2014年5月24日 星期六

鮮茄洋蔥豬扒

琴日有段新聞,講有個媽媽因為佢個仔係街度太頑皮,而發脾氣將他掉落垃圾桶。事後,記者訪問這位媽媽,這個媽媽解釋真令人憤怒! 其實每個小朋友都有頑皮;唔聽話的時候,只要肯畀啲耐性,循循善誘咁教導。小朋友一定會接受你的教導。

鮮茄洋蔥豬扒,大人小朋友都喜愛,又好送飯。我比較鍾意用回蕃茄,最原味嚟煮的醬汁,而唔加茄汁。其實只要煮得恰到好處,就已經好鮮甜。




鮮茄洋蔥豬扒  (2人份量)

材料:

豬扒 2塊
番茄 3個
洋蔥 1個


醃料:

生抽 1茶匙
胡椒粉 少許
糖 1/2茶匙
生粉 1/2茶匙
蛋白 1隻

芡汁:

生抽 1/2茶匙
麻油 1/2茶匙
糖 2茶匙
生粉 1茶匙
清水 3湯匙

做法:

1. 豬扒洗淨,抹乾水後用刀背剁鬆,放入醃料醃約1/2小時。
2. 番茄洗淨切件;洋蔥去衣,洗淨後切塊。
3. 燒熱易潔鑊,下油,將豬扒略煎至金黃色,盛起切成小塊,備用。
4. 用餘下油爆香洋蔥,番茄, 加入及獻汁略煮,豬扒回鑊煮至熟即成。


**小小貼士**

1. 醃豬扒時加入蛋白可令豬扒更嫩滑。
2. 使用易潔鑊煎豬扒可減少用油量。


8 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 突然好想食鮮茄洋蔥豬扒!

    回覆刪除
    回覆
    1. Litz, 係咪見到咁多汁,引都你流口水呢! XXD

      刪除
  2. 回覆
    1. Mei, 係呀,今次特別煮多啲汁。因為有小朋友食!

      刪除
  3. 唔係化,小朋友有冇事?分分搞出人命喎!教仔都唔係咁教囉!><
    灣仔有間餐廳賣鮮茄豬扒好出名,家下套餐好似加到$6x多,雖然好貴,但每次去親灣仔都會幫襯,佢炸埋d豬扒真係好香口!e...主任就愛吃咖喱豬,個汁下飯好正,哎呀......講起又望到你碟香噴噴的鮮茄洋蔥豬扒,真係超級肚餓!

    回覆刪除
    回覆
    1. 小高,而家啲家長真係唔識教小朋友。唔可以淨係打,鬧就可以解決問題。唉,有時諗如果唔識教,點解仲要生呢?
      灣仔間餐廳叫咩名,等我下次過海去試吓先。。主任鍾意食咖哩豬,即刻諗起沙嗲王的白咖哩豬 但都係嗰句,愈食愈貴,真係好掛住呀!

      刪除
  4. 掉落垃圾桶嗰下真係好爆~個垃圾桶好污糟~真係做唔出~

    回覆刪除
    回覆
    1. 黃師奶,段新聞講嗰時個垃圾桶當時係污糟架,都唔明點解會做得出~~

      刪除