2014年6月14日 星期六

青豆角粟米肉碎炒蛋

世界盃開鑼啦~~~~大家睇世界盃的習慣呢?cici每年只會挑選自己喜愛的隊伍觀看。不過,今年所有賽事都在深夜時份,要觀看都幾費時,加上第二日要返工。唔知道有幾多愛波之人,會為咗世界盃而會請假或射波呢?

夏天除咗食瓜類,豆類都係另一個選擇。將青豆角切成粒粒,再加上新鮮粟米粒,配合肉碎,亦都係大人小朋友受歡迎的餸菜。這個餸,cici的媽媽係我小時候經常煮畀我食架。





青豆角玉米粒炒肉碎  (3人份量)


材料:

青豆角半斤
新鮮粟米粒 1條
半肥瘦豬肉碎 150克
雞蛋 2隻



醃料:

生抽 1茶匙
糖 1/4茶匙
生粉 半茶匙
麻油 少許
水 少許 (後下)


做法: 

1. 青豆角洗凈切粒,新鮮粟米洗凈拆粒備用。

2. 肉碎洗淨用醃料醃15分鐘,雞蛋打成蛋漿備用。

3. 煲滾油鹽水,將青豆角汞水約30秒,盛起備用。

4. 燒熱油鑊,放下肉碎爆炒至8成熟,盛起備用。

5. 原鑊下油,放粟米粒及青豆角爆炒,將肉碎回鑊兜炒,直至肉碎至熟透。

6. 最後倒入強漿,快速兜勻,即成。


**小小貼士**

1. 將青豆角汞水,可去掉草青味。
2. 粟米粒可採用罐頭或急凍粟米粒。如採用急凍粟米粒,必須汞水去掉雪味。


16 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 呢個餸用黎撈飯食好好食,豆角我喜歡用欖菜肉碎炒多d ^e^

    回覆刪除
    回覆
    1. 謙盈媽媽,我都好鍾意用依個餸撈飯食,今次加咗新鮮粟米,添咗甜味。欖菜炒我會用粗身的青豆角

      刪除
  2. 夏天我也多吃蔬菜 豆豆我也喜歡呢

    回覆刪除
    回覆
    1. Katie, 夏天我會食多些瓜、豆類。因為當造

      刪除
  3. 回覆
    1. 水太太,平時已經好好味,今次加咗新鮮粟米,仲好味

      刪除
  4. 我家兩個豬小姐都愛呢個餸!

    回覆刪除
  5. 呢個餸我可以試喎,睇吓仔仔鐘唔鐘意食先!

    回覆刪除
    回覆
    1. 地地,試吓煮畀仔仔食。我估他會鍾意,因為粒粒對小朋友好吸引。

      刪除
  6. 回覆
    1. Mei, 夏天天氣熱,炒埋一碟,快,靚,正!

      刪除
  7. 我老公話呢期大把人會射波~哈~~
    佢都睇好夜~~我就唔好~~唔會睇呢~

    回覆刪除
    回覆
    1. 黃師奶,世界盃開鑼後,我都係睇咗一場

      刪除