DayDayCook x 囍宴廚.坊烹飪班

多謝DayDayCook的邀請，出席與囍宴在23/8舉辦的烹飪班，我還邀請小高同Moonmoon一齊去添！有機會與一眾DayDayCook的會員渡過一個快樂的中午。

泰式酸辣單骨凍雞翼

泰國菜真係人人喜愛，每次想食辣，除了四川、泰國菜一定走唔甩。

用各種不同的泰國醬汁，將雞翼做成冷盤，為咗方便進食，特別將雞翼剪成單骨。惹味程度，簡直爆燈!

印尼燒烤班蘭蝦

ALS肌腱冰桶挑戰，原意係用淋冰桶來感受病患者的痛楚，而嚮應捐款做善事。不過，琴日係面書見到有啲媽媽竟然揾自己的小朋友找數。有些甚至只係BB，睇到眼火爆。為何要揾自己的小朋友找數，那數位媽媽係咪腦殘？小朋友抵抗力比大人低，正常知識嘛! 這絕不是遊戲，而是一項體驗善事。

班蘭葉除了包雞，做甜品，其實都可以配搭海鮮。用焗的煮法，將班蘭葉的香味滲入海鮮中，感覺十分清新!

台灣電影

最近大家有冇去睇戲呀？ 台灣九把刀[等一個人咖啡]，係九把刀繼[那些年，我們一起追的女孩]另一小品。九把刀依然用校園做背景，女主角都係梳馬尾的鄰家女孩 (九把刀心目中的女神)。這類型的愛情小品，今次還請周慧敏做咖啡店的老闆娘角色，用好輕鬆的手法帶出這套電影的訊息，結局令人出人意表，亦好感動。

XO醬椰菜炒蝦仁

近日真的無咩開心事發生，全部都係令人惋惜的新聞。今天A1一個16歲尖子男同學，突然發狂，斬傷一齊溫書的女同學，之後墜樓自殺。這個年代的學生讀書都面對好大壓力，"讀書不是求分數",家長一要和自己子女做適當的關心同溝通。

蝦配搭任何蔬菜已經好鮮甜，加點XO醬，更惹味、開胃!

節瓜瑤柱淡菜排骨湯

過了立秋，天氣依然熱，但琴日嗰幾場大雨，即時降溫。雖然今日依然天陰陰，但感覺好涼快，好舒服。

節瓜鮮甜可口，用它夏天煲湯時能消暑祛熱；淡菜同瑤柱又係十分美味的海味，既有養陰益氣的作用又能令到湯更為鮮甜。既鮮甜美味又有營養，是夏天家常飲用湯水。

夜香花馬蹄蒸肉餅

相信大家琴日都畀"房柯"兩大男星在西北京涉藏毒及吸毒事件震撼晒。今早還播出柯姓男星痛哭的拘留片段。早知今日，何必當初呢! 其實當初要掂毒品，已經會預計到後果啦! 點解咁唔珍惜自己呢? 可能今日我自己發生有點事，所以感受特別深。記住珍惜所有，活在當下，愛錫自己身體! 希望經過們今次那麼大的教訓，真的能夠改過，重新站起來。

夜香花，大多數用作湯水用途，但其實大家有冇諗過加入肉類呢？這個idea來自蟲草花可以加入肉類。食後感覺好清新，好清爽，絕不油膩，夏天用來撈飯至好不過。

馬來風味: 沙茶蒜芯炒雞柳

這兩天除了塌樹意外，還有芷悠BB。她患有罕有的腦癌，上星期五短暫33個月的生命。願你就天堂做一個快樂、可愛的小天使，帶領愛錫你的人走出陰霾。願你一路好走!

夏天蒜芯當造，用來炒餸至好不過。配上濃香惹味的醬料，炒上嚟好有鑊氣。我真係好喜歡聽"吱吱喳喳"的聲音，好熱鬧。

白菜木耳豬肉鍋貼

昨天塌樹意外真令人十分悲痛，本來是一個等待新生命來臨的幸福少奶奶，突如其來的飛來橫禍，而遇最愛的人陰陽相隔，亦都無緣見到新生命出世。現在BB生命還要危在旦夕，希望你能夠努力堅強地生存。你媽媽一定想你健康快樂地長大，唔好辜負你媽媽陀你這38週。我會為你加油!

繼續嘉禾粉麵廠出品，睇相都知道我有買餃子皮，它們有分薄同厚。當然選擇薄啦。它們出品的餃子皮比其他的大一點，正宗皮薄餡靚，哈哈!

上海粗炒麵

上一篇介紹"嘉禾粉麵廠"，難得買到正宗上海粗炒麵，當然拿拿臨煮上海粗炒麵啦!

由細到大，每次去上海店，上海粗炒都係我必然會叫其中一個餸菜，但現在舊式上海店真係買少見少。以我所知，灣仔道同大角咀依然都尋找到舊式上海店的踪跡。

大埔-嘉禾粉麵廠

繼續大埔遊，去完"蔡潤記"醫完肚，就行去懷義街。嗰度有間粉麵廠，"嘉禾粉麵廠"。

大埔-蔡潤記粉麵

在這兩個星期日，我都去咗大埔買餸入貨。相信大家都會諗係咪要去梁九記呀？這個不是重點，重點係我比較喜歡行大埔墟街巿。除咗因為海鮮種類繁多、多本地菜賣、其次先係想去梁九記入貨。
雖然荃灣揚屋道街巿海鮮都種類繁多，但實在太迫，行得好辛苦，始終不及大埔墟街巿行得咁寬敞。

通常行街巿前，我都會醫肚先。早前<新假期>曾經介紹"蔡潤記粉麵"。這間經已60年的老字號歷史，馳名魚蛋、魚皮。它是一間舊式老麵店，店內已經爆滿，需要自行揾位。當坐下，已經急不及待叫嘢食。之前食咗早餐，所以叫咗淨魚蛋魚片。可能時間已經過了1點，所以聽到牛腩、牛筋、魚皮已經沽清。

芥菜瘦肉鹹蛋湯

雖然已經過咗立秋，但天氣依然十分炎熱。在這段日子，大家會多數會飲瓜類湯水。近日經過街巿，見到芥菜好嫩綠、好靚。不如改下習慣，轉用芥菜滾湯，都有消暑清熱及解毒的作用，加埋鹹蛋去煲，確保有降火功效，但切記要加入薑片，以免湯水太寒涼。

金不換豆角炒豬頸肉

相信大家這幾日睇報紙，應該都知審訊殺父母案，但詳細案情實在不敢細閱。因為實在太噁心，太殘忍。雖然家家有本難唸的經，但他們養育你成材，就算他們有什麼做錯的地方，都不需要做到將他們碎屍萬段。

金不換通常用它來煮海鮮，首次用來炒肉類，今次用上新鮮豬頸肉，豬頸肉吸晒金不換的香味，感覺上減去油膩感 原來都是那麼惹味!

Fresh As°凍乾紅桑子 - 法式紅桑子西多串

當人年齡開始大，愈會注重健康，今次cici有健康食品介紹畀大家，既可以用來做小食、甜品，或醬汁。登、登、 登登，就係來自於新西蘭Fresh As°凍乾水果。

Fresh As°凍乾水果創新地採用了凍乾法去保留水果的營養及味道，保證100%純天然製造，不含添加糖、防腐劑及人造色素，對於愈來愈追求健康飲食的大家 (包括我)，的而且確是很好的選擇！

一般乾果都經高溫處理，免不了流失果味和養份。而Fresh As°凍乾水果則在真空及零度以下環境凍乾，非但養份零流失，纖維結構能保持完整，賣相也沒走樣。

Fresh As°凍乾紅桑子味道酸酸甜甜，含有大量的抗氧化物，愛美人士可當作醒胃小食，亦可加在甜品或乳酪上入饌。

Fresh As°凍乾柑桔片味道清甜略帶微酸，含有豐富的維他命C，適合崇尚健康的人士作為解饞小食，用作烹調美味菜式亦非常得宜。


這次用了紅桑子來做小食，紅桑子果香味濃郁，色澤鮮艷，而且保留了水果的純天然色澤與天然的酸甜味，將這個西多串加添健康氣色，味道仲好醒胃！

鮮蝦腐皮卷

電視而家真係好少睇，一嚟冇吸引我的節目，二嚟來來去去都係嗰啲面孔，真係幾悶。新節目"沒女大翻身" ，做好多宣傳，但係真係興趣不大。三色台好似將那些女性的缺點暴露於電視觀眾，而換取收視率，實在不欣賞。

星期日那天去大埔，現在除咗"梁九記"出名，還有"全駿記" (前身為"樹記")。大家認得舊招牌嗎？

當然要去入點貨，買到靚腐皮，就整飲茶經常叫的鮮蝦腐皮卷。我做法有點不同，材料煮到夠味道，唔需要舔其他汁醬，煎到脆口，實在yummy yummy~~

金銀蛋浸紅莧菜

最近究竟發生什麼事，那麼多天災人禍，心裡實在太難受，願死難者可以安息，生存者繼續堅強地生活下去。願世界和平! 慶幸自己星期六已經退燒，今朝探熱都已經無再發燒，希望情況愈來愈好。只是繼續要食抗生素。加油吧~~~

紅莧菜十分有營養，有清熱明目、去濕之功效。莧菜的鐵質含量頗高，特別是紅莧菜，簡單用上湯浸紅莧菜，加金銀蛋，清淡又有營養。