韓式麵醬炆雞翼

復活節假期開始了，大家有咩節目呢？我就想趁這幾天假期好好休息吓。因為平時工作已經好忙，點休息都覺得唔夠，就利用這個假期放鬆一下。

公司的同事自從知道我喜愛煮食，就經常有機會品嚐自家菜式。她們係雞翼痴，早幾日佢哋話想食自家煮的雞翼，煮法由我自由發揮。難得佢哋咁欣賞我嘅廚藝，當然立刻一口答應啦! 咁啱我又係759買咗韓國麵豉醬，就用嚟煮給她們品嚐。這個fushion菜簡單又易煮。果然，令一班同事們食慾大增，不消一會兒已經將這個餸消滅。cici見到她們舔脷的表情，感到非常滿足!

韓式麵醬炆雞翼 (4-6人份量)

材料:

雞翼 2磅

紅蘿蔔 1條

薯仔 1個

鮮冬菇 10粒

蒜頭 3粒

雞翼醃料:

胡椒粉 少許

紹興酒 1湯匙

調味料:

韓國麵豉醬: 2湯匙

柱候醬 1茶匙

生抽 2湯匙

黄糖 3茶匙

做法:

1. 雞翼解凍洗淨，切件，吸乾水份，加入醃料，醃大約30分鐘。
2.  紅蘿蔔及薯仔去皮洗淨，滾筒式切件。鮮冬菇用濕布抺乾淨，切半，備用。

3. 燒熱油镬，先煎雞翼至熟透，盛起備用。

4. 再燒熱油镬，爆香蒜頭，將薯仔煎至微微金黃，後加入紅蘿蔔，鮮冬菇炒勻後，將雞翼回镬。

5. 之後下調味料兜勻，再注入清水至蓋過材料，用中火炆15至20分鐘，再轉細火，炆多15分鐘，就轉用大火直至剩餘1/4的汁。