2014年4月1日 星期二

大埔墟街市尋寶記

每次去大埔墟街市, 除咗為咗食豬扒麵之外, 它的街市亦都藏有好多寶, 等我遂一介紹啦!

首先去醫肚先, 每次嚟, 我一定會去"東記"食豬扒麵, 但熟食中心仲有好多好嘢食, 所以今次選擇"學利"食魚蛋粉. 見到餐牌有D花多眼亂, 就決定嗌"學利八寶鍋麵". 一嚟樣樣都有, 其次係兩個人share, 唔洗煩. 碗河粉好巨呀, 內裡有魚蛋, 魚片, 雲吞, 牛丸, 豬肉丸, 貢丸, 魚皮餃, 墨丸, 魚皮就另上. 飲啖湯, 湯底好清甜, 一咬魚皮, 好香好爽脆, 其餘嘅都係一殷, 冇咩特別, 仲有這裡的雲吞係冇蝦, 內裡全部都係豬肉. 唯一讚係墨丸, 好彈牙. 順帶一提, 咁大碗粉, 真係唔好嗌河粉, 因為會冇晒湯, 其間要加湯, 好彩個姐姐服務態度好好, 這點值得一讚.








食完當然要去梁九記一遊啦, 其實去梁九記, 真係要搏. 因為你係唔會知道佢係幾時休. 不過, 遠處已經見到人山人海, 下, 主知道無摸門釘. 它有兩個鋪位, 一邊賣凍肉, 一邊賣乾貨, 攞個籃就入去掃貨. 講真, 人頭湧湧, 一見到啱就好似要同人搶咁. 不過, 已經好多嘢都已經沽清, 黑豚扒, New Zealand法式羊架, 鵝肝. 鴨胸, New Zealand羊鞍, 法國春雞都畀人掃晒, 所有今次唔係買咗好多嘢. 只係買咗牛脷, 西冷扒, 豬仔骨, 日式生蠔, 加上人太多, 好難去慢慢選擇. 建議平日去, 會買得暢快D.溫馨提示,梁九記係唔畀拖車仔!



跟住, 順便買餸啦. 大埔墟街市地下主要係海鮮同肉類. 這裡的海鮮包羅萬有,真係有點睇到人花多眼亂。這裡特別多石崇魚,新鮮同冰鮮都有,用嚟煲湯就正。不過,我經過一間魚檔,見到有梳羅魚,仲要係已經處理好,又新鮮,一盤都係$20。這間檔係一對老夫婦經營,亦都好友善,所以二話不說就幫襯。記住這間叫"勝記海鮮",下次經過大埔墟街市,又想煲魚湯,可以考慮這對老夫婦。


跟住,行吓行吓,又見到有唔同種類嘅海魚,正當心思思買邊條時,見到有間魚檔有四條好特別的海魚,但都只係賣$45。跟圖順序叫: 將軍甲,釘公,雞魚,波羅魚。嘩,$45可以食到四種唔同味道嘅海魚,即刻買嚟試。


行上二樓,其實除咗梁九記,主要係菜檔同雜貨。菜檔有有機菜,亦都有泰國菜。例如: 秋葵; 椰菜苗。通常這些泰國菜,醬汁,香料都需要係九龍城先可以買到。我買咗椰菜苗同青檸做儲備!


下次再嚟,要早一點,因為每次去大埔墟街市要花至少2個半小時。

15 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 我媽咪都有去過梁九記買餸呢^^

    回覆刪除
    回覆
    1. Katie, 其實大家住同一區,介紹你去德州凍肉批發買,啲嘢都好靚,又唔貴。

      刪除
  2. 我連續3個星期日去都摸門釘╮(╯_╰)╭

    回覆刪除
  3. 我都聽人講過德州凍肉幾好,不過唔知喺大圍邊處

    回覆刪除
    回覆
    1. Mummy Michelle, 德州凍肉唔錯,至少唔洗同人迫; 搶! 你可以依個網址睇睇: http://www.texasfood.com.hk

      刪除
  4. 每次我去呢處都係先醫肚先0架 , 跟住都係去梁九記摷下的 , 4 條魚 $ 45 好抵呀 !

    回覆刪除
  5. 平日 3 點零鐘去梁九記買嘢就無咁多人買嘢㗎!

    回覆刪除
  6. 大埔實在太遠~我畢業後都冇去過呢~

    回覆刪除
    回覆
    1. 黃師奶,對於我依個新界人嚟講,就唔太遠,哈哈!

      刪除
  7. CiCi, 聽聽埋埋都知大埔多嘢逛,可惜...對小高來說太遠了!

    回覆刪除
    回覆
    1. 小高,對於你來說,真係超級遠呀!!

      刪除
  8. 我一個月去一次,次次都買千幾蚊

    回覆刪除