上星期整芒果拿破崙,買多咗芒果。除咗整甜品外,仲可以用嚟煮餸。這個餸的亮點,不是芒果或雞柳,反而係酸甜汁。酸甜汁有提升胃口的作用,夏天進食特別適宜,用來送飯更是配合,非常開胃。
酸甜芒果炒雞柳 (3人份量)
材料:
急凍雞柳塊 2塊
芒果 3個 (可選用泰國芒果)
青椒 1個
紅甜椒 1個
薑 2片
醃料:
生抽 2茶匙
糖 1茶匙
粟粉 1湯匙
酒 2茶匙
胡椒粉 少許
水1茶匙
醬料:
茄汁 3湯匙
白醋 4湯匙
糖 4湯匙
水 5湯匙
生粉 1湯匙
做法:
1. 雞柳塊解凍後去皮;去肥膏;去筋;切成條,之後加入醃料拌勻,約醃30分鐘。
2. 青椒、紅甜椒去籽,切條備用。
3. 芒果去皮去核,切成條狀備用。
4. 燒熱油镬,爆香薑片後,掉去薑片,放雞柳用中火炒至熟透,盛起備用。
5. 原镬放入青椒和紅甜椒條用中大火快炒,將雞柳回镬,然後加入醬料煮至滾起。
6. 滾起後,放入芒果條略拌勻,煮至醬汁杰身即成。
**小小貼士**
用芒果做烹煮,要快炒,兜炒幾下拌勻便可,切勿過久,否則芒果會被炒得軟爛。
酸酸甜甜啱晒夏天食!
回覆刪除真係好啱,一啲都唔覺得'漏'
刪除這個很開胃呀
回覆刪除Katie, 夏天食啲酸咪咪嘅嘢,先開胃
刪除夏天一定要食酸酸甜甜先有胃口!
回覆刪除Mary, 我正是咁諗, 呵呵!
刪除又甜椒~又芒果~賣相好靚呢~
回覆刪除黃師奶,依碟餸真係色彩繽紛
刪除我好喜歡呢個餸,可惜水爺唔like芒果,要轉做菠蘿 ><
回覆刪除水太太,用波蘿都好味架
刪除芒果做餸好持别,可替代菠蘿正呀!
回覆刪除小魚,你好! 用芒果或波蘿味道都好fresh
刪除