金不換炒薄殼

返一日工，聽日又係假期。近期香港政府實在太混亂，太多訴求。唔知聽日會唔會有更多市民上街遊行表達呢？雖然我唔會去遊行，但我會默默支持他們，發表不滿，換取將來的香港會更加安定，繁榮。

每次過了端午節直至中秋前，薄殼都係會當造。它是一種價廉物美的貝殼類，在潮汕食店可以食到。用上金不換炒，金不換的鮮香令到這個普通小炒增色不少。如果大家想一嚐它的味道，可以在豆品店鋪會買到。

白汁粟米煙肉貝殼粉

世界盃已經進行到中段，但我已經係中段止步。因為繼甩咗第一隻牙 (西班牙)，第二隻牙 (葡萄牙)琴晚一役都已經出局，所以餘下來的比賽，可以唔洗睇，有覺好瞓囉!

白汁當然先製最好，但我哋上班一族，難免要開OT。有時放工已經夜，十分疲倦，當然想快；靚；正就有飯開。只要雪櫃有白汁磚，用簡單的食材，就可以係15分鐘有美味的意粉食。

煙三文魚短通粉沙律

這個星期，天氣時好時壞。一係熱到死，一係就落大雨，真令人厭惡的天氣。天氣炎熱令人沒有胃口，不想吃飯或熱盤的話，可用這款清新健康的通粉沙律代替。

美極鴨下巴

Good Morning~~~~究竟現在有幾多人睇緊烏拉圭對英格蘭, 請揮手！兩隊都唔係我喜愛的, 只是偶然醒了, 就睇一陣吧~~~一邊寫食譜, 一邊睇波都係第一次囉, 哈哈！

公司party延續篇-鴨下巴, 第一次食係多年前係大陸旅行時品嚐, 至此愛上, 但在香港一直找不到有得食鴨下巴的地方, 直至舊年, 誤打誤撞竟然畀我搵到太子珠江酒家, 有鴨下巴這碟菜餚, 對我來說簡直係美事. 鴨下巴, 用嚟送酒, 簡直一流. 大家可能以為係雞鴨檔, 會買到鴨下巴, 其實應該係燒臘檔. 將鴨下巴煎香, 再加美極, 頓時香味撲鼻, 惹味到....出唔到聲

金不換酸辣炒蜆

相信最近大家的話題都離不開世界盃，我喜愛的兩隻牙 (西班牙及葡萄牙)，一隻牙(西班牙)已經確定出局。另一隻牙(葡萄牙)星期二晚半場已經畀德國大炒，比比仲要控制唔到情緒，而紅牌出場，真係無眼睇囉! 希望跟住嗰場，加油吧~~

早幾日，公司開小型party, 我就負責整幾個小食。經過街市，見到金不換，好新鮮；好靚，而見到啲蜆大大隻，好生猛。金不換與海鮮係一個好配搭，今次棄用蠔油，換上泰式酸辣海鮮汁，酸辣味重咗，泰式味道更濃。

全港首創: 極上泰式冬蔭功盆菜 (試食會) [DimBuy購物頻道]

上星期應DimBuy聯同米芝蓮推介食府<原汁原味>的邀請, 與幾位人氣Bloggers參與全港首創[極上泰式冬蔭功盆菜]試食活動. 自從愛上煮食而重寫blog後, 這是我第一次獲邀出席試食活動. 這個試食活動仲係我喜愛的泰國菜, 所以當收到dimbuy.com公關的邀請, 我盡量在時間上作出配合後, 立刻答應出席. 在這裡, 再一次感激dimbuy.com公關的邀請, 令我可以有了那麼愉快、美好的經驗, 而又令我認識其他人氣Bloggers~~~

青豆角粟米肉碎炒蛋

世界盃開鑼啦~~~~大家睇世界盃的習慣呢？cici每年只會挑選自己喜愛的隊伍觀看。不過，今年所有賽事都在深夜時份，要觀看都幾費時，加上第二日要返工。唔知道有幾多愛波之人，會為咗世界盃而會請假或射波呢？

夏天除咗食瓜類，豆類都係另一個選擇。將青豆角切成粒粒，再加上新鮮粟米粒，配合肉碎，亦都係大人小朋友受歡迎的餸菜。這個餸，cici的媽媽係我小時候經常煮畀我食架。

酸甜芒果炒雞柳

上星期整芒果拿破崙，買多咗芒果。除咗整甜品外，仲可以用嚟煮餸。這個餸的亮點，不是芒果或雞柳，反而係酸甜汁。酸甜汁有提升胃口的作用，夏天進食特別適宜，用來送飯更是配合，非常開胃。

牛油蒜蓉煎龍蝦 - LC Grill Pan (食譜及劏龍蝦法)

上次LC開倉買咗LC grill pan, 但一直都冇點用過. 大圍街市因裝修, 要6月尾先會重開, 近期都轉去沙田街市或大埔墟街市. 剛剛星期日係沙田街市, 見到新鮮生猛的波士頓龍蝦, 仲好抵. $100/斤. 正是發揮LC Grill Pan的好時機.

LC grill pan的好處, 只需將它預熱, 用簡單的煮法, 就可以有美味矜貴的西餐.

芒果拿破崙 (懶人版)

記我得之前我講過公司有幾個同事, 好喜愛我煮的食物. 其中有兩個都係6月生日, 為咗答謝佢哋一直對我嘅讚賞及鼓勵, 特意為佢哋做個生日蛋糕. 我一直煩惱整咩類型的蛋糕, 後來知道佢哋鍾意食芒果, 而剛剛雪櫃有酥皮, 就做個芒果拿破崙.

不過, 今次整得唔係好靚, 酥皮燶咗少少, 但佢哋依然讚不絕口. 多謝你哋的鼓勵, 下次要再調整焗酥皮時間, 或自己試下做酥皮.

勝瓜蝦乾雲耳芋絲浸魚湯

今日生果日報頭條，係斬女嬰案的哥哥一句說話，而令一名老差骨留下男兒淚。其實有必要將這段新聞放上A1嗎？一名九歲的兒童，已經有自己思想，亦都會開始懂事。他一夜間失去妹妹和媽媽，已經很可憐。為何仲要係佢身上灑鹽呢？他日後的路將會十分崎嶇，現在應該處理心理問題。願他堅強地生活下去!

夏天一到， 最適宜食瓜果類。除咗苦瓜，其他瓜類我都十分喜愛。勝瓜又名絲瓜，濕濕地，好開胃。最適宜滾湯、浸湯，係湯飯另一個選擇。

紫菜冬瓜排骨頭湯

昨天充滿哀傷的氣氛, 除咗係因為6.4 25週年, 仲發生件恐怖殺嬰案. 單親媽媽突然精神失常, 斬死自己的女兒. 可能因為生活壓力太大, 引致精神失常, 而導致這件命案發生. 有時真係要畀多D關心身邊的家人; 朋友, 對舒緩壓力有幫忙.

天氣那麼熱, 真係唔想煮飯, 簡單滾個消暑湯水, 配上白飯, 就用湯飯作一餐吧~~~今次用上排骨頭, 係豬肉佬極力推介, 果然比用瘦肉味更濃郁.

三蔥OK牛仔骨

近日的話題當然離不開槍擊及槍手自盡案, 當日cici有觀看這段新聞直播. 雖然這件案件比較嚴重, 但有必要直播嗎? 這會好影響住在這棟大廈的住戶, 所以現在要派出社工同心理學家去輔導. 願住在這棟大廈的住戶盡快走出陰霾, 回覆正常生活.

OK汁唔知大家有冇食過? 這個係cici的兒時回憶, 每次我同幾個表姐妹回公公家, 他好喜歡用這個汁去煮洋蔥豬扒, 而這個餸係最快被消滅的. 公公今年已經96歲, 但依然十分健康, 只是行動不便, 要用輪椅代步. 願公公永遠身體健康.


OK汁配上牛仔骨, 再用惹味的蔥類, 令個汁更香濃. 它依然都係最快被消滅的餸菜.

端午節快樂

祝大家端午節快樂，好好享受陽光與假期!