2014年5月13日 星期二

啤酒煮花甲

落咗咁多日雨,終於見番太陽伯伯啦! 不過,天氣就好悶焗,一滴風都冇,行一陣已經流晒汗。天氣預測已經話要到星期六先會天朗氣清。希望星期六快啲到,我要同雨天講"Bye bye"!

星期日行街市, 見到有檔海鮮檔有花甲賣,仲寫住"澳洲花甲",但只需$28/斤。其實,我真係有啲懷疑係咪真係由澳洲來。不過,我對海鮮情鍾愛嘅程度真係唔試唔心息! 買咗一斤試吓,煮花甲真係有好多種煮法。如果想食得清甜,而屋企又冇白酒,可以試吓用啤酒煮, 帶出花甲嘅鮮甜味,仲有啖啖酒香!  





啤酒煮花甲 (2人份量)


材料:  

花甲 1斤
啤酒 半罐
蒜蓉 1湯匙
乾蔥蓉 1湯匙
紅辣椒碎 1隻

調味:  

岩鹽 少許

做法:   

1. 花甲洗淨,用鹽水浸住1小時待吐沙,之後洗乾淨,備用。
2. 燒紅鑊,下油,爆香蒜蓉; 乾蔥蓉; 紅辣椒碎,之後倒啤酒煮滾。
3. 下花甲煮至開穀盛起,加調味,淋上,即成。

**小小貼士**

這種花甲會有條黑色草在殼邊,清洗時記緊將它除去

10 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 呢家天氣好濕焗~我都好唔鍾意呢~
    用啤酒煮真係好香~~~俾個讚先~

    回覆刪除
    回覆
    1. 黃師奶,今日真係熱死人呀! 我覺得用啤酒仲香過用白酒,多謝讚賞,嘻嘻!

      刪除
  2. 初初望以為獅x(如果係更加正),花甲小高也愛,好想吃呀!
    今日下午又無啦啦落大雨,好在雨過天晴,今晚齊齊happy friday ~

    回覆刪除
    回覆
    1. 小高,我以前怕食獅蚶。因為生食會有血水,但cici終於衝破心理關口。不過,係全熟,真係好鮮甜呀。下次會買大隻再試。:)

      刪除
  3. 啤酒煮花甲都得架?!! 好想試下,yummy!

    回覆刪除