調理生理期湯水 - 節瓜蠔仔紫菜湯

這幾天其實身體抱恙，由星期二晚上開始持續發燒。這個情況其實持續幾日，當然自己好擔心，好怕。因為兩年前，身體出問題之前又是持續發燒。醫生開了三日藥，如果三日後，依然都係持續發燒，就要入院再作詳細檢查。擔心的怕舊病復發。今朝探熱微燒...希望快啲退燒吧!

在街巿見到蠔仔濃卜卜，忍不住買下來。除了用來整蠔餅、蠔仔粥，用來滾湯配合紫菜，是有好好的效用。每次女性生理期都會流失好多鐵質，容易疲倦乏力，氣色又不好。生理期過後，可以服用此湯，補充鐵質，改善氣色。

節瓜蠔仔紫菜湯 (2人份量)


材料:

節瓜 1個
蠔仔 150克
紫菜 半塊
排骨頭 250克
蔥粒 1條
薑 3片


醃料:

胡椒粉 少許
紹興酒 少許


調味: 

鹽 1/2茶匙


做法:

1. 排骨頭洗淨，放入沸水中汆水後，備用。

2. 蠔仔用粗鹽及生粉搓揉多次，除去黏液及蠔殼碎，之後沖洗乾淨。加入醃料略醃，放入沸水中灼至八、九成熟，撈起，備用。

3. 節瓜刨皮後，切塊，洗淨備用。

4. 將紫菜放入清水中浸洗片刻，瀝水後盛入碗中，備用。

5. 凍水800ml放薑，滾起後加入排骨頭及節瓜，滾約15分鐘，放入紫菜，待再次滾起，放入蠔仔，滾約5分鐘，加入調味，灑上蔥粒，熄火，即成。


**小小分享**

蠔仔含豐富的鋅，鐵質，及蛋白質。有調中補虛，滋蔭養血 ，增加鐵質，改善貧血的作用。