LC grill pan的好處, 只需將它預熱, 用簡單的煮法, 就可以有美味矜貴的西餐.
牛油蒜蓉煎龍蝦 - LC Grill Pan (食譜及劏龍蝦法)
材料:
波士頓龍蝦 1隻
蒜蓉 2湯匙
牛油 3湯匙
鹽 適量
劏龍蝦8大程序:
1. 龍蝦用刷子刷洗乾淨。
2. 用筷子插入尾部中間位置放尿.
3. 頭身之間有一位置呈十字形, 是最軟的.
4. 從這裡落刀, 把頭切開邊, 再切下半身.
5-6. 除去黑色的肺部及腸等內臟,再仔細洗刷,小心不要沖掉蝦膏.
7. 將龍蝦切成四份, 剪去龍蝦蘇.
8. 用剪刀或菜刀折斷龍蝦鉗, 再以刀背拍碎龍蝦鉗.
做法:
1.龍蝦洗淨, 開邊, 龍蝦鉗用刀背拍碎.
2. 龍蝦頭與身鋪上蒜蓉.
3. 龍蝦鉗釀入蒜蓉, 醃15分鐘.
4. LC grill pan加水預熱10-15分鐘, 倒去水份.
5. LC grill pan放上牛油, 後放龍蝦. 蝦身, 蝦頭向鑊, 燒至蝦身彎曲, 將它反轉再燒至蝦殼轉紅, 灑上鹽, 即成.
請問點解要將gill pan 加水?
回覆刪除Hello Susan, LC本user guide 有教係用水先預熱個grill pan. 倒去水,先煎,咁代表grill pan 夠熱
刪除未試過自己劏龍蝦!
回覆刪除Litz, 我都係第一次劏龍蝦
刪除波士頓龍蝦好有肉。 100$斤,平過蝦喎! (我3月在香港時,D蝦普遍都是$100/斤)。
回覆刪除Sam, 我買依隻好有肉又多膏。因為係女嚟嘅,劏開好多龍蝦籽。嗰日見到勁抵,唔考慮即刻買
刪除d膏會會黏晒係pan底?
回覆刪除Mei, 夠熱,夠牛油就唔黏
刪除嘩~~~有龍蝦食~好吸引~我呢邊家下賣得好貴~~等休魚期後應該會好D
回覆刪除黃師奶,之前見到都好貴。唔知點解嗰日去咁抵,忍不住即刻買
刪除正呀 太吸引啦 流晒口水添
回覆刪除Katie, 好耐冇係blogger見啦。講真,真係好吸引,寫食譜時已經又流口水中
刪除太正了﹗圖文並茂好詳細呢﹗
回覆刪除水太太,因為我第一次劏龍蝦,驚自己冇記性,所以要詳細記錄
刪除雖然是小廚房,但出品係大師制作。
回覆刪除小魚,多謝讚賞~~~只係小出品啫
刪除那深色的不是肺(龍蝦只有鰓),是龍蝦卵
回覆刪除多謝提點,會修正
刪除