調理生理期湯水 - 節瓜蠔仔紫菜湯

這幾天其實身體抱恙，由星期二晚上開始持續發燒。這個情況其實持續幾日，當然自己好擔心，好怕。因為兩年前，身體出問題之前又是持續發燒。醫生開了三日藥，如果三日後，依然都係持續發燒，就要入院再作詳細檢查。擔心的怕舊病復發。今朝探熱微燒...希望快啲退燒吧!

在街巿見到蠔仔濃卜卜，忍不住買下來。除了用來整蠔餅、蠔仔粥，用來滾湯配合紫菜，是有好好的效用。每次女性生理期都會流失好多鐵質，容易疲倦乏力，氣色又不好。生理期過後，可以服用此湯，補充鐵質，改善氣色。

滑蛋炒洋蔥蝦仁

星期日晚上三色台<我們的天空>，大家有冇收看呢？ 這套標榜是實況劇，之前播第一集[怪獸家長]，但剛播出第二集講新移民，問題就出現啦! 現在話這套劇係「維穩劇」，唔知大家有冇同感呢？在這集講新移民，真係有少少同感。點解會眨低香港人呢？ 香港真係變咗好多，對這個地方愈來愈失望!

滑蛋炒洋蔥蝦仁，看似很簡單的餸菜，但要炒到雞蛋滑是有秘訣。除了加牛奶，其實加油都可以令到雞蛋炒得香滑。

DayDayCook 日日煮特約食譜video

自從做了 <DayDayCook>的特約blogger，已經播出幾個video。每次知道拍攝期之前，一定會研究新菜式，或在我之前會在食譜中挑選比較適合大眾化的菜式，拍攝煮法過程，與大家分享。

今次的拍攝比上次輕鬆，因為同<DayDayCook>各人開始熟絡，但今次第一次見<DayDayCook>的創辦人Norma。初次見，難免緊張，但熟絡後，她都會為拍攝畀好多意見。最後，仲得到她最新cookbook簽名版，內裡的文字好溫暖，仲好大鼓舞。

青蘋果煙鴨胸卷配芥末醬

這幾天彌漫好憂傷的氣氛，接二連三的空難，工作有點不如意，加上有啲無謂人搞風雨，真是好多負能量。每當遇上這些事情，我一定會收埋自己，但現在的我會靜思，亦都會找信任的人傾訴，同埋會整美食來製造正能量!


煙鴨胸為較低能量的菜式之一，用煙鴨胸配合青蘋果及蟹柳，十分清新，配上自己調製的芥末醬，絕對適合炎熱夏天或作餐前小食之用。

Moonmoon的第一次fans聚會

之前提過cici十分榮幸被Moonmoon邀請出席她在7月20號搞的私人fans聚會。當天早上Moonmoon.已經預告fans聚會的餐單。正呀，餐單是泰國菜。

蘆筍磨菇煙肉蛋餅

今日星期日，天朗氣清，但cici睡眼惺忪。原因是因為下午的約會。Cici唔係約咗男朋友，而是之前被MOONmoon邀請去她的私人fans聚會，真係深感榮幸。每次有一些比較重要性的事情，例如: 轉工、朋友結婚或見一些重長的人，我之前的一晚
都會輾轉反側，瞓得極差。希望狀態唔好影響今日的約會。我亦都化身小fans問MOONmoon攞簽名影相，嘻嘻!

蘆筍到了每年的五月就當造，用了當造的蘆筍, 它的爽脆鮮甜, 配上嫩滑的雞蛋和咸香的煙肉, 真係色香味俱全。簡單又易整, 十分鐘就有得食啦~~~~

傷感的新聞 - RIP

三號風球的早上，在去書展的途中，睇到這段新聞，令我十分傷感，一定要記錄在blog中。其實我睇內文，見到啲相，已經眼紅紅，實在不想再睇落去。為何世界會有戰爭，戰爭只會禍及無辜。

願世界和平，罹難者安息，RIP!

上海排骨菜飯

今年的書展已經開始，大家有冇諗住行吓購買自己喜歡的書籍。Cici已經好多年都無去書展，今年好想去到此一遊，去買自己有興趣的書籍。什麼書籍最能吸引我？當然是食譜，因為今年有好多有料之人出書，所以想謹慎地選擇適合自己的書籍。

不知道大家去上海菜館，有無叫上海排骨菜飯呢？我覺得排骨同菜飯是一個好好的配搭。上海菜館的排骨是炸的，菜飯會減低排骨的油膩。Cici在家極少開大油镬，用煎的方法,會減低油膩。為了能令豬扒更美味 、惹味，今次加了魚露，頓時生色不少!

悠閒的Homei

去完PMQ，我和朋友行到太平山街，這一條寧靜的小街，附近有好幾間有特色的食店。要找Homei，行到太平山街與東街交界便是。店門口小小的，用上紅色趟門，倍感舒服。 店子不大，只有四張檯，但地方很漂亮， 佈置得很悠閒氣氛。店的牆壁上有好多手繪貓咪圖畫，雖然我不喜歡貓咪，但都忍不住要為手繪貓咪留下倩影。

1600熊貓熱@PMQ

琴日一朝早已出外, 好耐都未試過星期日咁早起身. 只為了去湊熊貓熱, 天氣真係超級炎熱, 汗一直不停咁流, 差點頂唔順. 大家將會去探熊貓的, 一定準備多點消暑物品呢!

選擇一早去, 諗住人會比下午去的少一點, 時間上亦都充裕好多. 果然在那裡差不多花上3小時. 1600熊貓實在太可愛啦, 我和朋友特意穿上黑白上衣嚟襯番, 哈哈~~~~

沙嗲豚肉炒烏冬

早幾日睇新聞，見到張耀楊因為吸毒而係北京被公安拘捕，都令人震驚的消息。雖然他多數演戲都係做奸角、黑社會人物，但曾經有人同我講，佢係一個大好人。每個人都有自己的選擇權去釋放壓力、放鬆，但選擇用毒品，就真係大錯特錯。謹此希望經過這次的教訓而改掉這個壞習慣吧!

之前係Samwei的blog度，見到雀后介紹她買印尼沙嗲醬，見佢哋講到咁正，梗係拿拿買嚟，享受吓。果然無介紹錯，下次真係試吓玩串燒先~~~
我好少係街外食炒烏冬，因為炒得好油，好似飲油落肚咁。用少許先炒香材料，再用椰菜滲出的水份，去炒烏冬。那麼烏冬會比較爽身，反而先將烏冬灼熟，口感會十分腍口。

麵醬椰菜豆腿炒豬頸肉

今朝一瞓醒，簡直做咗阿呆。德國7:1大炒巴西，賽果令人好愕然，我諗無咩人會諗到會係這個賽果。慘囉，好多人跌晒眼鏡，輸波。唔知今晚阿根廷對荷蘭又會係點呢？

椰菜豆腿炒豬頸肉，夠晒經濟，啱晒幫大家慳荷包的餸菜，加埋韓國麵醬，就更開胃啦!

冬瓜生熟薏米瑤柱螺頭湯

琴日小暑，大家有冇煲消暑湯水? 其實天氣咁熱，仲煲湯、下廚，真係一啲唔消暑。休息，唔下廚就真係消暑，哇哈哈~~

消暑湯水一定離不開冬瓜、薏米。因為這兩種食材可以袪濕。cici 對甜的冬瓜水比較抗拒，可能自己唔太嗜甜啦。冬瓜生熟薏米螺頭湯，仲加咗瑤柱、果皮、蜜棗同瘦肉，令到湯更鮮甜。

芝士辣味焗雞翼

雞翼在任何場合都是最受歡迎的食物，今次做法簡單，先把雞翼先煎後焗，將雞油逼出來，撤上巴馬臣芝士再焗香。新鮮雞翼香噴噴，入口外脆內軟滑，食多些都不怕膩滯。

蕃茄薯仔洋蔥牛肉湯 - 韓國玫瑰鍋Chef Topf

又到星期五囉~~~今日各報章頭條，锍民擲689, 唔知點解竟然有心涼的感覺。對住這個龜縮的人，真係見到佢個死人樣已經無名火起。何況某些議員呢？雖然用法可能不當，但好過那些盲目親中的議員。

好掛住這個湯，細個成日飲的。只需30分鐘，就可以有個營養豐富, 絕對不輸老火湯的湯。

菠蘿焦糖雞翼

7.1遊行, 市民通宵靜坐，而沒有任何過份的舉動。點解警方清場行動, 要使用過份的暴力? 香港政府愈來愈不堪，他們只想表達訴求，有問題嗎？警方公佈遊行人數只有92,000，莫非你當全香港市民"傻的嗎"？

夏天天氣實在太熱，除咗無咩胃口，仲好怕入廚房。煮完成身汗，已經唔想食囉。雞翼真係百搭的食材， 配上菠蘿汁，果香十足，原汁原味！希望能在這悶熱的天氣引起大家的胃口。

DayDayCook日日煮特約Blogger

早於數月前, 收到<DayDayCook>的邀請，想我成為貴網的特約Blogger。這令我受寵若驚，我由2007年開始寫Blog，但中途有數年停寫。而當愛上煮食後，在2012年開始重寫Blog，至今只有年多，所以，真是萬幸能夠被人賞識。在這裡，多謝一直支持cici的朋友、家人、Blog友及同事。我會繼續努力鑽研廚藝！

當然, 承蒙<DayDayCook>的厚愛，cici已經成為貴網的[特約Blogger]，cici第一個煮食video終於出爐啦，請大家繼續多多支持! 你們每一個留言， 都是cici向前衝的動力。

DayDayCook日日煮 Blog:  http://www.daydaycook.com/blogger/2/cici小廚房//index.html