2014年7月17日 星期四

上海排骨菜飯

今年的書展已經開始,大家有冇諗住行吓購買自己喜歡的書籍。Cici已經好多年都無去書展,今年好想去到此一遊,去買自己有興趣的書籍。什麼書籍最能吸引我?當然是食譜,因為今年有好多有料之人出書,所以想謹慎地選擇適合自己的書籍。

不知道大家去上海菜館,有無叫上海排骨菜飯呢?我覺得排骨同菜飯是一個好好的配搭。上海菜館的排骨是炸的,菜飯會減低排骨的油膩。Cici在家極少開大油镬,用煎的方法,會減低油膩。為了能令豬扒更美味 、惹味,今次加了魚露,頓時生色不少!



上海排骨菜飯 (3人份量)


材料:

豬扒 3塊
小棠菜 300克
米 2杯
清雞湯 2杯 & 2湯匙
蒜蓉 2茶匙
乾蔥蓉 2茶匙
薑片3片
魚露 1茶匙


豬扒醃料:

生抽 1 1/2茶匙
糖 3/4茶匙
生粉 3/4茶匙
酒 1茶匙
胡椒粉 少許


做法:


1. 豬扒洗凈,瀝乾水份,切去邊的筋和肥膏,加入醃料醃20分鐘。

2. 將米洗凈,跟平時煮飯的方法一樣,但不是注入清水,而是注入2杯雞湯。煮熟成有味白飯。

3. 小棠菜洗凈,徹底瀝乾水份,然後切粗粒 (將莖粒和葉粒分開放)。

4. 燒熱油鑊,下薑片, 首先將小棠菜的莖粒炒至少許軟身,然後才把菜粒下镬,灑下少許鹽兜勻,再加2湯匙雞湯,煮至六成熟。盛起,丟掉薑片,瀝乾水份。之後,將小棠菜倒進煮好的飯中,拌勻,蓋上飯煲蓋,備用。

5. 燒熱油鑊,把豬扒煎到兩面金黃色至熟,盛起。將豬扒剪開成粗塊開一半。

6. 再燒熱油鑊,爆香蒜蓉和乾蔥蓉,倒回豬扒塊,加入魚露快炒兜勻。盛起上碟,再盛上煮好的菜飯,即成。


**小小貼士**

1. 由於小棠菜的莖比較難熟,所以先下镬炒,軟身後才放下小棠菜的葉粒。

2. 如想帶少許辣,可以爆香蒜蓉和乾蔥蓉同時,加入指天椒碎。


12 則留言:

**謝謝到訪及留言** cici會盡快閱讀及回覆大家嘅留言 :) 如果想以電郵收到留言回覆, 請按留言方框下的{通知我}.

  1. 你好細心,先炒香D菜,好多人都skip左呢一個步驟。我自己都係懶人。

    回覆刪除
    回覆
    1. Sam, 我想令個菜飯香啲,唯有做多少少

      刪除
  2. 豬扒用煎的方法已失去原本排骨菜飯的味道,炸亦不一定油膩,看你功力如何!

    回覆刪除
    回覆
    1. 多謝你嘅意見。因我唔鍾意在家炸食物,等遲啲有新玩具就試吓炸啦!

      刪除
  3. 食菜飯好~點都好味過食靚仔呢~!

    回覆刪除
    回覆
    1. 黃師奶,間中食菜飯都幾好架。一次有菜又有飯。

      刪除