2014年4月22日 星期二

復活節假期打邊邊

琴日假期最後一日, 大家係咪覺得假期過得特別快呢? 假期最後一日, 選擇同屋企人過. 因為我姪女這個星期六生日, 我哋提早同佢慶祝. 小朋友正日當然要同自己嘅小朋友仔開party慶祝.

我這個姑媽, 係這個星期應該會過得好充實, 事緣我會幫生日party會做幾款食物. 其實, 我依家開始有D緊張啦, 恐怕應付不下.

講番打邊邊, 永遠都覺得係屋企最舒服. 只不過, 洗, 切預備時間需時.





湯底 - 平時多數係莞茜豆腐皮蛋湯,但琴日係魚檔買脆鯇魚腩,魚佬送咗個魚骨,咁又有白菜苗,所以個湯底就順理成章白菜苗豆腐魚湯。

海鮮 - 琴日經過海鮮檔有兩大驚喜。第一驚喜,琵琶蟹,其實個樣都好似麵包蟹。它的價$唔貴 ($36/斤), 用嚟白灼至啱不過。不過,肉質只係鮮甜,但唔爽口。

第二驚喜,聖子王,相信大家都用過嚟打邊邊,肉質當然勁鮮甜啦! 大家又會諗咁common嘅海鮮,究竟有咩驚喜呢?咪就係價錢囉! 以這類型的聖子王,平時都要差不多$60-80/斤,但琴日只須$38/斤,簡直係驚喜價啦,唔買真係對唔住自己呀!

至於,脆肉鯇魚腩,除咗要肉質厚、爽口之外,最緊要一定要新鮮!

另外墨魚仔,最好選啲漲卜卜,仲要愈細隻,愈爽口。

為咗邊邊,今次仲第一次整自家製蝦丸,好彈牙。家人讚口不絕,但係我覺得有改進的空間。

極上安格斯肥牛片, 這盒肥牛片,係佳寶出品,但一定要買鎖係雪櫃的。正所謂一分$,一分貨,這盒肥牛片,濃濃的牛味同加上肥瘦分佈平均。之前買過一次,今次係再encore!


反而黑豚肉片(凍肉鋪出品)同扎肉丸(大昌出品),只係一般而已。

10 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 回覆
    1. Litz, 放假最喜愛一班朋友或屋企聚埋一齊打邊邊

      刪除
  2. 正 ~ 本來呢個假期都好想打邊邊,但出左街,唯有等下次!始終兩口子好難買太多,打邊邊咩都好想食!^^

    回覆刪除
    回覆
    1. 小高,見到你同主任非常享用這個復活節假期,睇到都感到你哋嘅開心,幸福。

      刪除
  3. 一家人打 邊邊好開心喎!~仲有咁多海鮮TIM~哈~~
    祝你姪女生日快樂~快高長大呢~!

    回覆刪除
    回覆
    1. 多謝黃師奶! 我代我姪多謝你嘅祝福。cici 好鍾意一家人聚在一齊打邊邊,仲係我哋都係海鮮怪! :p

      刪除