2014年4月29日 星期二

老牌腐竹王-樹記腐竹結業

對我哋這些愛煮食的人,琴日收到一個震撼;傷感;可惜的消息! 樹記將會營業至四月三十日,原因係因為兄弟內訌,意見不合,所以拆夥。這個真係令人傷感的消息,父親留下的祖業,往往因為股權;金錢利益關係而令兄弟反目,繼而拆夥,令多年的祖業毀於一旦。相信大家有食過樹記的出品,都會被它的豆香及滑深深吸引。樹記所有腐竹產品,cici都好喜愛,亦已經沒有再食其他店的腐竹產品。樹記結業後,cici 都不知何去何從去買腐竹產品囉!



昨天已經安排今朝作最後朝聖,點知一去到樹記附近,見不到長長的人龍,已經心知不妙。到達樹記,竟然見到鐵閘已經落閘,仲貼上"貨物售完,停止營業"。心情頓時好down,連最後想再品嚐都沒有這個機會了! 另一方面,原來有咁多人喜愛樹記,亦替他們開心。




聽聞五月份會在大埔開間類似腐竹店,希望係屬實啦! 不過,可能出品;品質會同樹記有所不同!

最後,多謝樹記腐竹這麼多年來為香港市民製造那麼香、滑的腐竹產品!

16 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 回覆
    1. EE, 唉。。。。又一間老牌店結業,真令人可惜

      刪除
  2. 香港留下傳統美味食店,真的越來越少!

    回覆刪除
    回覆
    1. Shu Shu 你好, 剛從新聞得知又有一間老牌粥麵店,因加租問題而結業。舊式店,真係愈來愈少,好可惜

      刪除
  3. 萬惡嘅金錢,真係有時令到人變魔鬼 !

    回覆刪除
    回覆
    1. Litz, 祖業因為金錢而結業,真係好可惜!

      刪除
  4. 我每次回香港都會買來食, 估唔到咁突然!

    回覆刪除
    回覆
    1. Kitty, 唔緊要,四弟將會係大埔再開。你番嚟都仲有得買

      刪除
  5. 回覆
    1. Katie, 大埔將會重開,都近我哋呀!

      刪除
  6. 好似話係爭產?!?! 佢d 嘢係好靚~不過排隊嗰下好誇張~!

    回覆刪除
    回覆
    1. 黃師奶,真係錢作怪,令到敗咗祖業,令人惋惜!

      刪除
  7. 好可惜,我成日都想去,但始終都未去到...家下即頭唔駛去 ><!

    回覆刪除
    回覆
    1. 小高,大埔會重開。不過,對你來說,真係超級遠!!

      刪除
  8. 是否又一次見証了 “共患難尤可、共富貴難!“ 這句話?!
    許多名牌老店都走上了這樣的結業模式!非常可惜!

    回覆刪除
    回覆
    1. Tsz wei 你好,香港愈來愈少名牌老店,真可悲!

      刪除