2014年5月10日 星期六

海鮮青醬貝殼粉

這幾天的天氣總是灰灰沉沉,雨落唔停,令人什麼意欲都也沒有。天氣預測,下星期都會是下雨天,好想快啲見到陽光! 明天係母親節,大家會有些什麼慶祝節目?在這裡,預祝所有天下的母親 "母親節快樂"!

青醬,我一直都想自己整,但到最近先知道松子係在冬天先有得賣。因為天氣太濕,容易變壞。唯有留待今年冬天先動手吧! 好彩在數字屋有青醬賣,味道都尚可。當然我會另外再些調味加重味道。




海鮮青醬貝殼粉 (2人份量)

材料:

墨魚仔 200克
花甲 200克
煙肉 2片
洋蔥 1/2個
磨菇 4隻
貝殼粉 250g
檸檬汁 1茶匙
白酒 1湯匙

調味料:

鹽 1/4茶匙
胡椒粉 少許

醬汁:

青醬 2湯匙
羅勒 1茶匙
鹽 少許
黑胡椒 1茶匙


做法:

1. 墨魚仔解凍後抹乾水份,落調味料略醃,備用。
2. 花甲用鹽水先浸1小時,洗淨。煲滾水將花甲白灼,之後起肉,備用。
3. 磨菇用濕布抺乾淨,切片;煙肉切小粒;洋蔥切小粒,備用。
4. 煲滾水, 下具殼粉煮包裝袋上指示之時間 (減2分鐘), 約4分鐘, 盛起過冷河。瀝乾水後,加少許橄欖油拌勻。
5. 用橄欖油起镬,爆香洋蔥、煙肉,下磨菇、墨魚仔炒至八成熟,再放下花甲肉  、貝殼粉及白酒快炒。
6. 最後,落醬汁兜勻,上碟前灑上檸檬汁,即成。

**小小分享**

1. 可用自己喜愛的海鮮代替。
2. 加檸檬汁能提升海鮮的鮮味。

6 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 一落雨,做咩都提不起勁!><
    就算出街有傘都狼狽,真煩人 ~

    回覆刪除
    回覆
    1. 小高,雖然今日見到太陽,但好悶焗。天氣預測又話這個星期會繼續落雨,這種天氣真令人會好懶~~~

      刪除
  2. 成日咁落雨悶死人啦!
    個青醬味道夠香嗎?

    回覆刪除
    回覆
    1. Mei, 依兩日都見番太陽,但就好悶焗,行一陣就出汗,應該仲會落雨!個青醬味道都ok,係我嫌唔夠濃啫

      刪除
  3. 我家樓下間759 得零食賣咋~好細間~見唔到有呢d 醬賣呢~

    回覆刪除
    回覆
    1. 黃師奶,我屋企留下間759都好細間,要出去沙田或大圍先有得賣!

      刪除