2014年4月8日 星期二

蕃茄薯仔紅蘿蔔梭羅魚湯

之前係大埔墟街市買到已經劏好的梭羅魚, 知道它好有益, 再配合蕃茄, 薯仔, 紅蘿蔔. 這個湯大人小朋友都喜愛呀! 有人可能怕魚湯腥, 但只要懂得掌握的煮法, 一碗鮮甜奶白而唔腥的魚湯就有得飲啦~~~~~






蕃茄薯仔紅蘿蔔梭羅魚湯 (2人份量)


材料:

蕃茄 4個
薯仔 1個
紅蘿蔔 1條
薑片 6片
梭羅魚 1盤
魚袋 1個



做法:


1. 梭羅魚洗淨, 隔去水份, 備用.

2.紅蘿蔔; 薯仔去皮, 洗淨, 滾筒式切塊. 蕃茄洗淨去蒂, 切成四小塊, 備用.

3. 燒紅鑊, 加少許油放下3片薑片爆香, 將梭羅魚放下煎至兩面微黃, 盛起來放進魚袋, 再放回鑊裡, 之後落薩薑片再加熱水. (其間唔好熄火)

4. 湯滾起, 將紅蘿蔔; 薯仔, 蕃茄加入湯裡, 用大火煲30分鐘, 再轉細火煲30分鐘, 下鹽調味即成.


**小小分享**

如何令魚湯變白? 首先將鑊燒熱爆香薑片, 將魚去煎, 當魚兩面都煎到金黃色及香脆, 就可以封住肉汁, 這是魚湯變白的關鍵. 如果沒有封住水份, 煮出來的湯是半透明色, 然後加適量熱水, 一定要蓋過魚身多一點, 熱水可加速魚湯快點滾起, 然後要保持大火煮滾. 


梭羅魚: 蛋白質含量高, 胆固醇含量低, 含有豐富既氨基酸、不飽和脂肪酸, 维生素及礦物質.

28 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 鮮甜美味營養又高 " 正呀 "

    回覆刪除
    回覆
    1. AK, 好難先買到梭羅魚架,仲要處理咗,正正正!

      刪除
  2. 我早幾日都煲呢個湯,不過我唔知我嗰D係咪梭羅魚

    回覆刪除
  3. 我媽媽在我們小時侯都經常煲此湯, 煲到奶白色隔埋渣好似牛奶咁, 好懷念呢!

    回覆刪除
    回覆
    1. Mary, 奶白色嘅魚湯,好甜好好飲呀!

      刪除
  4. 呢個又鮮又甜,正呀!

    梭羅魚湯我煲過一次咁大把咋,哈哈~

    回覆刪除
    回覆
    1. 謙盈媽媽,梭羅魚我都唔係成日煲。因為唔係成日有得賣

      刪除
  5. 回覆
    1. Sam, 你番一番香港,就知道買餸有幾貴囉

      刪除
  6. 梭羅魚煲湯好甜~哈~~不過我就好少可煲魚湯~因為我同我老公都少食魚~哈~

    回覆刪除
    回覆
    1. 黃師奶,以前我都怕飲魚湯,怕腥。知道點整可以唔腥同鮮甜就愛上了

      刪除
  7. 不得了,梭羅魚湯一定好甜!好想喝幾碗呀!

    回覆刪除