2014年5月31日 星期六

Yonanas 健康甜品機 - 椰汁芒蕉層層疊雪芭布甸

近日天氣十分酷熱, 除咗飲多咗凍飲, 甜品特別係雪糕一定走唔甩. 自從擁有Yonanas健康甜品機後, 嘆住冷氣食住Yonanas製造出嚟嘅健康雪糕, 簡直一件樂事!



2014年5月29日 星期四

蜜糖芥末醬蘆筍炒蝦球

大家好多日唔見咗我蹤跡,唔係因為天氣酷熱偷懶。如果有我面書專頁,應該知道因有家人突然入咗醫院,十分擔憂,莫說話寫食譜,連煮食都提不起勁。家人今日會出院回家休養,心情頓時輕鬆少少。

這幾天天氣十分酷熱,係戶外工作的朋友,一定要飲多啲水,提防中暑。這麼熱的天氣,一定什麼胃口也沒有,食一點輕盈餐或食啲酸甜菜式。用上蜜糖芥末醬,配上新鮮的蘆筍同蝦球,味道清新,更能帶出蝦球的爽口鮮甜味道。


2014年5月24日 星期六

鮮茄洋蔥豬扒

琴日有段新聞,講有個媽媽因為佢個仔係街度太頑皮,而發脾氣將他掉落垃圾桶。事後,記者訪問這位媽媽,這個媽媽解釋真令人憤怒! 其實每個小朋友都有頑皮;唔聽話的時候,只要肯畀啲耐性,循循善誘咁教導。小朋友一定會接受你的教導。

鮮茄洋蔥豬扒,大人小朋友都喜愛,又好送飯。我比較鍾意用回蕃茄,最原味嚟煮的醬汁,而唔加茄汁。其實只要煮得恰到好處,就已經好鮮甜。


2014年5月21日 星期三

無油豉油王炒麵 - 韓國玫瑰鍋 Chef Topf

見到幾日太陽, 琴日下晝開始已經又下大雨, 天氣又轉壞, 真係好討厭雨天, 令人心情都差起來. 大家記得出外記得帶遮, 小心地滑呀~~~~


韓國玫瑰鍋已經進駐咗cici小廚房, 當然要開光試驗吓啦~~~~~今次就試無油炒. 韓國玫瑰鍋果然可以做到而又不失味道, 令這個炒麵頓時健康好多.



2014年5月20日 星期二

平民版LC & Staub - 韓國玫瑰鍋-Chef Topf詳細介紹及使用方法

自從喜愛煮食後,就開始對廚具開始有要求。繼LC同Staub之後, 我極力推介韓國玫瑰鍋-Chef Topf La Rose。(Chef Topf係韓國GlassLock食物盒旗下既烹飪用具品牌)

玫瑰鍋功能其實同LC; Staub差唔多。它可作無水蒸,唔痴底,傳熱快,鎖水,少油或無油煮食,亦非常容易清潔。唯一的分別玫瑰鍋適用於明火、焗爐、電陶爐,但不適用於電磁爐同微波爐。

至於玫瑰鍋重量輕過LC同Staub。大約2KG以下,因為係鑄鋁製造所以會比較輕身。

價錢方面又經濟過LC同Staub好多, 平均大約$3xx up (因應size & 運費)。

玫瑰鍋擁有玫瑰嘅外型,鍋底有玫瑰圖案,但論外型同顏色當然比不上LC那麼多顏色同款。不過以玫瑰鍋嘅價錢及功能,的而且確又真係幾抵玩,又可以粗用。始終用LC同Staub會比較錫住嚟用,所以我買咗個20cm高煲感受吓!




2014年5月19日 星期一

全駿記開張 + 新出品 - 青瓜炒鴛鴦火腿

琴日原計劃係去cwb, 因為Sogo thankful week, 諗住去朝聖一番, 但突然記起18號, 全駿記(前身為樹記)開張, 就轉路線去大埔啦.

全駿記鋪比以前樹記細好多, 所有嘢都未set up晒, 但有D貨已經有得賣. 例如: 腐皮, 腐竹, 腐竹碎, 炸枝竹, 素鴨, 仲有新出品 - 素咸火腿. 當然買番條試味啦!

在大埔街市見到有人家種青瓜, 細細條, 肥嘟嘟, 用嚟炒素咸火腿, 夠清新.


2014年5月13日 星期二

啤酒煮花甲

落咗咁多日雨,終於見番太陽伯伯啦! 不過,天氣就好悶焗,一滴風都冇,行一陣已經流晒汗。天氣預測已經話要到星期六先會天朗氣清。希望星期六快啲到,我要同雨天講"Bye bye"!

星期日行街市, 見到有檔海鮮檔有花甲賣,仲寫住"澳洲花甲",但只需$28/斤。其實,我真係有啲懷疑係咪真係由澳洲來。不過,我對海鮮情鍾愛嘅程度真係唔試唔心息! 買咗一斤試吓,煮花甲真係有好多種煮法。如果想食得清甜,而屋企又冇白酒,可以試吓用啤酒煮, 帶出花甲嘅鮮甜味,仲有啖啖酒香!  



2014年5月12日 星期一

金銀菜豬肺湯

琴日母親節,每年這個日子,我都會送上鮮花。因為媽咪係愛花之人,反而佢唔嗜甜,所以我唔需要為做什麼甜品而苦惱。今年送上媽媽喜愛的百合花,令她驚喜萬分。這些百合花開得好燦爛,希望媽媽身體健康,日日都咁開心!

每年都會提早同媽媽,婆婆們出去食飯,今年如是。反而,琴日在家和媽咪慶祝,一早同媽咪飲茶,之後我獨自去一田買餸。記得上星期行一田,見到有已經洗淨嘅豬肺賣。小時候,媽咪每次都會好辛苦洗豬肺去煲湯畀我哋兩姊弟飲,所以今年調轉角色,由我去煲畀佢飲!



2014年5月10日 星期六

海鮮青醬貝殼粉

這幾天的天氣總是灰灰沉沉,雨落唔停,令人什麼意欲都也沒有。天氣預測,下星期都會是下雨天,好想快啲見到陽光! 明天係母親節,大家會有些什麼慶祝節目?在這裡,預祝所有天下的母親 "母親節快樂"!

青醬,我一直都想自己整,但到最近先知道松子係在冬天先有得賣。因為天氣太濕,容易變壞。唯有留待今年冬天先動手吧! 好彩在數字屋有青醬賣,味道都尚可。當然我會另外再些調味加重味道。


2014年5月7日 星期三

熟食中心的意大利餐 - ABC Kitchen

琴日係佛誕假期,相信好多人去咗長洲睇飄飾。不過,cici就真係好怕人多迫到死死吓,所以咁多年都冇去過。難得嘅假期,寧願悠閒地渡過,況且晚上已經一早安排節目啦! 就係同好姊妹去睇拉闊音樂會。每年,我都會同好姊妹會選擇一個大家喜愛的歌手,我好姊妹就用積分換票。今年有我好姊妹喜愛的楊千嬅,我當然捨命陪姊妹啦!


早兩日我好姊妹話想去上環食意大利菜,原來係ABC Kitchen。這間餐廳係皇后街熟食中心,都係我納入想去試嘅餐廳之一。既然係咁,當然冇問題,一齊去試啦! 我哋book咗6點半,但因為兩個大頭蝦因為天黑的關係,竟然行錯路去錯咗上環街市,所以最後遲咗半個鐘先去到皇后街熟食中心。

熟食街市內食店不多,約十檔而已,ABC kitchen已佔有兩檔。檔口前擺放各店專屬的枱凳,部份檔口可能只做日間生意,所以已經關門。ABC在環境佈置上花了一點心思,餐桌上鋪有一塊紅色的格仔枱布,並放上紅酒杯,致力營造西餐廳格局及氣氛,加上顏色分明的招牌,更搶眼。明顯與旁邊的小檔口是走截然不同的風格。


2014年5月5日 星期一

泰式青咖哩雞翼

返咗一日工,聽日又係假期,又可以relax吓! 聽晚會同好姊妹聽演唱會,好期待。因為太耐冇同好姊妹相聚,大家工作都好忙。
好耐冇煮過咖哩,咖哩醬泰國藍象係最出名,最好味,但係香港比較難買到。這個牌子的咖哩醬,味道都幾好,幾濃郁。咖哩,我特別鍾意配搭雞肉或雞翼。今次煮的咖哩相比之前有點唔同,落多點香料,味道當然更香口啦,配上酥餅, 簡直一流!