢哋話想食自家煮的雞翼,煮法由我自由發揮。難得佢哋咁欣賞我嘅廚藝,當然立刻一口答應啦! 咁啱我又係759買咗韓國麵豉醬,就用嚟煮給她們品嚐。這個fushion菜簡單又易煮。果然,令一班同事們食慾大增,不消一會兒已經將這個餸消滅。cici見到她們舔脷的表情,感到非常滿足!


2014年4月17日 星期四

蟲草花蒸滑雞 - Le Creuset無水蒸

自從cici擁有第一個鑄鐵鍋具後, 就徹底地迷上了. 每次出街, 如果經過專櫃, 一定會去潮聖一番.

之前一直對[無水蒸]抱著半信半疑的態度, 直至擁有後, 就被這個優點深深吸引. 既能節省時間和能源, 又不失食材的鮮嫩, 令菜式更原汁原味.


不過, cici一直擔心如果失敗黐底, 那麼我的LC鍋就OMG, 所以在鍋底我一定會鋪一些不易黐底的食材(例如: 薑、葱、蘿蔔、椰菜、津白、菇類、雲耳等等......), 以防萬一.

今次與大家分享的煮角: [無水蟲草花蒸滑雞]




2014年4月16日 星期三

粉葛赤小豆薏米湯

敗完LC之後, 可能因為那天下雨的關係, 即晚已感到唔舒服, 最終都打敗仗. 差不多好番的時候, 右邊膊頭; 背脊痛, 仲痛到右手臂; 胸骨痛, 瞓唔到覺. 睇西醫, 消炎止痛藥一定少不了. 當然煲一些袪濕湯水係必須的, 但cici至怕飲豆湯, D豆"冧"晒; 槳住會令我打冷震, 所以由細到現在, 紅、綠豆沙都唔食.

粉葛最能舒緩肩頸肌肉疼痛,對高血壓,糖尿病亦甚有裨益,故這個季節不妨多用粉葛煲湯,配些功能健脾袪濕的赤小豆,薏米,食療功效更佳.


2014年4月15日 星期二

Le Creuset Private Sale 2014 ※ 直擊記錄

之前我已經係post度提若果你是標準的Le Creuset迷,定必知道近期鬧得熱烘的話題是LC開倉啦!

自從上年十二月擁有第一個LC後, 就深深被它吸引, 每次經過LC counter都一定去觀光吓先可以滿足自己。(同時亦都愛上Staub) 


2014年4月8日 星期二

蕃茄薯仔紅蘿蔔梭羅魚湯

之前係大埔墟街市買到已經劏好的梭羅魚, 知道它好有益, 再配合蕃茄, 薯仔, 紅蘿蔔. 這個湯大人小朋友都喜愛呀! 有人可能怕魚湯腥, 但只要懂得掌握的煮法, 一碗鮮甜奶白而唔腥的魚湯就有得飲啦~~~~~





2014年4月4日 星期五

LC無水黑椒焗赤米蝦

Happy Friday ! 聽日係清明節,大家需要拜山嗎?cici聽日都要去呀,仲要去兩個地方,時間都幾緊迫。

近期各jm嘅熱門話題一定係LC開倉,我係fb見到其他jm post 場內情形。可能今年多咗好多人鍾意LC, 雖然移師係酒店舉行,但安排上都有點混亂,希望下年會更有完善嘅安排!

赤米蝦,白灼已經好鮮甜,加少許海鹽同黑胡椒碎,即刻將赤米蝦再提鮮不少!



2014年4月2日 星期三

泰式蝦米炒椰菜苗

去完大埔墟街市之後,都有些儲備。椰菜苗係我首選! 每次去食泰國菜,如果鋪頭有椰菜苗,我一定二話不說會order。

椰菜苗; 英文稱Brussels sprouts,外國人常用它當做沙律菜。用鱼露代替鹽,椰糖代替白糖,再加上辣椒、蒜蓉的泰式煮法一起炒。今次還加了蝦米,令它有咸、辣、鲜!


2014年4月1日 星期二

大埔墟街市尋寶記

每次去大埔墟街市, 除咗為咗食豬扒麵之外, 它的街市亦都藏有好多寶, 等我遂一介紹啦!

首先去醫肚先, 每次嚟, 我一定會去"東記"食豬扒麵, 但熟食中心仲有好多好嘢食, 所以今次選擇"學利"食魚蛋粉. 見到餐牌有D花多眼亂, 就決定嗌"學利八寶鍋麵". 一嚟樣樣都有, 其次係兩個人share, 唔洗煩. 碗河粉好巨呀, 內裡有魚蛋, 魚片, 雲吞, 牛丸, 豬肉丸, 貢丸, 魚皮餃, 墨丸, 魚皮就另上. 飲啖湯, 湯底好清甜, 一咬魚皮, 好香好爽脆, 其餘嘅都係一殷, 冇咩特別, 仲有這裡的雲吞係冇蝦, 內裡全部都係豬肉. 唯一讚係墨丸, 好彈牙. 順帶一提, 咁大碗粉, 真係唔好嗌河粉, 因為會冇晒湯, 其間要加湯, 好彩個姐姐服務態度好好, 這點值得一讚.