敗完LC之後, 可能因為那天下雨的關係, 即晚已感到唔舒服, 最終都打敗仗. 差不多好番的時候, 右邊膊頭; 背脊痛, 仲痛到右手臂; 胸骨痛, 瞓唔到覺. 睇西醫, 消炎止痛藥一定少不了. 當然煲一些袪濕湯水係必須的, 但cici至怕飲豆湯, D豆"冧"晒; 槳住會令我打冷震, 所以由細到現在, 紅、綠豆沙都唔食.
粉葛最能舒緩肩頸肌肉疼痛,對高血壓,糖尿病亦甚有裨益,故這個季節不妨多用粉葛煲湯,配些功能健脾袪濕的赤小豆,薏米,食療功效更佳.
粉葛赤小豆薏米湯 (4人份量)
材料:
粉葛 2斤
赤小豆 2兩
生熟薏米 2兩
蜜棗 3枚
陳皮 1塊
豬冧肉 半斤
薑片 4片
做法:
1. 粉葛去皮,切塊, 備用.
2. 豬冧肉洗淨, 切塊, 汆水, 備用.
3. 陳果用水浸軟刮囊; 其餘材料浸洗.
4. 凍水放薑及陳皮, 水滾後將全部材料放入煲內,先用大火煲半小時, 轉細火煲1個半小時, 落適量鹽調味, 即成.
**小貼士**
建議去草藥檔買野葛用嚟煲湯, 湯水份外鮮甜, 功效更佳.
祛濕好O岩呢~~
回覆刪除係呀,飲完真係冇咁痛
刪除好飲呀 !
回覆刪除Katie, 袪濕真一流
刪除我今日都頭重重,成在身痛,聽日都要煲呢個湯飲下啦!
回覆刪除Mei, 成日快啲煲就袪濕啦
刪除呢個湯可以去骨火!
回覆刪除Litz, 袪濕袪骨火,真一流
刪除成日都想煲粉葛,不過我呢邊揾唔倒。。。
回覆刪除你個 LC 煲好靚呀!
外國係咪冇粉葛賣呢?個LC盅,係開倉時入貨。這隻costal blue, 真係好靚
刪除這個湯我都會煲架,要去濕呀去火呀。
回覆刪除為咗袪濕袪骨火,唔飲這個湯都要煲嚟飲
刪除今日見點?好好多未?
回覆刪除小高,前幾日已經好好多。今日濕度高,又有少少痛
刪除