2014年6月27日 星期五

白汁粟米煙肉貝殼粉

世界盃已經進行到中段,但我已經係中段止步。因為繼甩咗第一隻牙 (西班牙),第二隻牙 (葡萄牙)琴晚一役都已經出局,所以餘下來的比賽,可以唔洗睇,有覺好瞓囉!

白汁當然先製最好,但我哋上班一族,難免要開OT。有時放工已經夜,十分疲倦,當然想快;靚;正就有飯開。只要雪櫃有白汁磚,用簡單的食材,就可以係15分鐘有美味的意粉食。




白汁粟米煙肉貝殼粉 (2人份量)


材料:

新鮮粟米 1條
煙肉 3片
洋蔥 半個
貝殼粉 200克


白汁材料:

白汁磚 2格
牛奶 100ml
芝士 1塊


調味:

鹽 少許
胡椒粉 少許


做法:


1. 煙肉切小粒;洋蔥切小粒,新鮮粟米拆粒,備用。

2. 煲滾水, 加鹽,下具殼粉煮包裝袋上指示之時間 (減2分鐘),約4分鐘,盛起過冷河。瀝乾水後,加少許橄欖油拌勻。

3. 用少許橄欖油起镬,爆香洋蔥、煙肉,下粟米粒,放入調味炒至熟透,將貝殼粉回鑊快炒。

4. 最後,先加入白汁磚,跟著倒入牛奶, 直至白汁磚溶化, 後加入芝士兜勻,即成。


18 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 佩服CICI你~放工返家都堅持煮~~~~
    少D心都做唔到呢~

    回覆刪除
    回覆
    1. 黃師奶,唔想食外賣,就要下廚煮,所以幾時都話煮婦唔易做啦~~

      刪除
  2. 又要番工又要煮飯做家務..所以話香港地女人唔易做

    回覆刪除
  3. 巴西同荷蘭未出局喎。
    早排一直入唔到你個blog.

    回覆刪除
    回覆
    1. EE, 巴西同荷蘭唔係cici杯茶. 咩原因入唔副我個blog呀?

      刪除
    2. 呵呵,我同你口味唔同。
      先個排google神神地

      刪除
    3. EE, 原來你係巴西荷蘭Fans, 咁你想邊隊贏?

      刪除
    4. 荷蘭生成二奶命,希望佢地有機會奪冠

      刪除
    5. 如果巴西同荷蘭,我想荷蘭攞冠軍

      刪除
  4. 甩咗二隻牙有覺好瞓 , 哈哈形容得好好笑 , 用白汁磚做沙津快捷妥當 .

    回覆刪除
  5. 請問第四個step係另外煮定跟住第三個step同一個鑊處理?

    回覆刪除
  6. 原來你鐘意睇波?但現在都好,可以有覺好瞓,不用挨夜!^^

    回覆刪除
    回覆
    1. 小高, 我唔係太鍾意架, 只係世界盃捧自己喜愛的國家, 依家....可以大覺瞓囉

      刪除